🔥لهيب الهوس 🔥( مكتملة)

part72

بسمة ناعمة
البارت 72 حطات التيلي فوق الكوافوز وتقلبات على جنبها كاتشووف فالفرااغ... رافضة تتعنق فتفكيرها ولا تحن فييه.. ماشي سااهل دااك الشي للي داار.. وحتى هي ماشي سااهلة بااش تساامحو دغيا... وعاد إلى تصلحات علااقتهووم... غايبغي يخطبها... وهي باقية رافضة بالتماام.. وباش تقطع تفكيرها خااصها تنعس.. وبااش تنعس خااصها الدوا... تنفضاات من بلااصتها وقفات حدا الصااك... خشاات غير يدها حيت دغيا غاتجبدو... صغرات عينيها مللي مالقااتوش.. هزات الصااك فيدها كاتقلب خاشية راسها فييه... والو مااكاينش... قلباتو فوق الطبلة... طيحات الحواايج للي كااينين فييه.. تأكداات بللي ماكااينش... حركات راسها باستغرااب... شكون غاايهزوو؟؟ غاتحمااق وهي مافاهمة والوو... حطات يدها على جنبها كااتفكر... وكاتربط فالأحدااث... هي عااقلة حطاتو غير فم الصااك... وهاد الصاك كاع ماهزاتو لباارح... ولبنات عارفاهوم ماغايقيسوش فدتك الدواا... فاايت شافوه وقالتلهوم وصفاتولها الطبيبة.. وديما كايشوفوه ومااكايهزووهش... تااج كان هناا الصبااح.. هي كااتعرفو أكيد غايكوون شاافو ويلا شاافو غايكوون عرفوو... شهقاات حاطة يدها على فمها... االشوكة للي دكلها الصباح والدوا للي عطاها قباايلة تشربو... بسبااب دااك الدواا.. هو للي خدااه... فين غاايكون دااه؟؟ لا مااشي هذا هو السؤاال.. السؤال علاش ماحاسبهاش عليه وماقالها والوو... تملكها خووف منوو... هي عارفاه كايخاف عليها.. وعارفة بللي داك الدوا خطيير... وهو فهاد الحواايج كايكون قااسي معاها... سرطات ريقها متمنية يبقا هاكا ومايجبدش الموضووع... وماعليش إلى خدااه غااتجيب واحد آخوور... غير دووز هاد الليلة وغدا يووصلها... توجهات لبلاصتها... تكات كاتحااول تنعس بلاا بييه... بلا دوا وبلاا تااج.. فعلا أصعب من صعييبة... هزات التيلي اتاصلاات برقم البنت للي خدامة فالصيدلية هي للي كاتعطيهلها... توجدلها واحد آخوور وتصيفطولها... ماهامهاش شحاال فالسااعة داابا أو وااش غاتفيقها... المهم تتاصل... لكن المفااجأة هو الجواب دياال البنت: مايمكنش نعطيهلك وماتعاوديش تعيطيلي على قبلو.. هذاك الدوا خاصو وصفة...
هبة بانفعال: ولكن نتي كنتي ديما كاتعطيهلي بلا وصفة شنو تبدل؟؟
البنت: للي تبدل هو أنني كنت غانخرح على خدمتي بسباابك...
سكتاات حيت بدات كااتفهم... تنهداات بانزعااج: واخا واخا صاافي...
قطعات ولااحت التيلي ناعسة على ظهرها غيير كاتنهد معصبة... والنعااس حلف لا جااها....
فبيتوو.. حتى هو متكي على ظهرو ثااني رجل ومسرح لووخرى... هااز ديك القرعة ديال الدوا فيديه خاوية وكاايشووف فيها.. تنهد ونطق: على الأقل هاد الليلة أنا ويااك متعاادليين... وكيف ما أنا بايت سهران حتى نتي بااينة فاايقة.. سكت وناض من بلااصتو رمااها فوق الكواافوز: الأرق حسنليك من هااد السم للي كنتي كاتااخدي..
.... ضرباات الشمس.. وحلات عينيها مهلووكة.. يالله قدراات تنعس سااعة ولا ماكاملااش... طلعلها الدم.. إلى جاابت غير يومين هااكا غااتبقا تدخل فالحيووط... صممات وقررات تمشي راسها عند البنت وتقنعها وتجيب الدواا... ولكن كيفاش غادير تمشي؟؟ أكيد ماغايخلليهاش... حركات كتاافها معصبة.. شكون هو للي يمنعها من وليديها؟؟ ناضت من بلااصتها كانجر فرجلييها مهلووكة.. دخلاات لقاات الدم مشاات.. رجعات هزات حواايجها دخلاات دوشاات... توضاات ولبساات وخرجاات نشفاات شعرها صلات الصبااح.. ونزلاات... كانو كلهوم مجموعين على طبلة الفطوور... حتى هو.. استغربات من وجودو معااهوم... من هذا شحاال ماشاافتو لا فطر ولا تغدا ولا تعشاا معااهووم.. تمتماات: صباح الخيير... كلهوم جاوبوها بابتساامة... طلع راسو من الجريدة للي كاان يقراا.. شااف فييها باين عليها قلة النعااس... تنهد وبلا وعي منو ضاار كايشوف فأشرف ووديع... واش كايشوفو فييها؟؟ حمد الله مللي لقا كل وااحد ملهي فطبسيلو.. رجع شاف فيها وهو كاايرشف من كااس دالقهوة... جرات الكرسي بتعب وجلساات.. حطات يدها على رااسها...
كوثر: عاود رااسك ضارك؟؟
هبة: أمم شوية...
مريم: شربي لحلييب...
هبة: مافخااطريش...
مابغاش يضغط عليها.. شايف بللي قلة النعااس هي للي دايراهالها.. خلاها على رااحتها... أصلا مللي ولفات تنعس بالدوا غايجيها صعييب تنعس بلا بييه... وشوية بشوية غااتولف... نااض من بلااصتو لاابس تريكو دياال الصووف مطراسي عضلاتو وسرواال كحل... 
وساعة رجولية فيدو... يالله زاد خطوات حتى سمع صووتها: تااج؟؟!!
وقف مصغر عينيه كايتأكد واش هذاك بصح صوتها واش عيطاتليه؟ ضار شاف فيها: شنو...؟؟!!
زيرات على راسها ونطقات بزز: ب.. بغيت ندوي معاك...
بقا ساكت كايشوف فيها.. تنهد ونطق: واخا.. أجي معايا..
شافو فيها لبناات بتساءل طمنااتهوم بعينيها وتبعاتو... طلعو الفووق.. وهي كلها كاترعد
حل باب بيتو دخل ودخلات من ورااه... سد البااب وهي كاتشوف فأرجاؤو.. ريحتو مالية المكاان.. توحشاات هاد البييت بززاف.. واها ماشافتوش غير يوومين... أما هو تعمد يجيبها لهنا... بااش تنشر ريحتها فييها... ويبقا يشمها من ورااها.. تنحنح ونطق: آش حب الخااطر؟
فاقت من سهوتها.. شافت فيه وبعد تردد نطقاات: ب.. بغيت نمشي لدارنا؟؟
صغر عينيه: دااركووم؟؟ يالله كنتي تما ولا راني غاالط؟
هبة: هذيك دارنا ونقدر نمشي حتى كل نهااار ماغاتمنعنيش...
بدل ملامحو بإعجاب مصطنع: اوووو تشجعتي؟؟
سرطات ريقها كايعرف يستاافزها: جيت غير نعلمك ماشي نتشااور معااك...
حرك راسو زعما فااهم: حتى أنا غادي غير نعلمك مااغانستااشرش معااك... داركوم هي للي ماغاتمشيش ليها واخا تنطاابق السماا مع الأرض
رفعات صوتها هلى قبل: وشكون نتا حتى تمنعني؟؟ ياك حنا مفارقين و...
قااطعها ببروود: نتي للي مفاارقة مااشي أنا.. وقلتلك ماغاتمشيش ماابغيتش نقااش فالموضووع
هبة: وعلاااش؟؟!!
تااج: حيت يالله كنتي تما وأنا ماساخيش بييك... وحيت كاانبغييك
ابتااسمات باستهزااء: حب...؟؟!! هذا تملك... ونتا أناني فحبك وكاتبغي غير رااسك
حرك حوااجبو: ممم... يمكن عندك الحق.. المهم عندي هو تبقااي حداايا وماتحركي لا يمين زلا شماال.. حيت نتي ديالي بووحدي
عضات على لسانها معصبة: نتا خااصك وحدة مقطوعة من شجرة ماعندها لا وليدين لا خوت لا عائلة.. شي وحدة كبرات فالخيرية.. زاد لعندها وهي لاصقة مع الحييط هز صبعو جيهتها: أنا كان خاصني نتي ولقييتك نتي.. او واخا تموتي ويدفنوك غاانجبدك من تحت الترااب وتكوونيي نتي... حط صبعو على رااسها بعنف: دخليها لهاد نص عقل لي عندك...
هبة: كيف مانتا كاتبغيني حتى وليديا كايبغيوني وحتى أنا كانبغيهووم... توحشتهوم وبغيت نشوفهووم
عض على شنافتو حاط يديه فجيابو من بعد ما زاد اللور بجوج خطوات: ماغاتمشيش..
هبة: نتا مامزوجش بيا باش تتحكم فيا هاكا
تاج بانفعال: غير الزوااج؟؟ نتزوجو داابا داابا نحضر لعدوول
حنات راسها للأرض: ماانقدرش
سرط ريقو طاالعلو الدم: حتى أنا ماكانقدرش وكيف مانتي كاتعذبي فبعدهوم حتى أنا كانتعذب فبعدك...
خرج وزح عليها البااب خلاها طااحت للأرض كااتبكي... أصلا هو عارف علااش باغية تمشي... وغرضها ماشي فوليديها...
نااضت من بلااصتها كاتمسح دمووعها.. رمقات تيشورط ديالو محطوط فووق الناموسية...
قلبها داها لعندو... هزاتو وحطاتو على نيفها... ابتااسمات مغمضة عينيها... هذا هو للي غايعااونها بااش تنعس... حسن من الدوا كااع... هزاتو فيدها ماشغلهاش إلى مالقااهش... خرجاات من تما متوجهة لبيتها... تجبدات على الناموسية تغطاات وحطااتو حداها معنقااه غمضاات عينيها.. وهي كااتفكر دير خطوة وتصالح معاه..  مابقاتش قادرة على بعدو.. وحتى الزوااج كاتفكر فيه... ولكن باقية مترددة... دغيا دااتها عينها وهي متخيلااه هو للي معنقها...