🔥لهيب الهوس 🔥( مكتملة)

part121

بسمة ناعمةبسمة
البارت121: ناضت فالصبااح دوشاات وفطرات لبساات كسوة حجاابية انيقة قادات زيفها.. دارت ماكيااج خفيف خباات بيه التعب والصفورية.. جات زوينة.. ابتاسمات كاتفكر فهدرة لبنات ومامات تاج كل نهار.. تبقا حابسة راسها هنا مااشي حل.. هي كاتزيد تأزم... شافت جهة البالكون.. الشميسة زوينة... غاتخرج على الأقل تجلس غير فالجردة.. وتشوفو غير من بعيد.. توحشااتو..
نزلات مع الدروج بالشوية حتى وصلاات لتحت... لقات الدنيا خاوية غايكونو مشاو للخدمة ومريم غاتكون خرجات مع وديع اما كوثر وغزلان كل وحدة بداارها
(غزلان دارت العرس هي وفارس من ورا عرس هبة وتاج بشهر) خرجات للجردة هازة التيلي ديالها وتوجهات للأرجوحة.. جلسات فيها ودارت الكيت فوذنيها كاتصنط لموسيقى غربية هادئة.. حركات راسها كاتشوف قدامها مللي حسات بشي حد جلس حداها لقاتو لؤي جاالس كايشوف فيها بلا مايهضر.. ختى هي ماهضراتش.. رجعات غمضاات عينيها وتكات عايشة مع الأغنية...
دخل بطوموبيلتو مع الباب.. كان عندو إجتماع ونسا شي ملف.. وحيت هو فجناحو وماكايتحل غير بالبصمة ديالو اضطر يرجع بوحدو (الجناح كايتحل حتى بالبصمة ديال هبة غير هو ناسي ومللي بغاو الدراري يخبيو الدريسينغ ديالها هي حلاتو) حبس الطومو بسرعة ونزل يالله غايدخل مع الباب جات عينو عليها مغمضة عينيها وعايشة فعالمها.. حرك راسو كايشوف فلؤي للي جالس حداها ساهي فيها.. زير على قبضة يدو إحساس خاايب راودو.. كره لؤي كثر ماكان كارهو من قبل.. وكره قربو منها... زاد جهتهوم بخطوات سريعة حتى وقف عليهوم.. لؤي سرط ريقو وهي طلعات راسها بتعب كاتشوف فيه.. شافتو مخنزؤ وحايدات الكيت.. نطق بعصبية ماعارفش آش كايقول: ماعنديش هنا حديقة العشاق...للي بغا يتزلل يمشي لبلااصة أخرى..
خرجات عينيها مصدومة من هدرتو.. أما لؤي صغر عينيه ونطق متشجع حيت عارفو ناسي: واخا اولد عمي.. سمحلنا تعدينا على أملااكك.. مي هاد الهدرة راها قاصحة وهبة ماتستااهلهاش منك...
تاج بنرفزة: ونتا ماالك...؟؟ آش دخلك..؟؟
لؤي: والو.. شاف فيها: تبغي تخرجي..
هزات عينيها عامرين دموع.. كاتبكي بحرقة كلامو جرحها كثر من نسياانو ليها.. بغات غير تبعد باش تبكي.. باش تتنفس حسات براسها مخنوقة... حركات راسها للؤي: آه..
يالله زادت خطوة باش تمشي حتى شدها من يدها مزير عليها.. شاف فلؤي: *ود عليا من هنا.. هي ماغاتمشيش معااك...
لؤي: وبآشمن حق..؟؟
شافت فيه ماقادة على مضاربة وهي كاتتشوف فتاج صاعر: لؤي غير سير..
حرك راسو: واخا غير على قبلك..
ضغط على يدها للي شادها منها كرد فعل على هدرة لؤي.. عضات على شناافتها بألم وهي كاتنخصص فصمت.. اصلا هدرتو قصحاتها كثر من هاد الشي... سمع التيلي فجيبو كايصوني جبدو وجااوب كايغوت: ماكاين لا اجتماع لا زمر.. أجلو ولا بيع ديك الشركة وهنيني كااع..
قطع وجرها مدخلها معاه.. غير وصلو للصالون طلق منها.. شدات فيدها مقصحة وهو كايشوف فيها: بيناتكوم شي حااجة؟؟
دموعها للي كانت حابسة بداو كاينزلو وحدة ورا ختها.. هدرتو كاتقصحها بزاف قرب لعندها باينة فيه واصلة ليه العظم: كاتبكي علييه؟؟ مابغيتش نخلليك تخرجي معاه يااك..؟؟ حل يديه كاايدوي بنرفزة: إيوا ألالا ماغانخلليكش يالله موتي.. ماغاتخرجيش..
حركات رااسها حاطة يدها على وذنها: مانخرجش.. اهيء اهيء.. بغيت نمشي غير لبيتي انا مااشي بنت الزنقة اهيء..
ضارت كاتجري طلعات مع الدروج وهو حاضيها صدرو كايطلع وينزل.. ضرب واحد الفااز كبير برجلو خاى شخشخو.. وغوت حاط يدو على راسو...
النهار كامل وهي فبيتها تبكي دخلات ماماه لعندها حاولات تهدنها بلا فايدة... خلاتها حالسة فالبالكون جامعة رجليها عندها دموعها شلال وخرجات متاجهة لجناحو... يالله غادية فالطريق حتى لقات فارس أو وديع جايين... وقفو كايشوفو فيها باستغراب
وديع: فيين غاادية..؟؟
.....: غانشوف تاج.. ندوي معااه..
وديع: واش من نيتك الواليدة؟؟ فين عمرو تاج استقبل شي حد فجنااحو..؟؟ هاهو جرا علينا من الباب...
......: غانحااول... ضروري ندوي معاه..
فارس: ياك لبااس...؟؟
تنهدات كاتشووف فيهوم: على قبل هبة.. (عاوداتلهوم شنو وقع)
وديع بابتساامة: هههه.. باقي كايغير عليها واخا فاقد الذاكرة..
فارس: واييه.. هذا حب من نوع آخوور..
نطقات كاتشوف لبعيد: راه كايجرحها هاكاك.. إلى هو نااسي هي مانسااتش بللي رااجلها.. وديك الهدرة كاتقلل من شرفها وقيمتها..
تخطااتهوم: خاصني نهضر معااه...
.... وقفات عند بااب الجنااح حطات يدها على الصونيت كاادق.. مرة وجوج وثلااثة عااد حل باينة فيه معصب وماعاجبو حاال.. وقف كايشوف فيها: الواليدة..؟؟
شافت فيه بحدة: بغيت نهضر معااك..؟؟
صغر عينيه متكي بيديه على الحيط: ياك لبااس؟؟
نطقات كاتشوف من وراه: ماندخلش..؟؟
سرط ريقو كايشوف فجنابو: الواليدة نتي عارفة ماكانبغي حد يدخل لجناحي غير سمحيلي..
حركات راسها كاتضحك من للداخل عاد الشي كان قبل مايعرف هبة.. نهار تزوجو ولا الداخل كثر من الخارج وهو غير كايشوف ماقادرش يهضر.
تاج: نجلسو لهيه؟؟
حركات راسها بالإيجاب: واخا..
تمشاو وجلسو فالهول فوق فوتويات كبار.. شافت فيه شدات فيدو: هبة..؟؟
دغيا شاف فيها مخرج عينيه وهي كملاات: شنو دارتلك حتى جرحتيها هاكاك...؟؟
تاج باستغراب: شكات عليك..؟؟
-لا من الصباح وهي تبكي... هي ماموالفاش شي حد يطيح منها...
تنهد: واش كاتبكي بسباابي أنا بكيتها؟؟
-آه بسباابك.. ماموالفاش ليك كادخل فالنااس.. شنو وقعلك؟؟
حط يدو على راسو كايمسح شعرو: ماعرفتض ماعرفتش الواليدة.. للي عارفو ومتأكد منو هو اني إلى لقيتها معاه ولا مع غيرو غانتصرف بطريقة أبيع من هذيك ونقدر نضربها كاع...
ابتاسمات: ماعمرك ضربتيها ولا حطيتي يدك عليها... كانت عزيزة عليك ولكن ماكنتيش تآذيها...
حل فمو عينيه كايلمعو: كنت قريب منها..؟؟ كا...
سرطات ريقها مقاطعاه: ه.. هاد الشي خللي حتى تفكرو رااسك...
قوس حجباانو معصب كاايتنيرفا مللي يخبيو عليه الماضي ديالو..
ناضت كاضور فراسها خايفاه يمارس عليها ذكاؤو وتبدا تسرسر: نخلليك تنعس مسا الحاال
نطق بين شفايفو: فين هو النعااس؟؟
شافت فيه بتسااءل: قلتي شي حاجة؟؟
حرك راسو: لاا... شاف فيها: باقية كاتبكي؟؟
ميلات شفايفها: ماعرفتش.. غاتكون نعساات داابا