بسمة ناعمة
خلاها فحيرة من أمرها... هو علمها ماشي استااشر معااها... جابت اسبوع وهي كاتعطيه أعذار باش مايجيوش يخطبو.... حتى قالها بللي غايجي بلا مايعلمها من قبل... وهاد الشي خلاها تزيد تحير وتتلف... بانولها غير صحاباتها للي ماكانوش كايتفاارقو ماشي غير لقراية للي كاانت جامعااهووم... بغات تعاودلهوم ويعااونوها... علماتهوم فالوااتس بااش يجيو لعندها... وغير وصلات لعشية جااو... سلمات عليهوم ودخلاتهوم للصاالون التقليدي لبسيط للي مفرشينو على قبل الضياااف وممنوع منعا كليا يدخلليه شي حد من غير الضيااف أكيد... جلسو مساتفين وهمت كايتعاودو ويضحكو وهي غير جاات تجلس رمقاات وااحد الفولاار كبيير مجموعين فييه حواايجها نصهوم خاارج بررا.. خنزرات كاتأكد واش داك الشي للي شاافت بصح... وهاهي ماماها دخلاات بضحكة شريرة... سلمات على لبنات وهي كاتشووف فهبة للي كاتنعتلها جيهة الكسوة بعينيها تحناات عندها ودوات بالشوية: من إمتا وانا نطلبك تطوي حوايجك وتقاديهوم فالماريو... وداابا شوفي كيف ديري لشهووهتك...
خرجاات عينيها: حرام علييك أماما واللاهيلا حراام...
خرجات وخلااتها كاتحك صباعها بتوثر... ابتاسماتلهوم فوق طااقتها... وناضت كاتحااول تخبي داك الشي للي طااايح... هزاتها ومشاات كاتجري لبيتها حطاتهوم فووق النااموسية وخرجات سدات البااب وتكات علييه كاتنفس بالجهد... تحركات راجعة لعندهوم دخلاات كاتفرنس رجعاات لبلااصتها: إيوا يالبناات آش كااتعاودو؟؟
مريم: والو من عندك كانستناو النتيجة على نار...
هبة: أمم ماتفكرينيش...
غزلاان: وااصاافي مالقيتو فااش تفكروونا...
كوثر: حيت نتي ماخدماي ماحفظتي ماتكرفصتي... غير غشيتي وماخاسرة والو سوا ديتيه سوا لاا...
هبة: وآخرتها غاتزوجي بشي تيتيز كايعرف باباك... راه كل عاام كاتخطبي حتى لربعة المراات...
كوثر: آه غير قوليلي علااش مابغيتيش تزوجي...؟؟!! ياك موظفين وبفلوسهوم
غزلان: حاى حد فيهوم ماكايعمر لوجه ماعجبونيش
كوثر: هاد الايتيز بغيتوه يتزوج من طرف...؟؟ هي غاتدي داك للي بغاه قلبها... طلعات عينيها كاتشوف فهبة: وتتي شنو درتي مع سمير؟؟ باقي مصر على الخطبة؟؟
تنهدات: اه بااقي ومللي شاافني كانتهرب بززاف قالي بللي غايجيو بلا مايعلمنيبسمة ناعمة
بصراحة هو مادارش شي غلااط بالعكس صدق رااجل للي بغا يخطبك وماتخلاش علييك...
هبة: آه مللي كانفكر هاكا كانلقا بللي هو مادار حتى غلااط... ولكن حاسة بللي كايفرض عليا شي حااجة بزز مني... كان خااصو يسولني ويعطيني وقت بااش نفكر...
كوثر: حيت عارفك غاترفضي.. عارف كاتهربي منو وخايف يخطبك شي حد آخوور...
غزلان: عرفتي أنا لوكاان نعرف شي حد يبغيني بحالو مانترددش حتى ثانية أني نقبل بيه...
هبة: ولكن أنا مامرتاحااش...
كوثر: شوفي هانتي ماغاتخسري والو علمي عائلتك... هما غايجيو غير يخطبو ماشي غاتزوجو.. ةتنا غايكون عندك الوقت تفكري... غايخرجو نتاائج البااك وبيهوم غااتقرري...
تنهدات كاتفكر حتى سمعاات مريم: سعداتك بيه للي بحالو قلال
هبة: ومالك ختى نتي عندك سعيد....؟؟
ابتاسمات بسخرية: هذاااك... هههه... كل نهار كاتجي لعندي بنت تقولي بللي هو معاها وكايتلاقااو
كوثر: وااش داوية بصح...؟؟
مريم: آه غير كايضحك على بناات النااس
غزلان: ولكن رااه نتي دااك لعند ماماه وعرفك عليها شكرااتك وعجبتيها
كوثر: وعاد نتوما واتيتو بعضياتكوم... هو زوين ونتي زوينة وبجوجكوم عينيكووم كباار...
مريم: مابقيتش كانتيق فييه وليت كانتهرب منو بززاف بااغية ننسااه ونتهنا قبل مانزيد نتعلق بييه....
........
هاكا دوزو لبنات عشيتهوم كايتشكااو ويتشااورو مع بعض كيف كل مرة تلاقاو بيها... ضيفاتهوم مامات هبة... ومللي وصل المغرب توادعو وخرجو وهي رجعاات للكوزينة دغيا وقفات عند راس ماماها للي كانت كاتغاوت هي وخوها الصغير
جواد: شوفي راه بعينيا شفتك جبتي الحلوى من السطل لبيض للي مغلاقتو زرقة فيناهو...؟؟
الأم: سير تلعب داك الشي تاع الضياف...
جواد: الضياف يااك؟؟ حنا فينا السكر ماناكلوش من الحلوى... ديما الضياف ديما... الصالون للضياف الحلوى للضياف الطبااسل الزينين للضيااف الكيساان الجداد للضيااف... حنا نعبدو هاد الضيااف
الأم: جواد غبر كمارتك رااك صعرتني
جواد: واصافي مللي ضروري مايتجبد داك الشي حتى يكونو الضياف غدا نجيب صحابي حتى انا ونجلس معاهوم بحال هبة وناكل معاهوم
نطقات وهي واقفة من وراهوم حاطة يدها على جنابها: علاه صحابك بحال صحاباتي غاتجيبهوم.. ياك غير كريم بوخنونة... وداك المريك ديال ولد موسطاج... وزيد عليها لاخرين بلا خسااب
جواد: يدوشو ويلبسو كسوة جديدة ويجيو وااش فييها
تحركات مقربة لعندهوم وماماها غير كاطلع وتهبط
VOUS LISEZ
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
