🔥لهيب الهوس 🔥( مكتملة)

part6

بسمة ناعمة
البارت 6: اتصال ورا اتصاال... التيلي حتى كايسكت ويرجع يصووني... برزطها وعارفة شكون للي كايتاصل... باغية تطفيه وباغية ديرلو صيلونص مي خايفة يصونيو صحاب الداار ويلا ماجاوباتهومش كايخاصمو علييها... حبسات المشية مخلية صحاباتها سابقينها... جبداتو من جيب الكارطاابل للي هازة... جاوبت وقبل ماينطق سبقاتو: سمير أنا دابا خارجة نرجع للدار وندويو...
سمير: آه شفتك خارجة.. بحال ديما انا ماتقدريش ولكن مع الناس تقدري
هبة: راه مامات كوثر سخراتنا ماشي لخاطري
سمير: ههههه... آه نفس الكذبة... واخا ولكن السخرة اهبة فساعة فجوج مااشي فايتة ثلاتة السوايع
هبة: واش دابا نتا غاتبقا تحسبلي بالسوايع داير عليا اللاكط ولا شنو...؟؟!! خرجنا خرجنا قلنا نضورو شوية نبدلو الجو
سمير: آه الله يحسن العوون ماكاتخرجيش كاع... غير ناس دالمدينة ولاو كلهوم عارفينك...
قطبات حجبانها معصبة.. عدوها فللي يدوي معاها بهاد الطريقة بدلات نبرة صوتها ونطقات بحدة: سمير واخا نبقا النهار كامل خارجة ماغايدويوش فيا دابا كيف ماكايدويو مللي نكون معاك كانتساراو فالزناقي بلا قانون... رد باالك لهذرتك أنا أشرف منك أسمير وكاننصحك ماتزيدش تصونيلي...
قطعات وغمضات عينيها كاننفس بالجهد.. رجعات التيلي لكارطابها... وزادت باتجاه صحاباتها ماكانوش سابقينها بززاف... لقاات مريم وغزلان مربعين يديهوم كايشوفو فكوثر للي واقفة مقابلة مع زاج فيمي دوااحد الطوومو.... جبدات كلووز من ساكها دوزات على شفايفها وهي مركزة كاتشوف فوجهها... مصاتهوم... وفجأة هبط الزاج... خلاها ترجع جوج خطوات اللور حالة فمها مخلووعة... سرطات ريقها وهي كاتشوف فالشاب للي جالس كايشوف فيها من الطومو: زيدي مااكي... ولا عرفتي آش ديري؟؟ هبطي السروااال وحلقي على الحاالة من لتحت...
لبنات تصدمو وهي زادت حلات فمها رجعات كلها حمرة: آه.....؟؟!!
الشااب: هانية والله أنا مساااالي نستنااك
عضات على سنانها معصبة: يخخ على بناادم ماكايحشمش...
جاوبها باستهزاء: تباركالله على الحياء والحشمة شخصيا...
خنزراات فييه ومشاات كاتزرب فخطواتها... ولبنات تابعينها
غزلان: ويلب ويلي ويلي...
كوثر: تغرقي فيك اديك الخنشة....
غزلان: إيه خنشة ومانديرش هاد الشوهة ديالك...
وقفات كوثر معصبة: والله وماتسكتي حتى نعجنلك ديك الكرش للي سابقاك بمشية نهار
مريم: كوثر ماتزيديش فيه ماشي هو عصبك وتردي عليها هي أعصابك...