🔥لهيب الهوس 🔥( مكتملة)

part43

بسمة ناعمة
البارت43: هبة رجعات حمرة بقات كاضور فعينيها حشماتها حدا تااج... حركات يديها باغية تبعد عليه وحتى هو رخاها مخلليها على راحتها مبسم جنب... نطقات مزيرة على الحروف باينة فيها معصبة: واش نتي خلليتيني ندوي... خلليتيني نقولك فين أنا...؟؟ حللتي وناقشتي رااسك؟؟ عطي التيلي لمولاه وتلااحي تنعسي... تنغسي ماتنوضي أنا ماجايااش مابايتاش معااك... يالله عطيها وحضيها... قالت هاد الكلمة وحطات يدها على فمها تفكراتو باقي جالس متكي نساتو بكثرة ماتعصباات..
كوثر: ياك ألالا وفين بايتة؟؟
هبة: كوثر غانصيفطلك ميساج فالواتس فيه التفاصيل عطي التيلي لمولااه وتبقاي ديري احتيااط لفمك قبل ماديماريه راه كايطلق غير السم
كوثر: واخا حتى تجي ونوريك السم للي غانطلق فيك... صيفطي الميسااج هانا كانستناا...
قطعات وهبة ماقدراتش طلع راسها تشوف فيه حتى نطق: شكون كريم؟؟
جاوبات مفعفعة: غير صديق بحال خويا...
ناض داير يديه فجيابو: فقاموسي أنا ماكاينش صديق ولا بخال خويا... مسخي نمرتو ومن بعد غاتبدلي ديك النمرة واخا...؟؟
خركات راسها بواخا وهو ابتااسم كايتفكر هدرتها مع صاحبتها هز يدو كايحك بيها على راسو: صيفطي الميسااج لصاحبتك قبل ماتنفااجر ومللي تسالي تبعيني...
عضات على شفايفها وهو مشا وخلااها... حلات الوااتس وبقات تكتب للي جا فبالها من سبان ومعيوور... حتى فشات شوية من قلبها عاد قالتلها فين هي... دارت التيلي فجيبها وناضت توجهات لبيت النعااسضورات عينيها ماكاينش حسو... دخلات كاتفحصها... كان كبير بناموسية مربعة فراشها بيج والحيوطة حتى هما بيج... وكاينة واحد الأريكة غلى جنب الناموسية... والحمام يالله رداتليه الباال تحركاات كاتشووف حتى بانلها البالكون مغطي بخوامي.د تحركات جيهتو رفعات الخامية وشافتو عاطيها بظهرو خاط يد فجيبو ويد على لحديدة للي تما حس بيها وضار كايشوف فيها... ابتااسملها وزاد لعندها جارها من يدها: حتى لغدا وشوفي البالكون. دابا مشا الحال والنونوسات بحالك كايكونو ناعسين شافت فيه باستغراب: نونوساات؟؟
دفعها على الناموسية ختى جات تقريبا متكية وتكا ختى هو على ركابيه بحاليلا غايحبو جا فوقها: آه نونوستي كتكوتي الوردة ديالي...
شدات بيديها على جناب الناموسية... كاتسمع لهدرتو وفنفس الوقت كاتفكر فكيفاش غاتنعس حداه ولأول مرة فحياتها تنعس حدا رااجل حيت سمير ماكانتش كاتحسبو رااجل بمرة..
بسمة ناعمة
سرطات ريقها وشاافت فييه متمتمة: غ..غانعسو هنا بجووج؟؟
غمزها: وشنو باانلك؟؟
هبة: زعما.. ماكاينش حل آخوور؟؟
تحنى حتى لوذنها وهمس: الحل كايقلبو عليه لشي مشكلة وأنا فهااد الساعة هااني ومهني...
سكتاات عرفاات ماكاين هروب وهو باسها فشنافتها وناض مبعد عليها كاايضحك مخلليها كاضور فعينيها وجهها حمر... عض على شنافتو: إيوا غانباتو هنا؟؟؟
رفعات راسها شافت فيه: ل.. لا لا.. هانا غاننعس..  حايدات البوط لاحتو ورجعات اللور تكات على الوسادة جبدات ليزار غطات نصها كاتبرقق فيه من تحتو: صافي إلى غير أنا للي كنت معطلااك هانا نعست..
عيا حابس الضحكة فاللخر طلقها بالجهد حتى تردد صداها فالجناح كللو مخلليها ساهية فصوتو الرجولي وفغمازاتو للي كايبانو بشكل وااضح: إلى كنتي تقدري تنعسي هاكا أنا مانقدرش حيت غير نشوفك نتخنق فبلااصتك... شافها حالة فمها قربلها مطرطق صباعو جيهة وجهها شافت فيه مخلوعة: أ..أ.. شنوو..؟؟!!
نعتلها جيهة المونطو: غاتنعسي هاكا؟؟
شافت فين كاينعتلها: آه المونطو...؟؟!! الحاال باارد ماعلييش خلليه...
تنهد: هبة نوضي؟؟!! حايديه وحايدي الزيف راه باقيين فازكين... وحايدي حتى السروال واش عندك عادي تنعسي بالدجين؟؟
هبة: ماعلييش ماعليش... أنا مرتاحة هااكا...
خنزر فيها حتى خوفها: نووضي مانعاودش الهدرة..
سرطات ريقها محايدة عليها ليزار أو وقفاات حانية راسها للأرض جامعة شفايفها باغية تبكي وهو غير حاضيها: ماانقدرش نحايد حوايجي وأنا معااك... رااه عييب والله...
ابتااسم واقف مقابل معاها هزلها راسها لعندو مميل راسو: علااش واش على حاسباني براني علييك؟؟
شافت فيه كاتفكر آه هو راه فعلا براني ياك يالله عرفاات سميتو... ولكن هي بغاتو ورجع أهم شي فحياتها واش البراني ممكن يكون أهم حااجة؟؟ رجعات حنات راسها: ماعنديش شي حاجة نلبسها...
تااج: غير حايدي هاد الحوايج بقاي بلي لابسة لتحت... ولا خودي من حوايجي للي بغيتي...
هبة: لا بلااش غاانحايد هادو صاافي...
تاج: حبييبة خودي رااحتك هانا خاارج...
خرج وخلاها واقفة كاضارب مع أفكارها وهو مشا للبيت لاخور ديال لجلااس حايد البينوار حيت كان رجعو عليه قبايلة وبقا بالشورط والفوق عرياان... شعرو طايح على عينيه... كايطلعو بيدو الفوق وهو يرجع يطيح... أما هي بقات واقفة متلبكة... زادت بخطوات ثفيلة تقابلات مع لمراية.. هزات يديها حلاات السنسلة دالمونطو وحايداتو
تحنات حايدات السروال بالثقالة مازاعماش علييه... سرطات ريقها وهي كاتشوف فراسها فالمراية باقية بالزيف وداك التريكو لمزير وكولون كحل مطبوع عليها... حايدات الفولار... كان شعرها مجموع كعكة وممشوط حيت هي من ديما شعرها رطب غير فالدار كاتسمح فيه داك الشي علااش كايشد الريزو... كان ممشوط وشوية دالقصيصة هاودة على عينيها جمعاتها بيديها ورا وذنيها... شعرها طوييل بززاف فاايت مؤخرتها وللي شافو كايتصدم جامي قطعاتو من غير عاشوراء كاتقطعولها ماماها شوية من لتحت ودغيا كايخلف وبالضووبل... يالله ضاارت باش تتخشا فليزار قبل مايجي حتى حل البااب هاز التيلي فيدو كان كايدوي مع شي حد... وقفات كاتشوف فيه وهو بقا شاد فالبواني دالبااب من بعد ماسدو حال فمو فيها... سرطات ريقها مرة أخرى كاتشوف فداك الصدر وديك الكرش المرسومة وفداك الوشام للي فدراعو... اما هو خلااص... كايطلعها من راسها لرجليها عجبو شكلها بل شعلو وخلا عرقو هاابط معااه... واخا بسيط داك الشي وشاف لعراا قولا وفعلا ولكن هي غيير... طايتها وحلتها مختاالفة... ماتقدر حتى وحدة تناافسها فيهووم... هز يدو كايحك على نيفو بتوثر وكل همو أنو يضبط راسو هاد الليلة... لا هو قادر ينعس بعيد ويرتاح ولا قادر ينعس قريب ويخلليها ترتااح... زاد لعندها وهي كاترجع اللور متوثرة كثر منو... حتى كالاها البااب دالحماام... تحسساتو بيديها وتكات علييه: ت.. تااج غانن...عسو م... مشا الحال...
هبط عينيه للكولون للي لابسة ورجع طلعهوم مع التريكو هز يدو حطها على كرشها حتى قفزات: غاننعسو... حنا غاننعسو ولكن هو شكون ينعسو؟
خرجات عينيها مصدومة عرفاتو علااياش دااوي حسات بالخطر كايحوم عليها.. غمضات عينيها مزيرة عليهوم وكاترعد وهو كايشوف فيها... تنهد راجع اللور كايمسح على راسو والعرق نازلة مع صدرو: صافي ماغاندير والو غير كنت كانضحك واخا؟؟ غير كانضحك... يالله تهدني وأجي تنعسي...
تحركات دغيا ومشات تخشات فالناموسية جابظة لعندها ليزار غطات نصها... وهو خرج للبالكون كايمسح وجهو وعنقو وصدرو من لعرق...
مدة طويلة وهي لداخل مازاعماش تنوض لعندو وهو فالبالكون مادخلش... عارفاه ماقادرش يصبر... وهو عارف بللي ماغاتقدرش تخلليه وأصلا ماشي هاكا هو ماغايقيسهاش فالحرام وعاد العدة مازال ماسالات ماغايستاغلهاش باغيها للحلاال... غير ماقادرش يصبر... ساط البرد بززاف حس براسو برد.. ودخل شاف جيهتها كانت متكية على يدها جنب وساهية ماحساتش بيه مللي دخل... قرب لعندها يالله رداتليه البال طلعات فييه عينيها دغيا جلسات مللي شافتو.. وهو تكا مسرح رجل وثاني لوخرى كايبقشش فالتيلي ديالو... ضار شاف فيها هي للي رجعات كاتشوف قدامها ساهية: هبة ياك لبااس؟؟ شافت فيه: واالو غير...
تااج: غير شنوو؟؟
هبة: بصراحة... إلى ماكنتيش مرتااح ننعس معااك هنا.. نقدر ننعس ف...
سكتات وهو كايشوف فيها: كملي فيين؟؟
شافتو مهدن قالت غايقبل خافتو يصيفطها لشي بيت بوحدها وهي مللي تكون فشي دار ماكاتقدرش تنعس بووحدها من غير بيتها للي فدارهوم وعاد الضو ديما شااعل.. شافت فيه لقاتو كايستناها تكمل: فأي بلاصة ماعليش...
قربلها كثر حتى تلاصقو وجبدها من خصرها بالجهد: بلااصتك هنا حدايا ومعايا... وأنا غانكون مرتااح مللي تكوني بين يديا بحاال هااكا... نساي عليا هاد التخربيق ونساي فكرة النعااس فشي قنت آخوور... هذي هي بلاصتك أهبة ماعمرك تحاولي تبعدي...
هبة: و.. واش ديما؟؟
تاج: آه ديما
جاوبات متوثرة: يعني غير مرة مرة يااك؟؟!!
تاج: علااش والمرات لاخرين فين غاتمشي؟؟ ماشي غير مرة مرة... ديما وحياتك كاملة غاتكوني معايا وبين يديا
هبة: لا اتاج... مايمكنش أنا جيت اليوم وقبلت ننعس حداك هاد الشي ماكايعنيش غانبقا ديما نبات معاك مايمكنش...
شاف فيها بجدية: هدرتي قلتها من اليوم فين ماكنت أنا غاتكوني نتي... ماشي غادي غير تباتي معايا نتي غادي تعيشي معايا.. غانبقا نوصلك للافااك ونجيبك... تنفضات من بلااصتها كاتحاول تبعد عليه ولكن كان حاكمها مزيان: ماايمكنش مستحيل... هذي ماتقولهاش حتى بالضحك... شنو غانقول لوليديا ولصحاباتي؟؟ يعني خرجت من حبس باش ندخل فحبس آخور...
مع هاد الكلمة ضغط على يدها حتى تقصحات غمضات عينيها: أييي
تاج: حسبيه حبس ولا قبر من اليوم غاتعيشي معايا ماشي تشاورت معاك غير علمتك او وليديك قوليلهوم ماشي لخاطري
رفعات شوية صوتها حيت تعصباات: كيفاش ماشي لخاطري غاانكذب...
شاف فيها: علااه لخااطرك؟؟
ضورات عينيها كاتفكر: آه... ولكن شنو جابني لهنا؟؟
جاوبها ببرود: قوليلهوم تخطفتي
هبة: أنا ماكانضحكش
تاج: حتى أنا ماكانضحكش واش جيتي بخاطرك؟؟ سكتات كاتفكر مللي جرها مخرجها من الحي ومللي دفعها للطومو ركبات بصح ماجاتش بخاطرها وعاد حاولاات تمشي وهو سد البااب بالسااروت كانت كاتفكر حتى همسلها: أنا خاطفك أحبيبة..