بسمة ناعمة
البارت 8: تمشات بالشوية كاتشوف وراها.. ختى جبدها من يدها بالجهد خاط يدو على فمها حيت عارفها غاتحااول تغوت.. تكاها على الحيط مخليها كاتسترجع أنفاسها على خااطرها... وهز وااقف كايشوف فيها بعينيه حمرين... شافت فيه وهي باقية كاتنهت: شااارب شي حااجة؟؟!!
حرك راسو بالإيجااب: إيه شاارب شاارب الماا...
زادت تأكدات بللي هو ماشي طبيعي... سرطات ريقها مزيرة بيديها على الحييط: ش... شنو بغيتي...؟؟
زاد قرب لعندها: بغيتك نتي..
دفعاتو بالشوية: سمير بعد نتا ماراكش مزيان
ابتااسم بالثقاالة مبين حفرة الزين للي عندو فجنبو ليسر: آه أنا مامزياانش... قلبي مامزياانش وعقلي مامزياانش... عرفتي علااش؟؟ حيت فالوقت للي كان خاص هاد الجوج يتكونو أنا كنت مكلفهوم يراقبوووك حتى دخلتيليهوم بجووجهووم... وماكملوش النمو ديالهوم... حبسو على حااجة وحدة حبسو عليك نتي...
هبة: شووف هانتا دابا سير تنعس حيت كاتباان عياان... غدا ندويو وااخا....؟!
سمير باستهزاء: علااه نتي غايكون عندك وقت غداا...؟؟ لا غاتسخرك مامات كوثر ولا مامات مريم ولا غايكونو عندك السوايع ولا ماغاتقدريش تخرجي حيت ماماك ماتخلييكش..
هو كايدوي وهي كاتشووف فيه عينيه حمرين وشفاايفو كايترعدو وهو حمر كامل وسخونية وجههو كاتوصل حتى لييها... بقا فيها بززاف... ماحسات براسها حتى قرباتليه شدات فيدو وهاد الخطوة خلاتو سكت وبقا غير كايشوف فيها... زيرات على يدو: نتا بصح عيان؟؟ كانواعدك وكانقسمليك بالله غدا نشووفك...
ابتاسم وهو كايشوف فيدو وسط يدها كاايبغيها وكاتزيد تسطيه بهروبها منو وبالنخاال للي عاطيااه... ودابا عندو الدنيا ومافيها مللي شداات فيدو.. حيت قلييل فاش كاتقرب هي عادة هو للي كايبوسها مرة بخااطرها مرة بزز... ركز الشوفة فعينيها وجبدها عندو شادها من خصرها باسها ففمها بوسة سخوونة: غدا إلى خلفتي وعدك نقتلك... يالله سيري...
ابتاسماتليه ومشاات راجعة لدارهوم باقية محافظة على ابتسامتها
أنت تقرأ
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
