🔥لهيب الهوس 🔥( مكتملة)

part83

بسمة ناعمة
البارت83: تااج: لا مااشي عاادي.. ماخاصكش تبقااي ترعفي...
هبة: ماكانرغفش بززاف.. راه هذي مدة ما وقعلي بحال هاكا... غير مللي كانبقا فالشمس بززاف ولا إلى خدمت بززاف وعييت.. ولا إلى خصني النعااس...
تاج: ماتبقايش تفوورصي على رااسك.. بففف غدا عندك إمتحاان... شاف فيها: حتى للعشية يااك؟؟
هبة: أممم... فالصبااح نشد الطريق..
تااج: خااصك تنعسي... والليل داز فيه النص..
بقا غير كاايسووط معصب ومديرونجي.. جبدها بيد وحدة خشاها فصدرو معنقها.. باسها على رااسها: روحي ولات مشروكة مع رووحك.. توقعلك شي حااجة نمووت قبلك...
غمضات عينيها مخشية فيه وهو جبد التيلي من جيبو دوز شي نمرة وحجو على ودنو... من بعد مدة نطق: السلام عمي.. نتمنى مانكونش فيقتك؟؟
.....: لا أولدي باقي فاايق
تااج: بغيت غير نقوولك بللي غاندي هبة معايا داابا لوجدة باش تصبح تما غدا عندها مراجعة فالصبااح والإمتحان فالعشية
غير سمعاتو دغيا طلقات منو كاتشوف فيه باستغراب...
مهدي: اه ماشي مشكل أولدي لقيتيني كانفكر كيفاش غاتمشي غدا وهي ماشابعاش النعاس وختى الطرونسبور ماتلقااهش..
تااج: آه داك الشي علااش..
مهدي: آه وااخا.. ولكن الحي غايكون دابا سااد و..
تاج: غاتمشي معايا للفيلا راه تما وليديا وختي.. الدلر عامرة...
مهدي: حتى هذا نظر.. إلى ماكان عذاب أولدي دوزها من هنا.. باش نشوفوها..
تاج: هي اللولة أعمي.. يالله نخلليك..
هبة: تااج؟؟!!
شاف فيها مقاطعها: شششش.. مادرت والو.. حتى هو ماعارضش.. باش تصبحي ناعسة.. ماتضطريش تفيقي بكري وتهرسي نعاسك.. غدا مللي يبقا الإمتحان ساعة ولا جوج نفيقك... وااخا؟؟
حنات راسها وهو ابتااسملها.. جرها من يدها خارجين من الحمام حتى شافو أشرف شاد كوثر من ودنها... وهي كاتوحوح: زغرتي يالله زغرتي..
مااخس غير بتسمقيلة ليدو ضار شاف تاج مخنزر: رجع للبنت وذنها واش هبلت؟؟ راك يالله اليوم خطبتها...
جرو من قبيتو وهي بقات واقفة كاتكمد فوذنها مخنزرة... توادعو مع مريم او وليديها وخرجو... علمهوم تاج بللي غايدي معاه هبة... أشرف ركبات معاه كوثر يوصلها لدارهوم.. ضارت شافت فغزلان: طلعي أغزلان نوصلووك..
يالله تحركات حتى وقف حداها فارس كايشوف فأشرف: غير سير أنا غانوصلها...
حركلو راسو ومشاا.. ولوخرين بقاو كايشوفو فيه مبتااسمين ويطلبو الله تكون بيناتهوم شي حاجة.. خلاوهوم غير بجوج..
تاج ديمارا قبلهوم.. دازو لدار هبة سلمات على وليديها وخوتها وهزات داك الشي للي خاصها وكملو طريقهوم لوجدة...
..... كان سايق وهي حداه... مازاكياش غير كاتحرك وضور فعينيها... وتفرك فصباعها.. وهو حاضيها بنص عين مبتااسم.. نطق مفيقها: من هناا...؟؟!!
طلعات راسها بسرعة كاتشوف فيه: هااا....؟؟!! رجعات كاتشوف فالطرييق: آه.. صاافي صافي غير هناا...
وقف الطومو وضار كايشوف فيها هي للي كاتحل فالسمطة: داركوم باقة بعيدة؟؟ غاتمشاي بوحدك فهاد الوقت...؟؟!!
غزلان: ل.. لا هاهي باينة من هنا.. قريب..
حرك راسو بالإيجااب..
غزلان: شكرا بززاف وسمحليا عذبتك...
فاارس: لا عذاابك رااحة... يالله جات تهبط حتى سمعاتو: نتلاقاو غدا..
شافت فيه : غداا...؟؟!! علاش نتا مااغاتمشيش..؟؟!!
ضحك باستغراب: لا راه نتي للي غاتجي لوجدة..
صغرات عينيها بتسااءل: علااش؟؟
نطق وهو باقي مستغرب: على قبل ليكزاام كيفااش علااش؟؟
سااطت مكرهة وتمتمات بصوت مسموع وهي كاتشوف فالأرض ناسية وجودز: تف تف.. كنت نسيت لخراا... ناوية نضل غدا النهاار كاامل ناعسة.. يخخ ماغانطفروش ماغانطفروش علاش هااد العذااب كاامل...؟؟
قفزها مللي نطق وهو مخبي ضحكتو: نسيتيه؟؟
شاافت فيه مخلووعة حنووكها حماارو بقوة الحشمة وبقات كااتخربق فالهدرة: و.. واش..؟؟! أسمحلي.. نسيتك حتى نتا واش كااين حداايا؟؟
تفتفاات بيديها بااش تحل البااب غير حلااتو نقزاات جات واقفة على بررا.. شاافت فيه مبتااسمة بتوثر: بسلاامة علييك...
ضاارت كاتزرب فخطوااتها وهو متبعلها العين وميت بالضحك كايتفكر شنو قاالتلو.. وتصرفاتها حدااه... غير كابحرك فراسو ويضحك.. مامشا حتى شافها حلات الباب بالساروت ودخلاات...
....
حابس الطومو حدا باب داارهوم هي.. كايفرق قبلاات على وجهها منسااجمين.. حتى بعداات عليه بالشوية: واصافي أ اشرف راه يشوفنا شي حد..
جاوبها وهو مغمض عينيه باقي ماقنعش: خلليهوم يشوفو راه رزقي هدا.. وزايدون الطومو مغطية.. توحشتك
دفعاتو بالشوية من صدرو: صافي راه خاصني ننعس غدا تابعاني الطريق...
بعد مكره وغير كايسوط: علاش مابغيتيش تمشي معايا داابا...؟؟
كوثر: واحنا للي دارتو هبة وتاج نديروه...؟؟ غدا غانجي...
حرك راسو متقبل: أوكي صاافي.. غدا غير صبحي نااعسة وفيقي على خااطرك غانجي فالوقت ناخدك
كوثر: بلا ماتعذب رااسك نجي ف..
قاطعها: ماشي عذاب هذاا... أنا ونتي ولينا وااحد...
فوسط الطريق هو ساايق وهي حداه... كاتشوف من النافدة ومكالمية مع الموسيقى الهادئة للي طاالق.. ومع ريحتو للي فارضة وجودها فالطومو... مغمضة عينيها عايشة اللخظة.. والفراشات كايفرفرو فالداخل ديالعا.. وحالة السرجم لهوا ديال الليل كاايدي فشعرها ويجيب.. حتى سمعاات صوتو المهموس للي زاد للجو رنة خااصة: سديه البرد ديال دابا مااصالحلكش غايمرضك..
شاافت فيه بابتساامة: لا غير خلليه... عجبني...
رجع كايشوف فالطريق: غايمرضك أهبة سديه...
سدات غير نصو وحطات يدها على راسها مكالية بيها.. وغمضات عينيها.. ضار عندها كايشوف فيها ورجع شاف فالطريق... خرج على جنبها وووقف... حسات بالطومو حبساات وشافت فيه: علاش وقفتي؟؟
حاايد لحزام: غاترجعي اللور باش تنعسي.. هاكا معذبة..
هبة: لاا.. غير خلليني هنا مرتااحة..
خنزر فيها: هبة...؟؟!!
تنهداات: بفف وااخا..
جاوبها وهو كايحل الباب ناازل: ماتسوطيش..
نزلات حتى هي حلها البااب اللور ركباات وركب حتى هو قاادها ناعسة وغطااها بدجاكيط ديالو اصلا الجو سخون تما الكليمة شاعلة...
غمضات عينيها شادة فالدجاكيط ديالو بيديها بجوج كااتستنشق ريحتو وهو رجع ركب القدام مكمل طريقو... ماهي إلا لحظاات حتى نعساات...
....
من بعد مدة وصل نزل وضار حل عليها الباب كانت غارقة فنعااسها... ابتااسم وهو كايهزها بين يديه.. غطاها بديك الدجااكيط... حلات عينيها بتثااقل جااو فعينيه الرماديين كايشوف فيها بتركيز... نطقاات بصوت نعساان: وصلناا؟؟!!
تحنى باسها فخدها وهو غادي بيها الدااخل: أممم وصلنا... ابتااسم: ننزلك؟؟
شدات فكتافو مغمضة عينيها بتعب: ألااا غير وصلني للبيت والله ماقديت..
عض على شاافيفو عاجبينو حركااتها: وااخلصيني..
هبة: بااش؟؟
تاج وهو طالع فالدروج: شوفي شحال من درجة غانطلع بيك.. فكل درجة بغيت بوسة...
خشات راسها فعنقو: تاااج.. عيانة والله تساالهوملي حتى لغداا...
تااج: وااخا ألالا... غدا غاتخلصي.. كااين 23 درجة... سمعتيني يااكي؟؟
حركات رااسها مغمضة عينيها طاافية بالنعااس.. دفع الباب برجلو ودخل حطها على النااموسية... تدفعاات وهي نااعسة حطات راسها على الوساادة.. وهو حايد القاميجة وبقا من الفوق عرياان وزاد لعندها كايحايدلها السباط: معكاازة... غطاها: غاتنعسي بحواايجك؟؟
هبة: أممم.. غير خلليني
تااج: هانا مخلليك إلى جيت نحاايدلك غايفيق حتى الطرف التاالث..
دخل للدريسينغ هز الفووطة وخرج غادي للحمام حتى سمعها: وااجي تنعس..
شاف فيها: غااندوش ونجي...
بقاات كاتقلب فبلااصتها خااصها تمخشش فييه... وهت دخل دوش دغيا وخرج لابس الشورط ومن الفوق عرياان.. ظلم البييت كااملة باش فالصبااح كااتضربش الشمس فالشومبر... زااد حداها تكا ناعس على ظهرو حااط يديه تحت راسو.. غير حسات بيه فيقااتها ريحتو مع ريحة الباندوش باش مدوش ضاارت لعندو معنقااه... هبط عينو كايشوف فييها سااط بنفااد صبر.. من جهة عااجباه زعامتها وتقربها منو من البارح فالحفل لدابا حااس بللي بدات كاتقرب منو بززاف.. وهاد الشي مخلليه غايطير بالفرحة.. مي من جهة ماكايقدرش يصبر راسو وهي قريبة لييه... ومللي كايتفكر بللي ماغايقدر يقيسها حتى تفوت ربع شهور كاايجن جنونو... ضار لعندخا وزاد خشاها فيه.. حتى هو مايقدرش ينعس وهي بعيدة عليه... حايدلها الفولار بالشوية.. وطلقلها شعرها جا نازل على يديه.. كاايفتنو... ابتااسم حاطو على نيفو ريحتو مميزة.. ماشي ريحة الشامبوان ولا زييت.. هذي ريحتو هو ريحة شعر حبيبتو...  غمض عينيه مستسلم للنعااس...
..... يالله وصلو.. عيانين باغيين غير إمتا ينعسو... غير نزلو كل واحد فيهوم توجه لبيتو... فارس أو وليديه مشاو للبارطمة ديالو.. والباقي للفيلا ديال تاج حتى خت فارس وأشرف مشاو لتما.. هي نعساات مع فردوس فالبيت ديال لبنات.. وهو بات مع وديع.. للي البسمة مافارقاتش وجهو طيلة الطريق... والنعاس طار بالفرحة.. يالله حس بالحب الحقيقي.. هو كان عندو الحق مابغااش يسرى... ويالله حس بهاد الشعوور... اشرف غير دخل وتلاح هاكاك بسبااطو.. اما هو دخل دوش وخرج هاز التيلي كايفرنس.. تكا فبلااصتو كايقرا فالميساجات معاها... الطريق كاملة وهما كاايشاطيو... حتى هي النعااس طاار.. ناعسة فبيتها مبتااسمة كاتجااوبو...
وديع: فيك النعااس؟؟
مريم: شوية وصافي
وديع: هذي ساعة قلتيلي مافياش..
مريم: دابا بدا كايشد فيا
وديع: أنا بعدا النعااس طاار بالفرحة..
ابتاسمات بخجل بحاليلا هو حداها: فرحان بززاف؟؟
وديع: كثر ماتصوري.. ونتي؟؟
مريم: حتى أنا فرحاانة..
وديع: امم... كانبغيك فرااسك؟؟
مريم: ههه.. آه فراسي.. حتى أنا كانبغيك...
وديع: أيما قلبي... يالله احبيبة سيري تنعسي بااش تفيقي بكري غدا تابعاك الطريق.. غانجي نجيبك وااخا؟؟
مريم: بلا ماتعذب راسك صافطاتلي كوثر دابا ميساج غايجي أشرف يديها وغانمشي معاهوم
يالله صافطات الميسااج حتى بدا كايصوني.. استغرباات... جاوبات غير حطاتو هلى وذنها نطق وهو واقف فالبالكون: ماتجي مع حد.. آش داك نتي لشي أشرف؟؟ أنا للي غانجي لعندك..
مريم بصدمة: صاافي وااخا... غير برد..
تنهد بالجهد: واخا يالله تصبحي على خير
مريم: تصبح على خير...
قطعاات وحطاتو حداها نعساات مبتاسمة وحتى هو...
.......
فااقت كاتحرك فبلااصتها حااسة براسها مسخسخة نعساات بززاف... حلات عينيها كاتشوف فيه جالس عند راسها كاايلعب فشعرها... تفوهات حاطة يدها على فمها وجلساات: شحال فالساعة؟؟
تااج: باقيلك جوج سواايع على الإمتحاان..
خرجات عينيها: أويلي شحال نعست؟؟
حط يدها على وجهها كايحرك صبااعو بالشوية: ونص.. جوج سوايع ونص... داك النص غاتنوضي فيه دوشي ولبسي حوايجك وفطري...
هبة باستغراب: فنص ساعة؟؟
تاج ببرود: آه.. جربي ديريه تحدي بينك وبين راسك وغاتنجحي..
يالله جات تنطق حتى قاطعها كايشوف فالساعة للي فيدو: تك تووك... الوقت كايدوز..
دغيا تنفضات من فراشها مشات جهة الدريسينغ هزات حوايجها ودخلات للحمام تشلات دغيا وغسلات شعرها.. فعشرة دالدقاايق سالات.. نشفات راسها ولبساات حوايجها... وخرجاات طلقات شعرها حدا لمراية بقات كاتفكر ماغايقدهاش الوقت تنشفو... حتى حسات بيه شدولها من اللور جبد السيشورا دغيا خدمو وباحترافية نشفولها فخمسة دالدقاايق... شاف فالساعة: قادي الزيف ديالك بقاتلك غير عشرة دالدقاايق وخاصك تفطري...
عطاها بالظهر وهي دغيا هزاتو باش تقادو يالله جا خاارج حتى وقف: ماديري حتى حاجة لوجهك ولا ماغايعجبك حال..
خرج بلا ماتجاوبو.. وهي حركات كتافها باللا مبالاة علاش غادير لوجهها؟؟ أصلا سيد الرجال راها خداتو... قاداتو وخرجات نزلات لتحت لقاتو جالس على الطبلة دالفطور جلساات حداه.. وبدا هو كايحطلها وهي تفطر.. كلات غير شوية وحتى هو ماابززش عليها حيت عارفها متوثرة... ابتاسملها وناض شد فيدها وخرجو للجردة الجو مشمش.. جلس فالأرض هاز شي وراق وحتى هي جلسات حداه: لبناات جااو؟؟
حرك راسو: أمم قبايلة..
هبة: وفين هما؟؟
تااج: الفوق...
شافت فالوراق: ديالاش هادو وااش الخدمة؟؟
تاج: لا هادو تلخيص للدروس للي دازو... داك الشي للي غادوزي فيه.. قاديتهوملك.. عبارة على مراجعة  لداك الشي للي حفظتي..
هبة بصدمة: ربعين بليكوب تلخصو فجوج ورااق
تاج: راه هذا علاش مسميينو تلخييص؟؟ غايجيك سااهل ترااجعي.. حيت ديجا كنتي مراجعة وفااهمة... قربي حداياا
نقزاات حدااه بحمااس.. كاتموت على لقراية مللي يكون هو استااذها.. بنفس الأسلووب ونفس النبرة ونفس الهمسة.. وبنفس الرجولة كايشرحلها نقطة بنقطة وهي متبعة معاه... عطاها ستيلو كايسولها وهي كاتجااوب... داازت سااعة بالنسبة ليها هي بحاال دقييقة.. حتى شااف فسااعتو ورجع شااف فييها عطاها لوراق بجوج: ديري مراجعة عاامة.. غاانمشي نبدل حواايجي بااش نوصلك...
حركات راسها ومشا مخلليها متبعاااه بعينيها مبتااسمة... لبناات خرجو قبايلة سلمو عليها وقالولها غاايوصلوهوم الدراري قبل الوقت بااش يفطرو بررا يبدلو الجو.. وكانت معاهوم حتى غزلان... رجعات انسااجماات فلورااق... ماعارفاش شحااال دياال الوقت.. حتى شماات ريحتو من بعيد.. طلعات راسها كاتشوف فيه حالة فمها.. لاابس سروال كحل وتريكو بيض مع فيست كحلة محلولة وسبرديلة بيضة... داير نضاضرو كحليين وهاز السوارت فيدو كاايدوي فالتيلي.. بقاات سااهية كاتشوف فييه... كل جزء فيه كاايصرخ بالرجوولة... كل إنش فييه كاايفتن أي بنت وفين ماكاانت... ماحسات حتى وقف علييها حااط يدو على جبهتها فيقها من سهوتها محني لعندها: غاضرك الشمس.. نووضي نمشيو..
ناضت شدلها فيدها ومشاو متوجهين للطومو... ركبو وديمارا فاتجاه الكلية....
.....كانو جالسين بخمسة بيهوم فوااحد الريسطو.. قريبة للعيادة دياال فاارس.. طابو الفطوور كااياكلو..
أشرف: هذا وقت لغداا وحنا يالله طالبين لفطوور
كوثر: ماعليشهتاكا حسن حااجة خفيفة... مااقادينش...
نغزااتها غزلاان: نتي للي ماقااداش أنا قادة نااكل..
خنزرات فيها: هاايشة...
وديع كايشوف فمريم: مرااجعة كلشي؟؟..
مريم: أممم مزياان..
أشرف: إلى مافاهمينش شي حااجة نشرحوهالكوم..
كوثر: لا كلشي مفهوم الحمدلله... ياك أمريم
مريم: آه فااهمين..
فاارس: ونتي أغزلاان فااهمة شي حااجة؟؟
ضارو لعندو مخلووعين..
اشرف: منين خرجت نتا؟؟
فاارس: جاي لخدمتي حتى شفتكوم هناا.. تاكلو غير بووحدكوم ماتعرضو على حد
وديع: قلنا غاتكون بااقي نااعس..
فارس: وااش للي طبيب ينعس؟؟
تجبد فوق الكرسي كايشوف فغزلاان: الزيين؟؟!!
شاافت فيه كااترمش وهو مبتااسم وهما كاايضحو غير من لتحت...
حك تحت دقنو: آش فااهمة؟؟