🔥لهيب الهوس 🔥( مكتملة)

part48

بسمة ناعمة
البارت 48
كانو واقفين كايجمعو ويضحكو حتى جاو لعندهوم شي دراري دايرين مجموعة كبيرة طايعلقو على بعضهوم ويضحكو خالقينها غير راسهوم (أكيد كلكوم مجربين ايام الدراسة الضحك والنشااط) نساات همها وهي منسااجمة معااهوم... حتى وصلها ميسااج فالتيلي دغيا جبداتو من جيبها كاتشوف فيه: كيبقيتي...؟؟ مزيانة ياك ماضاراك حتى حااجة؟؟
ابتااسمات وجاوبات فلبلااصة: لا مزيانة الحمدلله..
دغيا طلعلها لvu كان حال عندها كايستناها تجاوب: مزياان.... سمحيلي اهبة ماغانعاودش لنفس الغلط سمحيلي...
هبة: ماعليش ماوقع والوو...
تااج: فيينك داابا أكيد خارجة يااك؟؟
سرطات ريقها وجاوبات: آه غير لتحت فالحي..
تااج: أممممم... ومعااكوم الدرااري يااك؟؟
ضورات عينيها كاتشوف يمين وشمال واش مرااقبها وهو صافط ميسااج آخوور: مامراقبكش بلا ماتقلبي غير توقعاات...
شهقات مخرجة عينيها فالميسااج: وبااش عرفتيني كاانقلب؟؟
قرااه وكتب ميساج آخور: معااكووم الدراري؟؟
هبة: تااج.. كاينين آه ولكن والله أخويا حتى بعاد عليا أنا المجموعة كبيرة
تاج: إلى عاودتي لهاد خويا كانقسم بالله حتى نشد عندك الطريق دابا... ودابا دخلي للشومبر
هبة: عفااك مانقدرش حاسة براسي مخنووقة غير شوية وندخل...
جاوبها بالزربة: ماغانبززش علييك هاد النهاار فات عندك طويل... غانحاول نصبر راسي مللي تدخلي علميني... يالله نخلليك عندي شي خدمة..
ابتااسمات: أوكي شكرا...
سد الكونيكسيون وحط التيلي على البيرووو مرجع راسو اللوور كايضور بالكرسي المتحرك للي كان جالس عليه مترأس المكتب... شاعل الفيووز للي يالله مضوي الورااق للي خداام فييهووم... كان كايسووق مرفوع حتى لقا راسو دخل لكازا... مشا للفيلا ديالو تما وتوجه للمكتب ينسا او يتنااسا... مارتاح مادوش مانعس ماوالو... كايحس براسو عياان... وبانتلو غير هي للي تريحو... صاافط وهو شبه متأكد بللي ماغاتجااوبوش... لكن كانت عكس توقعاتو جاوبات بسرعة.. فرح من قلبو وهو كايتكونيكطا معاها... جامي تكونيكطا مع شي وحدة حتى فمراهقتو ماعمرو دارها... من ميساجاتها حس بللي مابقاتش كيف قبل... ماتوقعهاش منها كاتجاوب وتطلب منو يخلليها برا مزاال... زااد حبو ليها ويااويلها..... يالله دابا يقدر يدوش ويمشي ينعس شوية... يالله قدر يرتااح...
دخلو للشومبر مع الطنااش دالليل... غير دخلات صافطاتليه ميسااج وجاوبها فلبلااصة واخا كان ناعس نعاسو خفيف بززاف... غير سمع صوت التيلي فاق.. حيت قبل ماينعس خدم الويفي باغي يعرف إمتا دخلاات: آخر ميسااج كان مع الثمنية ودابا الطناش.. ماتعطلتيش بررا تمااما كيف واعدتيني...
عضات على شفايفها: غير تلااهيت فالهدرة وداز الوقت
تااج: مع الدرااري؟؟
هبة: كنا بززاف أتاج... ماشي غير أناا
تااج: سميتي حلوة من فمك... #توحشتك.. نعيطلك فيديو؟؟
هبة: ل... لا لاا... راه محايدة حواايجي وغاننعس
تااج: ومن بعد...
يالله جات تجاوبو حتى لقاتو مطلع لابيل... جاوبات وهي متكية على اللية ديالها شعرها محموع بإهمال وخصلات منو نازلين على جبهتها لابسة تيشورط ديال البيجامة من بعد ماحايظات الكااب... أما هو كان متكي على يدو جنب فوق ناموسيتو صدرو عرياان شعرو نازل على عينيه باينة فاازك.. حاط التيلي مقابل معاه كايشوف فيها مبتااسم: كاتبااني زوينة بززاف ماكرهتش نخشييك فيا فهااد اللحظة..
عضات على شفايفها كاتشووف فييه شهاها كثر ماشهااتو يالله ردات البال لفين هو: هذا ماشي البييت دالباارح فينك؟؟
تااج: انا فداري فكازا...
هبة باستغراب: كازا..؟؟!!
تاج: أممم... كانت عندي شي خدمة وجيت لهناا
حنات راسها ماعاجبهااش الحاال وهو كمل: شوفي فيا... نقص من نبرة صوتو: توحشتك بززاف...
ابتااسمات كاتشوف فيه... كان كايشوف فيها بطريقة خلاات جسدها يرتاعش... كايتمعن فملاامح وجهها تنهد بصووت مرتاافع ونطق: #كاانبغيييك... كاانموت علييك أهبة... سكتات غير مبتااسمة وكاتهرب فعينيها
تاج: ونتي؟؟
هبة: آه.. وأنا مالي؟؟
تاج: ماكاتحسي بوالو من جهتي؟؟ ماكاتبغينيش؟؟ ماكانعجبكش...؟؟ شي حاجة كيف ماكانت غير طمنيني؟؟
ابتااسمات مرة أخرى هي ماشي غير كاتبغيه هي كاتحمااق عليه يالله حلات فمها غاتجاوبو حتى سمعاات الهدرة... ضورات راسها كاتشووف فكوثر داخلة شاعلة ومن ورااها غزلاان... هو غير سمع الصووت ضحك... متكي فوق الوسادة على ظهرو هاز الايلي مقابلو معاه طالق ودنيه
كوثر: يعني أنا كل ليلة خاصني نقلب على وحدة يااك...؟؟ مواتكوم ولدوكوم وصافطوكوم معايا وتهنااو... وأنا نحصل
غزلان من وراها: الله يهديك أكوثر راه دابا تجي...
كوثر: سكتي سكتي... راها باقية نووبتك غدا نلقااك مهشية فشي قنت مع شي وااحد ولوكان غير ترمتك صغيرة تقدك باش تخشااي..: شهقات هبة مخرجة عينيها كاتشوف فتاج للي كايضحك: سمحلي بلاتي وعيط..
تاج: لا لاا... ماتقطعيش عندااك تقطعي... خلليني كانشوف فييك...
هبة: غير حتى نشوف شنو كااين وتسكت هذي ونعاود نصونيلك...
حرك راسو رافض تماما: لا ماتقطعيش غير خلليني... اصلا كاتفوج عليا هاد صااحبتك...
مالقات حتى شي حل دارتلو خاطرو بغات غير تعلمها بللي راه الفيديو دايز خافت تقولها شي كاريثة تفضحها معاه...
غزلان: بززاف علييك نتي غير يعصبووك رجعي لعندي... لقيتيني ساكتاليك... مالكي مسمومة ماالكي يخخ على بنت؟؟
كوثر: أويلي غادي نريشها... هبة شهدي شهدي وااله حتى نريشها... قالتلك مسمومة... إلى غير نباتو راهوم دايرين الصف حدا لافاك كايقلبو على شكون يدفيهووم فهاد البرد... للي قصدتو يقولي مرحبا..
هبة: مالكوم ياك لبااس شنو وااقع؟؟ فين مريم؟؟
كوثر: عليها داويين... تعقلي على داك مول لكرافاطة للي كانت كاتفلا عليه داك النهار حدا داك المصنع؟؟
غزلاان: أيمن أيمن...
كوثر: آه هذااك... قالك هي معااه... فين وشنو كايديرو الله أعلم... ياك النهار طويل وعريض علااش كاتخليو حتى لليل علااش أعبااد الله... الليل أنا راه كايخلعني...
هبة غير كاضور فعينيها حشمات وتااج ميت بالضحك: تهدني اكوثر حتى تجي ماتسبقيش العيب..
يالله جات تجااوبها حتى دخلات مريم تعرضاتلها كوثر: صباحية مباركة يااعروس...
ميقاات فيها ودازت: يخخخ جدة ياك خلليتها لهيه مايحصابليش تلبسااتك وتبعااتني حتى لهناا..
نقزاات عليها كاتقرصها من فخاادها مشات غزلاان كاتجري وبقاو بثلاتة كايضاربو ويتقاابشو شي يسلك شي يضرب شي غير يغوت... ماتغرف الظالم من المظلوم... هبة غير شاافت االقضية حمااضت نااضت كاتجري رمات التيلي جا مكالي مع الوساادة وتااج يالله حلاتليه لفرااجة كايشوف فيهوم مقابلين معااه خااري بالضحك... ناضت كاتحبد فغزلاان للي ثقيلة ماقدراتش تفرقها عليهووم حتى كشفااتها رماتها بعيدة جات طايحة غلى قزيبتها بومباات لرض شافت فيها كاتجمع الشعر للي طايح على وجهها وتنهت: خخخخ... غولة شنو كنتي مخشية كاديري هنا واش كاتكملي لعشاا ولا ماسلكتي ماخويتي الطريق...
كاتدوي معصبة ناسية تااج للي كان كايتفرج خلاتها كاتحك فقزيبتها ورجعات لعند لاخرين كاتحبد فكوثر وهي جعراات كاتقرص فمريم: أناري بعدي عليها راك غاتقتليها... كاع ماسمعاتلها ختى غوتاات بالجهد: كوثررررر....