🔥لهيب الهوس 🔥( مكتملة)

part55

بسمة ناعمة
البارت 55خيووط الشمس تسللو من البالكون دالبيت للي ناعسة فيه.. حلات عينيها حاطة كفها عليهوم كاتحاول تغطيهوم من الشمس حيت عماتها... بقات شوية بشوية كاتصحصح حلساات كاتجمع شعرها من القدام وهي كاتشم ريحة زوينة فالبييت... حركات عينيها كاتشوف فأرجاء البييت حتى خرجاتهوم مخلووعة وهي كاتشوف فيه جالس على الفوتوي حاط كاس دالقهوة ففمو كايشرب منو ويشوف فيها... حطو فوق الطبلة للي حداه ورجع اللور داير رجل على رجل بطريقة رجولية... ابتااسم حاط سبعو السباابة ففمو: صباااحووو.....
ابتااسمات مصدومة وساهية فييه كان لابس نفس اللبسة للي شافت باليل فالدريسينغ... مع سبادري رياضية بيضة... شاف فالساعة للي فيدو: نعستي بززاف فرااسك؟؟
صغرات عينيها مستغربة: شحاال فالساعة؟؟
حرك راسو بلا مبالاة: باقي الحاال نوضي دوشي باش تصللي..شاف فيها مصغر عينيه: كاتصللي بعدا...؟؟
حركات راسها بالإيجاب ونطق مرة أخرى: ماشفتكش البارح صلليتي... يعني باقيلك العاصر حيت كنتي خارجة والمغرب والعشا... الشي لاخوور الله أعلم...
سرطات ريقها حشمانة: للااا غير هادو
تااج: وهادو جااوك قلاال؟؟
سكتاات وهو تنهد: نوضي دوشي وخرجي صللي.... باش تنزلي تفطري... الحمام وااجد....
ناااض خرج وخلاها جالسة تما كاتخمم.. ناضت بتثااقل ودخلات الحمام لقااتو وااجد دوشات نشفات بالفوطة وخرجات لابسة بينوار فالغووز لقااتو تماا... خرجات كاتنشف شعرها وهي تلقاا واحد البنت جالسة كاتجمع البيت لابسة جيب كخلة قضيرة مع قمجة بيضة مخشية فيها زوينة وعاطية للعين... وقفات كاطلعها وتهبطها أول مرة تشوف شي خدامة بهاد الشكل... اصلا قليل فالمحيط ديالها للي تجيب خدامة وكاتكون لابسة جلابة كاشفة وجهها مقشر ومافيها مايتشاغ ومولاات الدار كاتفوح بييها... وهاد النوع كاتشوفو غير فالتلفازة ولا تقرا عليه فالقصص... تنحنحات وعينيها باقيين عليها... طلعات هذيك عينيها كاتشوف فيها.. هرباتهوم دغيا: بالصحة ألالا هاهنا حوايجك... قاليا السي تاج نوجدهومليك...
شافت فيها هبة باستغراب: ومالكي كاتهربي عينيك ياك حنا غير بنات بيناتنا وزايدون راني لابسة بينوار مغطي؟؟
الخدامة: بصراحة السي تاج قاللي إلى شفتيها خارجة من للحمام تفاداي تشوفي فيها وهي خط حمر...
صغرات عينيها مستغربة... وحركات راسها بللا مبالاة ونطقات مرة اخرى: إمتا جيتي وشكون جابك؟؟
: الخدامة: جينا هاد الصباح جابنا الكارد دالسي تااج... من القصر ديالو
هبة بصدمة: قصر..؟؟!!
الخدامة: آه القصر للي فالربااط...
هبة: علااه هو شحاال عندو من قصر؟؟
الخداامة: كاينين بززاف هنا وبررا لبلااد... أنا ماعارفاش شحال عندو ولكن بززاف...
حركات راسها مصدومة وتحركات بتثااقل جيهة الحوايج للي محطوطين فوق الناموسية... هزات الملابس الداخلية وهي كاتشوف فالحواايج لوخرى هما نفسهوم للي شافت الباارح مع حوايجو فالدريسينغ... عباية عصرية فالصومو بشال كحل وطالون كحل... يالله هزاتهوم نطقات الخدامة: قاليك لبسي قبل هذي صللي عااد لبسي لوخرى.. هزاتها كاتشوف فيها لقاتها كسوة طويلة وعريضة بشالها دالصلاة... هزاتهوم ودخلات للدريسينغ لبسات الملابس الداخلية وعاد لبسات ديك الكسوة خرجات لقات الصلاية مفرشة والخدامة ماكايناش... توجهات للقبلة وصلاة للي دازها ودعات فخاطرها... وناضت جمعات السجادة ولبسات اللبسة لوخرى... واقفة حدا المراية مبتااسمة عاجبها راسها وهي كادير ماكياج خفيف من ساكهل للي لقاتو حداها هو والتيلي من بعد ماكان محايدهوملها... هزاتهوم ونزلات كاتقرقب بالطالون فالدروج... وكاتقلب عليه بعينيها... حتى تعرضاتلها خدامة أخرى بنفس اللباس نساتها فاالولة بابتسامة نطقات وهي كاتشوف فيها: السي تاج فالجردة تفضلي...
حنات راسها تابعاها مستغربة وعاجبها الحال وفنفس الوقت غايرة من هادو... خرحو مع الباب داخلين للجردة تمشاو خطوات حتى شافتو من بعيد جالس حدا الطبلة حاط نضاضر كحلين فوق راسو هاز جريدة كايشوف فيها... والطبلة عاامرة... تقدمات بخطوات بطيئة والخدامة معاها... وقفات مقابلة معااه... طلع عينيه كايشووف فيها من رااسها لرجلييها... ابتااسم وحرك يدو دايرلها إشارة باش تقرب... حنات راسها للأرض شابكة يديها مع بعضهوم القدام وقرباات... جبدات الكرسي للي حداه وجلساات... كوا الجريدة حطها فوق الطبلة وقلب وجهو كايشوف فيها مبتااسم والخدامة باقية واقفة... حرك رجلو بخفة وجبد بيها الكرسي حتى قفزات شاهقة وهو مبتااسم... كانت غاطيح وشظات فصدرو بيديها بجوج وهي وقفة حانية مكالية بيه... سرطات ريقها مخلوعة والخدامة غير كاتشوف... هز يدو مرة أخرى وعينيه على هبة دار للخدامة حركة باش تنسااحب... مشات وخلااتهوم... شافت فيه بخوف: حرام علييك
تااج بهمس: مادرت والو... علمتك من قبل فين بلااصتك أو لاا...؟؟
: سكتات وهي باقية مكالية بصدرو... جبدها من درااعها وجلسها علييه: هاا بلااصتك ازمر...
ابتااسمات كاتشوف فالأرض وهو هز الفورشيط كايوكلها بيديه بحال ديما وهي كاتبزز عليه ياكل حتى هو... سالاو... وناضت عليه نااض كايحط النضااضر على عينيه وشدها من يدها كايتمشى معاها فالجردة... شافت فيه بسرعة بحاليلا تفكرات شي حااجة: شحال فالساعة قارية مع العشرة؟؟
جاوبها ببرود وهو كايتمشى ويشوف قدامو: قرباات الطنااش..
خرجات عينيها واقفة: شنووو...؟؟!! وعلاش مافيقتينيش؟؟
وقف حتى هو باقي شاد يدها وضار شاف فيها: نخسرليك نعاسك على جوج سوايع بايخيين؟؟
هبة باستغراب: بايخين؟؟
زاد شادها من يدها جلس على واحد الأرجوحة مجلسها حداه معنقها جنب وشاف فيها محايد نضاضرو: هبة هاد النهار تعمدت مانخلليكش تمشي حيت باغي ندوي معاك فبززاف دالحوايج ونحط النقط على الحروف...
بقات كاتشوف فيه تتسناه يكمل وهو تنهد ونطق: نبداو بهاد لقراية ديالك وااش عندك شي هدف من التوجه ديالك ومن هاد لافاك ولا غير كاتقراي وصافي؟؟ كانضن جيتي لهنا زدرتي لافاك غير باش تبعدي من المنطقة فين كنتي ساكنة يااك؟؟
سكتات مأكدة كلامو حيت عندو الحق
تاج: شحال كاع غاتبقاي هنا كاتقراي بلا هدف... عام عامين ثلاتة؟؟ والعربية ماعندها ختى آفاق.؟؟
حنات راسها كاتفكر فهدرتو وهو حاط يد النضارة ففمو وكايشوف فيها: هبة قوليلي شنو كايعجبك؟؟ يعني شي حاجة كاتمناي ديريها وتخدمي فيها... شي حاجة عزيزة عليك بغيتي ظيريها أي واحد فينا عندو شي هواية
ابتااسمات وشافت فيه بعيون كايلمعو: ممرضة... هههه... من صغري وأنا كانحلم نكون ممرضة كانبدل الفاصمة وندير الدوا واخا ماكاتقدرش نشوف الدم ماعليش نحااول بغيت نضرب الشوكة وبززاف
ابتاسم وهو مايشوف الحماس فعينيها: تبغي تبداي من غدا.؟؟
شافت فيه مستغربة: غدا؟؟
تاج: اه غدا كاين واحد صاحبي هنا خدام بغيتي تخدمي معاه فكلينيك ديالو ولا فالسبيطار العمومس للي بغيتي
ابتاسمات فرحانة: فالسبيطار العموومي يااايييي..
تاج: واخا ألالا غير نقادلك أمورك وندخلك.. أما قضية لقراية خاصك تقرري شنو باغية ديري خيت التمريض ماشي شي حاجة... مللي تفكري وتعرفي لاياش كاتميلي ندخلك لمدرسة خاصة وقراي..
شافت فيه مبتااسمة ابتاسمة شكر وفرحة. وتقزات عنقاتو خلاتو مبلوكي مرة أخرى حتى بادلها العنااق محاوطها بيديه خاشيها فيه كايبووس : جابو النهاار كامل وهما كايتمشاو فالجردة يدو فيدها وهو للي كايدوي ويسولها ومرة مرة يخطف بوسة من فمها ولا من خدها... تغداو تنا فالجردة وكملو على مشيتهوم
تااج: شحال عندك من خوتك؟؟
هبة بابتسامة: جوج جواد وضحى..
تاج: أمم بحالي حتى أنا جوج
هبة: بصاح؟؟ دراري ولا بنات
تاج: دري وبنت وأنا لكبير
هبة: يااي حتى أنا هي لكبيرة..
عنقها جنب وهما كايتمشاو: قداش هاد خوك وختك؟
هبة: ختي فعمرها 16 سنة وخويا عندو 11
تاج: أمم الله يخلليهومليك
هبة: آميين... قوليا دابا واش ماغاتقراش أناا؟؟
ابتااسم وهو كايشوف قدامو: قوليلي نتي.. واش بربعة بيكوم عندكوم مع العربية؟
سكتات شوية كاتفكر: ل...لا... كوثر كاتميل الإنجليزية.. ومريم عندها مع الفلسفة أماا غزلان ماعندها مع والو مسكينة غير تابعانا على الله.. حتى الباك ماعرفنا كيف دارت داتو حيت فالعادية كانت سقطاات يمكن داتو فالإستدراكية... ماعندهاش مع لقراية وماكاتعجبهااش... العربية غير أنا للي كانميل ليها
تاج: ومالهوم كلهوم داروها؟؟
هبة: حيت عارفين واخا يديرو التخصص ديالهوم ماغايديو والو وقالو نبقاو مجموعين ونستاغلو الوقت...
تنهد ووقف متكي على واحد الشجرة ثاني رجلو اللور شادها من صباع يديها مقابلها معاه: شوفي فيا وسمعيني مزياان... نتي واخا غاتقراي فمدرسة خاصة أو واخا يكون عندك مستقبل راه ماغانخلليكش تخدمي ويلا دعات الضرورة غاتخدمي معايا وحدايا... والتمريض غانديرليك خاطرك باش تطفي غليلك حيت كنتي كاتدوي عليه وعويناتك كايلمعو ونساي المستشفى العام غاتخدمي فكلينيك خااص.. وكملي هاد العام فلافاك حتى يسالي ونشوفلك شي مدرسة مزيانة... وحتى صحاباتك غانشوف معاهوم خاص غير هما يعرفو آش بغاو...
شاغت فيه بابتسامة امتناان: شكرا..
جرها من ذقنها بصبااعو: مابيناتنااش... تحرك من تما: ياك ما عييتي تبغي ندخلو؟؟
حركات راسها بلاا: مرتااحة غير خللينا نكملو
بقاو كايتمشااو حتى تعاشات العشية أو دخلو توضاو وكل واحد صلا فبيت وخرجو جلسو فالجردة كايديرو الكوطي بالعصير والكيك والقهوة... ورجعو دخلو للفيلا وهي كاضور فعينيها ماساخياش ومازاعماش تقولهالو ولكن خاصها تمشي... صحاباتها من الصباح وهما كايتاصلو غزلان عيد ميلاادها اليووم وغاتقلق إلى ماجاتش.. وأصلا ماعندها معنى تبقا جالسة معااه... لا هي صابرة ولا هو صاابر... تحركات مقربة ليه وهو كاايدوي فالتيلي
شافها كاتفرك فيديها واقفة بعيدة شوية كاتفرك فيديها قطع التيلي وزاد لعندها: هبة يااك لبااس بغيتي شي حاجة؟؟
هبة: أممم... بصراحة بغييت نمشي...
بسرعة تبدلو ملاامح وجهو وهو كايشوف فيها رما التيلي فوق الفوتوي ودار يديه فجيابو: علااش...؟؟ قنطتي توحشتي الضوران خنقتك...؟؟
حركات راسها بالنفي: ل...لا مي راحنا هدرنا فهاد الشي وجودي معاك ماعندو حتى معنى وحنا مسلمين و...
قاطعها كايخشي يدو فشعرو يديهوم وبجيبهوم فيه خربقو مطيحو على عينيه: عااارف عاارف... عارف حراام عاارف ماعندو معنى عاارف بللي أنا ونتي ماخاصناش تجمعو بوحدنا بلا حتى وثيقة ولكن (حاط يدو على صدرو) هذا مابغاش يعرف مابغاش يفهم مابغاش يتوكض... بقا كايدوي بهستيرية: ماقادرش نتفرق معاك ماقادرش نبقا بوحدي ونتي بعيدة... شفتي لوكان لقيت نغير هاد القانون ونتزوج بيك اليوم قبل من غدا... رااني عاارف أهبة عاارف ولكن ماقادرش أول مرة فحيااتي نحس بالعجز... عااجز وضعييف من هااد النااحية... يااك ماكانآذييك فوالوو ياك داير كثر من جهدي بااش مانقيصكش فالحراام... خلليك معايا خلليك حداايا...
حناات راسها فاللأرض وهو حط يدو عل. فمو عاطيها بالظهر مستغرب من راسو... لوكان سمع شي حد من قبل كايقول هاد الشي لشي وحدة يكون قتلو فبلااصتو على تعناابو... كيفاش رجع وعلااش رجع هااكا؟؟ مانادمش علاش قال هاد الهدرة ولكن ماقاادرش ومافيدو مايدير... غير كاتغيب على عينيه كايبقا يتنفس بزز وكايبقا يتخايلها فشي مواقف غالبة على قلبوو... هز يدو للي فيها الفاصمة ضرب بيها فالحيط ببوونية... سرطات ريقها كاتشوف فيها ونطقات بهمس: تااج?؟!!
شاف فيها عينيه حمرين: شنوو...؟؟!!
حنات راسها للأرض: والووو... عطاتو بالضهر وهو زاد جوج خطوات سىريعة من وراها جبدها بالجهد حتى تضربات فصدرو مخلوعة كايشوف فييها: خاايفة مني...؟؟
حركات راسها بلا وعينيها فالأرض هزلها وجهها لعندو: خاايفة خاايفة... والله حتى خاايفة... وعك باين عليه الخووف مني... ههه من حبييبك...
.......
عندي مشكل كبير شوية مانقدرش نكمل حتى لغدا تصبحن على خير