بسمة ناعمة
البارت 30: رجع راسو اللور كايشووف فالسقف نطقات البنت للي كانت حالشة مقابلة معاه: شنو دارت هاد البنت حتى مصر تعرف عليها كلشي؟؟ كاتبحث على بززاف الناس لكن ماشي بهاد الإصرار... أكييد شي وحدة خطيرة...
تنهد وهو باقي كايشوف فالسقف مرجع يديه ورا راسو: خطيبرة وأخطر من خطيرة...
البنت بحماس: اش داارت؟؟
تبسم ونطق: سرقااات...
البنت: شنوو....؟؟!! شنو سرقاات؟؟
تااج: سرقات روحي وقلبي سرقات راحتي وعقلي سرقاات بززااف...
شهقات حاطة يدها على فمهاا: كييبفااش؟؟ واش هذا تااج خوويا...؟؟!!
ناض من كرسيه معااون بالعكااز وشااف فييها: آه تااج خووك رجع عشقاان... ومرضاان و#هبة هي دوااه...
نااضت وقفاات مقابلة معاه وعلى وجهها صدمة كبييرة: لاا ماايمكنش مايمكنش حتى نتا عشقتي وحبيتي معجزة هذي... و... وكيفااش عشقتي وحدة ماكاتعرفهااش؟؟
تااج: لاا كانعرفها كانعرفها مزياان كانعرف رووحها وقلبها كانعرف تصرفااتها... رااه عشت معاها لمدة عاام...
تحرك من قدامها مخليها كاتدوي بوحدها خلااها مافاهمة والو كيفاش كايعرفها او هو يالله كايبحث عليها... خرج من تما غادي فالكولوار وكايستنى غير ٱمتا يووصل التقرير الخااص بيها..
.........
نااضت من بلااصتها كاتشوف يمين وشماال حااسة براسها نعساات بززاف حتى من التيلي طفا فوذنيها... طلعات عينيها كاتشووف فالساعة للي فالحيط خرجات عينيها مصدومة السبعة دالصبااح هذي يعني نعساات من المغرب دالبارح... شافت جيهة البااب سمير مااجاش... يالله تذكراات بللي سدااتها... اكيد دق وماسمعااتش... ناضت مخلووعة حلااتها... وشافتو ناعس فووق الفووتوي بسبااطو... ولات تكره تشووف فييه كايجيها الإشمئزاز منو... تحركاات غاتنزل مع الدروج حتى وقفها صووتو: رجعتي تسدي عليك الباب ألالا وللي بغا يدق ولا يمووت يااك؟؟
ضارت لعندو: داتني عيني وماسمعتوش
سمير: أهاه والوليد للي كان كايعيطلك باش ديري لعشا؟؟
غمضات عينيها وعاود حلاتهوم: ضرني راسي وماقديتش...
سمير: آه تبانيلي كاتردي الهدرة أهبة؟؟
صغرات عينيها فييه: ههههه.... بصح؟؟!! ياك انا للي ماكنت كانخلي مانقولك ونتا ساكت وياربي غير نقبل تشوفني؟؟
قاطعها بحدة: هذاك وقت وهذا وقت آخوور دابا أنا راجلك ولازم علييك تحتارميني...
حركات راسها بتسااءل: رااجلي...؟؟!! بااش...؟؟!! ياك بيناتنا غير اللاكت؟؟!!
ضغطاتلو على الوثر الحساس ماعارفاش علااش حاسة برااسها زايدة نغزة بحاليلا شربات شي جرعة من القوة والشجاعة باش توااجه مصيرها مع هاد العائلة.. قبل مايدير شي ردة فعل وللي اكيد غايضربها ولا يغوت فوجهها انساحبات من حداه نازلة مع الدروج أكيد لتحت ماغايقدر يدير والوو... يالله كملات الدريجات صونالها التيلي فيديها... استغربات وهي كاتشوف نمرة مريم كاتصووني على الصبااح جاوبات كاتدوي بهمس: ألوو مريم؟؟
مريم: ألو هبة لبااس؟؟
هبة: لبااس ونتي؟؟
مريم: الحمدلله... بغيت نقوليك بللي حنا كلنا مجموعين فدار كوثر إلى تبغي تجي... باباها عيان شوية وجينا نشوفوه...
شدات فحديدات الدرووج: ش.. شنو؟؟!! عمي لعربي ماالوو...؟؟!! يااك يالله كاان مزيان غير لباارح كان مليح
مريم: ماتخافي والو ناشي شي حاجة أجي غير نتشاوفو مللي تزوجتي مااشفنااك...
هبة: غاانحااول بلاتي نجاوبك...
مريم: أووكيي...
قطعات وبقاات واقفة فبلااصتها شنو دير وكيفااش تمشي؟؟ طلعات راسها كاتشووف الفووق زعما إلى قالتهاليه يخلليها موحاال يالله دابا قمعااتوو... غمضات عينيها ودارت شهيف زفير ورجعات طلعاات لعندو لقااتو باقي متكي فبلااصتو مخنزر شافها وزاد غووبش.. وقفاات حداه ورققات صوتها: سمير؟؟
جاوبها بالنثرة: ياك لباس؟؟!!
هبة: ب... بصراحة عني لعربي مريض وبغييت..
قاطعها: ياك ماناوية تمشي لعندهوم..؟؟ توحشتي يامات التسلكيط يااك؟؟ تما كنتو تجمعو قبل ماتقلعو وهو كان المسااند الرسمي ديالكوم...
سرطات ديك الغصة فقلبها حيت غرضها دابا هو تمشي تشوفو: لا راه عياان وبغيت نشووفو شوف دغيا نمشي ونرجع...
تنهد كايشوف فيها: اليوم نوبتك فالطياب والشقا...
هبة بنرفزة: ماعندي بز علاامن نطيب
سمير: أهاه وليديا وختي وأنا ماناكلووش...
هبة: ماغانتعطلش
سمير: بلا ماتفرعيلي راسي ها الوليدة وسوليها...
تعصباات وماكرهاتس تقتلو فبلااصتو من الصبااح وهو مجرجرها باش يقوولها فاللخر شاوري الوليدة... راها باينة غاتقولها لاا... هي دارهوم وشحال من مرة عارضااتها وعاد هذي دار واحد برانب واخا جارهوم حتى هما مي ماكايشوفو مريض ماكايعزيو فميت... واليووم نوبتها يعني من ساابع المستحيلاات تقدر تخرج... شافت فيه لبس تجاكيطتو وخرج خلااها واقفة فاقدة الأمل... صحاب الدار باقيبن ناغسين كانت عااد الثمنية دالصبااح... يالله جات تصيفط ميسااج لمريم تعتااذر لها حتى لقاات كوثر كاتعيط جاوبات بالزربة بلا سلام بلا كلام: هبة ختي عفااك أجي دغيا بابا باغي يشووفك ويجمعنا كاملين عفااك قوليها لسمير وجي
هبة: آه ولكن....
كوثر: هبة الدار قريبة ماالك دخلك التكبر ماشي هاكا كنتي زعما بابا عزيز علييك حرام علييك والله هاكا غاتخسرينا...
نزلات دمعة من عينيها آشمن تكبر وهي ماعالم بيها غير الله تنهدات ونطقاات: هاا أنا جاية خمسة الدقاايق ونكون عندكوم...
لبسات جلابتها هزات صاكها وفلووسها وخرجات سدات البااب... خلاتهوم ناعسين وسمير خاارج..
..........
حط لعكااز وكالا بالحيط حتى جلس فوق الفووتوي.. هاكا هو ماكايخللي حد يعااونو حتى فمرضو وعجزو... شاف فالتقرير للي محطوط فووق الطبلة وهزو... تنهد وحللو ابتااسم وهو كايشوف فصورتها للي كانت فأول صفحة.. سميتها هبة القادري فعمرها 19 سنة باباها متقااعد وماماها ربة بيت كاين حتى عنوان دارهوم... خدات البااك وحبسات لقرااية مي مقيدة فلافاك غير ماكاتحضرش... الوضعية العائلية #مزوجة!!! كيفااش؟؟!! لاا يمكن كااين شي غلااط... مي بوضوح مكتووب مزوجة وزوااجها فنفس هااد العاام... حس بنفسو تقطعاان فييه لاح الملف فووق الطبلة وشد على قلبو جاو الحراس للي كانو واقفين حداه كايجربو مدولو الدوا والما وهو غير ساهي وصدرو كايطلع ويهبط.. ضرب الماس بيديه حتى تطرش بعيد علييه حااول يخل صدااف لقمجة نللي مابغااتش نترها وقطعهووم... هينيه حمارو وهو كايشوف اونفااص لييه نطق وهو عاض على لسانو: شكون هذا للي رخااصت عليه رووحو وخدالي رووحي أععععع....؟؟!! ناض من تما وهز رجلو لمريضة ضرب بيها الطبلة للي حداه حتى تهرساات واخا ماكانش قاادر يحركها من قبل وزااد خارج وهو كايدوي بصوت مرتاافع: الطيارة ديالي توجد فخمس دقاايق..
YOU ARE READING
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
