🔥لهيب الهوس 🔥( مكتملة)

part79

بسمة ناعمة
البارت 79: شهقاات وهي كاتشوف فيه وجههو حمر ومعصب كايحااول يفك راسو من داك الطالون.. رمشات كاتأكد واش هاد الشي للي كاتشوف بصح ولا غير مخاايلها... حتى قفزها بصوتو: ماال دييلمك نتي واش مريضة؟؟ من قبايلة ونتي مجرجرة فياا؟؟
سرطات ريقها مفعفعة: سسسس... سمحليييي.. مااشفتكش...
......: ماشفتينيش عورة نتي؟؟!!... ماعمرني تحطيت فبحال هاد الموقف؟؟
غزلاان: اهيء اهيء... مااشفتكش... والله مااشفتك..
خرج عينيه مصدووم: كاتبكي...؟؟!! دابا علااش كااتبكي...؟؟!! صاافي صاافي فهمت... ماتبكيش...
بففف فكيي فكيي... هااد الشي...
تحركاات دغيا كااتحااول تفك الطاالون... وحتى هو كاايحااول.. تلاقاو يديهوم وبقااو مصمكيين كايشوفت فبعضيااتهوم يالله تمعنو فتفااصيل بعض... كاتباان بريئة وزوينة.. شعرها كخل بززاف ورطب بااينة طبيعي... طاايتها عاامرة عجبااتو... مافهمش راسو كيفااش طول فيها الشوفة وعلااش مالقا فيها حتى عييب؟؟ سااط مكره.. وهي باقية مرفوعة... سميور شوية وجهو وسيم عينيه فلخضر.. بحال تااج... مفوورمي.. هي متأكدة بللي هو من عائلتو ولكن شنو كايجيه...؟؟!! تنهدات وهي باقية كاتشوف فيه... فيقها صوتو وهو كايمدلها الطالون: خودي...
شافت فيدو: هاا...؟؟!! فكيتييه...؟؟
حرك راسو: وي... خودي خاصني نمشي
شدااتو من عندو متوثرة.. وقاد حوايجو وزااد.. يالله فاتها بخطوات خلااها وااقفة شادة داك الطاالون بيديها بجووج ومرفوعة رجع همس فودنها: ماتبكيش على ابسط الأمور.. شافت فيه مخلووعة.. ابتااسم ومسحلها دمعة نازلة من عينها بصبعو: دموعك غاليين...
مشا وخلااها واقفة وكاتمشي وتجي بالدوخة.. شكوون هذا ومنين تسلط عليها.. وشنو خدا معااه؟؟ خدا قلبها... خدااه فرمشة عيين ومشاا... تنهدات حاطة يدها على قلبها: غايخرج من بلااصتو... بقاات مدة وهي وااقفة حتى عياات وحطات الطالون لبسااتو وزادت كاضور فعينيها... ماشافهوم حد كانو فبلاصة معزولة.. دخلات وسط النااس كاتقلب عليه بعينيها... ماربما تشووفو.. غاتباات تحلم بييه... شوية وقفات عليها مريم: غزلان فين كنتي؟؟
غزلاان: هاا...؟؟!! ك.. كنت غير هنا؟؟
مريم: ومالكي مرعوودة..؟؟
يالله غاتجااوبها وقف عليهوم وديع... طلعات عينيها كاتشوف حتى تصدمات بللي معاه.. كان نفسو الشخص للي شاافتو...
وديع: مريم... هاهو ولد عمي فاارس...
شاف فيه: فارس هذي مريم حبيبتي وصاحبة هبة.. وهذي غزلان صاحبتهوم..
صافح مريم: متشرفين ختي ومرحبا بيك فالعاائلة
مريم: الشرف ليا خوويا.. لهلا يخطيك
ضار لعند غزلاان بابتساامة: متشرفين
شاافت فيه: هااا...؟؟؟ الشششششش
نغزاتها مريم كاتدوي فوذنها: سدي الرشاشة وجاوبي السيد
غزلاان: الششرف لياا...
فارس: هههه.. على سلاامتك...
شاف وديع فمريم: نرقصو؟؟
حركات راسها بالإيجاب ومداتلو يدها بابتساامة.. تحركو جهة حلبة الرقص فين كانو بززاف دليكوبل كايرقصو... وبقات عي واقفة مع فاارس خاشية راسها فالأرض وهو مقابل معاها كايشرب من كاسو وكايشوف فالنااس عاادي.. واقفين على واحد الطبلة طويلة ومضورة صغيرة... شاف فيها مصغر عينيه ودوا بعبث: كااتبكي؟؟
طلعات راسها دغيا شاافت فييه: هاا..؟؟ علااش غاانبكي؟؟
ابتااسم: على أساي كاتبكي لشي سبب؟؟
خنزرات فيه ماراضياش: أنا ماشي صغيرة باش نبكي بلاا سبب...
جاوبها ببرود كايشرب من كااسو: أنا مااقلتش صغيرة.. ولكن بكااية...
تنهداات بنفااد صبر وهزات لبستها من الأرض حيت كانت طويلة كاتجرجر معاها.. وتحركات من قدامو: سمحلي غانخلليك...
قبل ماتزيد خطوة نطق: ترقصي معايا؟؟
ابتااسمات عاطياه بالظهر واخا فالأحلام ماكانتش غاتوقع يطلب منها واحد بحال هذا ترقص معاه... ضارت شافت فيه... وضورات عينيها كاتشووف فالناس للي كايرقصو... ماكاتعرفش لدوك الحركات وواخا تكون تعرف.. دارت مقارنة مابين طاايتها وطاية هادوك لبناات للي تما.. هي مااشي ديال هااد الشي.. ابتااسمات بحزن ورجعاات شاافت فيه هو للي كان حااضي ملاامحها وكاايقرا شنو بيها منهوم.. نطقات بهمس: أنا ماشي دياال هاد الشي... قالتها وضورات وجهها قبل مايشوف الدمعة للي نزلات على خدها.. لكن كان فات الفووت وشاافها... قبل ماتبعد شدها من يدها ورجعها مقابلة معاه وهي كاتهرب عينيها باش مايشوفش.. نطق: قلتليك بكاية ومارضيتيش..
جاوباتو وهي حانية رااسها: مااشي بكااية ماكانبكييش...
بقا كايشوف فيها لمدة سااكت وعااود نطق: تبغي نبعدو...؟؟ نمشيو للجهة الأخرى
غزلاان: ل.. لاا..
فارس: ماغانغتااصبكش.. هههه... اصلا كاينين الكااميرات وتااج مااغايخليش حاجة بحاال هذي توقع فداارو...
ابتااسمات وهو دارلها إشارة: زيدي قدامي باش توريني منين ندوز راه أول مرة نجي لهناا...
سبقاتو وهو جغم من داك الكااس وحطو تبعها... ماعارفش آش كايدير غير تاابع قلبو ولأول مرة... فين هو فحياتو داها فشي وحدة..
هو حتى دوك العلاقات العاابرة وممارسة الجنس ماعمرو جربهوم.. يعني فاارس فتى عاازب قولا وفعلاا... شنو للي فيها جدبوو؟؟ ولا يمكن هي ككل جدباااتوو... ابتااسم وهو كاايشوف فيها وقفاات فبلااصة معزولة كاتفرك يديها بتوثر.. باينة عليها خيفاانة وحشماانة... عادي تعجبو هادو من ضمن التصرفاات للي تقريبا انقاارضو.. خصووصا فالبلااد للي عاايش فيها هو... لبناات تما دايرين بحاال يسرى وإيليناا... زاد لعندها بخطوات ثابتة ووقف حداها دااير يديه فجياابو... حرك راسو كايشوف يمين وشماال ورجع شااف فيها هي للي كاانت حاانية رااسها... نطق بهمس خلااها مبلووكية: #دبدووبة...؟؟!!
شافت فيه مصدوومة.... ماحسااتش بالحكرة ولاا بالإهانة ولا بالغضب... جااها كنوع من الغزل.. ولأول مرة يعجبها شكلها.. فكراات مع رااسها.. دبدووبة مااشي هي غليييوظة.. هاد المصطلع رااقي وكاايخللي كااع للي غلااظاات يستاانسو بييه... ومااكتسمعوش بززاف.. من غير هبة للي دينا ماتقوولها نتي ملاشي غليظة نتي دبدوبة... فيقها من سهوتها بنفس الجملة للحظة ضنات أنو هبة للي قاالتها
فاارس: نتي مااشي غليظة نتي دبدوبة...
سهاات للحظة حتى تداركات بللي هو للي حداها وهو للي قاال هااد الهضرة... شاافت فيه بالزربة: شششنو...؟؟!! كككييفااش؟؟!!
فاارس بنفس النبىة المهمووسة: الغلظ... مااشي هو هذاا دياالك...
غزلاان: ولكن... نتاا... نتا بااش عرفتي؟؟!!
قااطعها هاز صبعو جهتها... هو عارفها باغة تسولو على باش عرف بللي هذي هي مشكلتها... ودار راسو فهم غلااط: صبري نوريك بااش عرفت...؟؟
جبد التيلي من جيبو كاايخربق فييه: قربي تشووفي...
قرباات بفضول بااغية تعرف شنو كاايحااول يدير.. حلاات فمها وهي كااتشزف عنوان قدو قداش فغوغل: ما الفرق بين غليظة ودبدوبة؟؟...
بقاات كااتضحك... حتى الأنترنيت ماشدش معااه العكس ودغيا عطااه الجوااب... مااشي بحاالها هي.. يااما طرحاات نفس السؤاال على سيدها غووغل ويالله يقدر يعااود يكتب نفس السؤال ويحط عليه علاامة استفهاام... زعما آش كاتخرمزي تماا؟؟ يمكن التيلي دياالو مااركة.. أصلا هو كاامل مااركة.. ماشي هذا هو المهم.. المهم هو تعرف الفرق... عطااها التيلي فيدها وبعد علييها متكي على الشجرة وهي تخشعاات فالشرح والتصااور... ولأول مرة كااتكمل شيي كتاابة... فعلاا دبدوبة مااشي هي غلليظة..
شحاال من وحدة عندها نفس طاايتها تتوجاات ملكة جماال... دااك الشي للي قراات وشافت عطااها طااقة قوية.. ولأول مرة فحيااتها يقدر شي وااحد يحببها فشكلها... تنحنحاات مادة ليه التيلي: ش.. شكرا
شدو من عندها خشااه فجيبو: هذاا وااجب..
شاافت فيه بتسااءل: بااش عرفتي بللي هذي هي مشكلتي؟؟
فاارس: علاه هااد الشي نتي كااتسميه مشكل؟؟
غزلاان: ماافهتمش؟؟
تقااد فالوقفة وتنهد: أكيد نتي مامجرباش مشااكل كباار داك الشي علااش كااتأثري بحواايج تاافهة بحاال هاادو...
غزلاان: ماافهمت والو...
فاارس: عيشي حيااتك وماتبقاايش تقلبي على السبب باش تنكديها على رااسك... ماعاجبكش شكلك ديري الريااضة دييري الرييجيم... راه سااهل تنقصي...
حناات راسها سااكتة... وهو بقا يشوف فيها لمدة ونطق: تبغي ترقصي؟؟
غزلاان بأسف: لا ماكانعرفش..
فاارس: نعلمك؟؟
غزلاان: لاا حداا النااس...
قاطعها: ماشي حدا النااس.. ندير معاك حصص حتى تعلمي
غزلاان باستغرااب: حصص؟؟
فاارس: أمم حصص... أنا مستااقر هنا حااليا.. إلى بغيتي نعلمك ترقصي...
بقاات ساكتة لمظة وعااد جااوبات: فيين؟؟!
فاارس: فين مابغيتي؟؟ هنا ولا فلابارطومو ديالي ولا ختى فالشاارع ههه.. انا ماعنديش مشكل..
غزلان بابتساامة: غير هناا...
فاارس: أوكيي... غانبقا ندوز النهار فالعياادة ومع الخمسة دالعشية نلقااك وااجدة
غزلاان: أنا كاانقرا
فاارس: أنا وااجد حتى مللي تخرجي...هههه..
بقات كاتشوف فيه مصدوومة كيفااش زعما... هذا كاانل عااطيها وقت لهااد الدرجة وداايرلها الخااطر... شااكة بللي غير كاتحلم وقرييب تجي كوثر تجمع معاها بركلة فأي لحظة...
......
كانو واقفين شاد فيدها واليد لوخرى خااشيها فالجيب... كل مرة يمسح فوق نيفو ولا فجبهتو.. هادو حركاات كايديرهوم مللي يكوون معصب... ندم علااش نظم هااد الحفل كااع... من قباايلة وهما كاايبوسو فييها... أكيد لعياالات هههه... أنا الرجاال ماكايخلليهومش حتى يقربو جهتها... هذيك مبرووك كايقوولوهالها على بعد عشرة كيلو متر... أما هي كاانت مبتااسمة فرحاانة بتااج وبخطووبتها... وااخا حتى هي ماعجبوهاش دووك لبورجوازياات للي جاو يباركولهوم واخا كاهلا حتى وحدة تقربلو ماعجبهاش يشوفو فيه بديك للطريقة أما بناات عاائلتها مااكانتش عندهوم القوة باش يقربو جهتو... بقاو كايشوفو غير من بعييد وعينيهوم كايخرجو منهوم لقلووبة...
ابتااسم بااباه بشر وزاد لجهتهوم..
  وقف مقاابل معاهوم وشااف فيها مبتااسم: عروسة ولدي.. تسمحيلي بهااد الرقصة..؟؟ مدلها يدو يالله مدات يدها شدها تااج مزير عليها: لاا سير شوف عرووستك فينااهي هذي مامساليااش...
شااف فيه مطلع حااجبو: من حقي نشطح مع عرووستي ماالك نتا؟؟
جااوبو بنرفزة: الوليد يمكن جااك الزهاايمر.. راك براسك قلتيليها عرووسة ولدي.. كيفاش رجعاات عروستك فثاانية؟؟
جااوبو بسخرية: راك نتا للي حماقيتي.. هذي مررااتك وأنا عرووستي...
حرك تااج راسو كاايشوف هاكا وهاكا شااد فيد هبة لا يفلتلو بيها بااه.. مد يدو الثاانية جبد بيها موو من وسط واحد المجمووعة جرها وهي كاتشوف مخلووعة: تااج يااك لبااس؟؟
شاف فباه بابتساامة صفرة: والو غير رااجلك قاالك بغا يرقص مع عروستو وجبتك لييه كنتي تالفالو يمكن...
ابتااسمات فاهمة لبلاان: واخلليه يرقص مع عرووستو راه عادي ماالك
تااج: ومالي أنا شنو درت..؟؟ هاني جبتلو عروستو وقمت بالوااجب.. وحتى انا غانمشي نشطح مع عرووستي.. جر هبة بلبالقة ومشا خلااهوم غير كايضورو فراسهوم ويضحكو.. وقفو فالحلبة وشد فكتفها بيد واليد لوخرى فكفها قاابلها معاه قريبة ليه بززاف.. نطقاات: تااج شنو هاد الشي درتي؟؟
قااطعها حاط شفايغو على شفاايفها باسها بوسة خفيفة وبعد: شششش...
ضورات راسها ظغيا كاتشوف فباباها لا يكون شافها لقااتو مشغول راشقاالو وااقف مع النخبة... رجعات شافت فتااج يالله غااتدي بدا فخطوات الرقص.. وبطريقتو الإحترافية دغيا انداامجات معاه حطاات راسها على كتفو وخلااتو مساايرها كيف بغاا... نطق بصووتو المهموس للي غلب ديك الموسيقى للي كانو متبعين فرقصتهوم: مااشي غير الرجال لغرااب للي ممنوع يقربو... حتى الرجاال لقرااب... بابا خويا ولااد عمي.... تيقي بيا أهبة... لوكان لقيت كيف ندير.. حتى باباك وخووك نحاايدهووم من القاائمة... ماغاتصوريش شحاال كانتعذب بللي كايعنقوك ولا يبووسووك... هههه... قبايلة خوك وباباك مللي باركولك كنت غااندفعهوم... لا ماشي غير هما.. حتى ختك وختي وماماك وماما...
غمضاتت عينيها مستمتعة بهدرتو وهي باقية متكية على كتفو.. تنهداات كااتفكر واش هوسو غايكون فيه غير الجاانب الزوين...؟؟ للحظة تملكها الخووف.. ممكن يمنع عليها وليديها ولا يمنع عليها الأكسجين كااع بسبااب الغيرة...
نطق مرة أخرى: ترخااي... دغيا طلقاات راسها حيت كاانت مزيرة وهي كاتفكر
تابع كلاامو بنفس النبرة: فاايت قلتليك... نآذي رااسي ومانآذيكش.... ولوكان بغيت نمنعك من شي حااجة غانكون منعتك منها مدة هذي...
تنهداات برااحة من ديما كاايفهمها بلاا ماايدوي...
....
كاانو كايرقصو حتى هما....
أشرف: شفتي يااك قلتليك حنا مختاالفين.. حتى طريقة الخطوبة ديالنا فشكل هههه..
خنزرات فيه: سكت يسكتلك الحس.. زعما بلعاني كاتفكرني كيفاش خطبتيني نتاا يااك؟؟
أشرف: هههه.. نتي للي دراي فيها كراامتي سر سعاادتي... لوكان تبتي نكون خطبتك بالأصول..
كوثر: سكت ولا هااد المرة إلى تقلقت ماتراضينيش واخا تجييب العدول
أشرف: واصافي تهدني.. ياك غير وليديا رااني عرفتك عليهوم وعرفتهوم عليك.. عجبتيهوم وناويين يدويو مع عائلتك قبل مايمشييو...
كوثر: أووفف فكرتيني.. متوثرة بززاف...
أشرف: شنو للي غايخلليك تخافي؟؟ هما باقيين هنا فالدار للي خدا فارس حتى تفوتي ليكزام ويمشيو معاانا...
كوثر: الله يدوز كلشي على خيير...
أشرف: أنا كان يحصابلي غايجيو وليديك وقلت يتعارفو غير هنا...
كوثر: وراه قلتليك شنو كااين.. حتى وجدو باش يجيو وهي تجي ختي وراجلها من اسبانيا بابا غايموت بالفقصة مللي ماحضرش لخطوبة هبة..
أشرف: مااعليش يحضر فالعرس.. ولا فخطوبة بنتو بعدا ههههه...
.....
بعيد علييهوم.. بللضبط ففرنسا... فتااة شقرااء.. وجهها بيض بحاال لحلييب... عينيها زرقين.. لابسة شورد وتيشوورط.. تحتو ليبة موس ومونطو كحل.. واقفين على التلة... وهو من وراها متكي على الطومو حاط يديه فجياابو كايستناها تكمل بكااها وغوااتها وقرعتها دالشرااب... كاان مبوودر وسيم بززاف.. عينيه حتى هو زرقين.. حاادين وكاايخلعو... نطق بنفاد صبر: ماريا ماتعصبيش دييلمي زيدي نتحركو وخوي غضبك فالداار
شاافت فيه بسخط: سير وخلليني علييك.. ماابغيتش نمشي اهيء اهيء..
ساط بنفاد صبر: شفتيني غير عاشق نبقا نستنااك رااه الوليد هو للي مزيرني نستنااك حتى نجييبك معاايا..
ماريا بضحكة معصبة: ههههه.. على أساس كاانهمو... لوكان كانو كايفكرو فيا.. غايكون تااج دياالي داابا مااشي كاايدوز الخطوبة ديالو مرتااح
....: لوكان ماكاانش كاايفكر فييك يكوون حضر لخطووبة ولد خوه...
مااريا: كان خاصو يحضر ويريبها فوق رااسهوم.. ماخلااليش حتى لوراق ديالي بااش نمشيي.. كلشي حبسو عليياا أعععع.. (رمات ديك القرعة معصبة)
تمتم تحت سناانو بعصبية: هااد الز..ل ديال تااج خارجلي فعودي
تفاعلوا عافكم كترو الجيم