بسمة ناعمة
البارت 86: كملو الدروج او وصلو للطابق للي فيه البيرو ديالها... هي جلساات فالكرسي كاتنهج.. وغزلاان تكات على الحيط حااطة يدها على قلبها: واش نساالك...؟؟!! أزمر... أوووففف..
هبة: سكتي... راه.. حتى أنا سخفت...
غزلان: وازيدي دخليني لعند السيد.. ويلا مااسمحليش غااتبقا فيا حيااتي كااملة هااد الكعطة للي ضربت...
هبة: رتااحي شوية أحبيبة... راه باقيلك شي دريجاات عاد باش توصلي لعندو...
خرجات فيها عينيها مصدوومة: هااا....؟؟!! أويلي..
هبة بابتسامة متعبة: وعلاه آش كايحصابليك..؟؟!! حبيبك سااهل توصلي ليه...؟؟!!
جلسات فالأرض فارشة رجليها وجهها حمر: اهيء اهيء.. مابقيتش بغييت...
هبة: مابقااش بززااف... رتااحي بعدا ومن بعد قادي ديك الكماارة عاد طلعي لعندو.. هزات الفيكس: غانطلب شي عصير نبردو بيه..
حركاتلها راسها ماقاداش وهبة طلبات العصبر.. نااضت من الأرض بتثااقل جلسات على واحد الفوتوي... دخلات وحدة جايبة الطلبية... غير شدات كااسها شرباتو فخطرة... دخلات للحمام للي تما غسلاات وجهها... وخرجات عند هبة.. قاداتلها وجهاا ماكيااج خفيف كاع مابااين... جات زوينة وبريئة.. قادات حوايجها كانت لابسة مزياان... قادات شعرها طالقااه مرجعااه جنب... خرجو من تما طلعات معاها هبة... تقابلات مع السكرتيرة ديالو.. ماكاتقدش تقول لهبة شي حااجة عارفاها حالة خاصة وموصيين عليها.. قالتلها بللي غزلان غاتدخل وماعارضااتش واخا هو ماشي بووحدو
هبة: أنا غانرجع للبيرو ونتي مللي تسالي هبطي لعندي..
شداتلها فيدها: بفف متوثرة..
هبة بابتساامة: عادي ماشي شي حااجة... نتي غاتطلبي السمااحة.. بغا مرحبا مابغاش كاع لاا... ماتمرمديش كرامتك معاه.. ديري فقط الوااجب.. وااخا...؟؟!!
غزلان: صافي واخا..
خلاتها ونزلات وهي زاادت بخطوات القدام... غمضات عينيها وعاود حلااتهوم... دقات جوج دقاات خفاف وضورات البوااني حلات البااب.. بقات مبلوكية حداه كااتشوف فيه وفالسيدة للي حدااه... للا ماشي حداه.. حالسة على البيرو قدامو صدرها قربب لوجهو وهو وااخد راحتو فوق الكرسي الرئيسي.. حسات برجليها فشلو عليها وهي كاتشوف فهاد الحالة.. وفديك لمراا... لابسة جبب قصيرة فالبيج وطالون بيج.. طالقة شعرها لزعر.. بيضة بززاف وعينيها فالبني.. دايرة ماكياج غاامق... وهو حال جوج صداايف دالقاميجة البيضة للي لاابس.. بجوج كايشوفو جهة البااب... حيت سمعو الدقاان...
سرطات ريقها مزيرة بيديها على البااب داايرة كثر من جهدها باش ماطيحش على وقفتها... ماعارفاش شكون هذي ولا شنو كانت كادير معااه...؟؟!! ولكن علاش بقا فيها الحال؟؟ علاش حلسة بالخناجر كايضربو فصدرها...؟؟!! علاش وعلااش؟؟ تفكرات هدرة هبة: ديري فقط الوااجب.. ماتمرمديش كرامتك معاه...
دارت شهيق وزفير.. اصلا هاد الشي للي خاصو يكون.. رجعات كاتشوف فيه حال فمو مصدوم بااينة ماتوقعش تجي لهناا... ابتااسمات: سمحولي يمكن قاطعتكوم..
يالله غاترجع اللور رجع هو لوعيو ونطق: ل.. لاا.. بقااي.. شااف فهذيك بحدة.. ونطق بكلمة مازادش من وراها: بررااا..
نااضت كاتشوف فغزلان باستغراب... وخرجات زدحات البااب من وراها... وهي متبعالها العين.. لوكان يدوي معاها بنفس الطريقة واخا يكون مزوج بيها والله لا زاادت معاه.. رجعات شافت فيه وااقف وداير يديه فجيابو بابتساامة: تفضلي..
شافت فالكرسي للي كاينعتلها تجلس فيه.. قربات جلساات حيت مابقاتش قادرة توقف.. يالله جا ينطق قاطعاتو: سمحلي جيت بلا مانعلمك... من داك النهاار فالقهوة وأنا كانفكر فالطريقة للي دويت معاك بها...
جا يدوي مرة أخرى هزات يدها مقاطعاه: خلليني نكمل عفااك.. أنا عارفاك تقلقتي... وأي واحد فبلااصتك غايبقا فيه الحاال.. جيت اليووم خصيصا بااش نعتااذر... نتمنى تقبل إعتذاري.. حيت مادويتش بديك الطريقة لخااطري.. الستريس ديال الإمتحان ومامراجعة والو... ولقراية ماعنديش معاها.. كلشي تجمع عليا وحسيتك كاتضحك علياا..
فاارس: ماشي مشكل.. كاتوقع.. وراه فهمتك.. ودابا مللي جيتي عتاذرتي زدتي كبرتي فعيني..
جلس مقابل معاها فالكرسي وميل راسو للجنب كايشوف فيها مبتااسم: كاتبااني زوينة بززااف وحنيكاتك حميمرين...
زيرات على الصاك للي فيدها كارهة هدرتو واش حااسبها هبيلة..؟؟!! كايضحك عليها كيف بغا.. وقفاات على غفلة خلاتو غير كايشوف: س.. سمحليا خاصني نمشي... فرحت مللي قبلتي إعتذاري...
وقف حتى هو معاها: يالله جيتي فين غاتمشي؟؟
شربي شي حااجة وندويو شوية...
تحركات من بلااصتها ناوية تخرج: لا ماعنديش الوقت...
قاطع طريقها بجدية: عندك شي حااجة؟؟!!
شافت فيه: علاش هاد السؤاال؟؟!!
رجع بخطوات اللوور غير كايضور فعينيه: لا والو.. غير حيت شفتك زرباانة...
رجعات شعرها ورا وذنيها وهو غير حاضيها: المهم نخلليك..
باقي ماستوعب هدرتها حتى سمع الباب تسد... ساط مكره..
غير فهاد اللحظة وفهاد اللقاء لقصير للي بيناتهوم.. وبتصرفاتها وأخلاقها وحلتها وجمالها وتجاهلها.. خلاتو يزيد يبغيها 40℅ آه كايبغيها.. ماعارفش من إمتا للي عارفو هو أنو طاايح فيها.. وهذي أول مرة يحس بهااد الشي... بقا جاالس مدة فالبيرو ديالو كايفكر فيها.. حتى نااض هاز قهوتو وقف جهة البالكون... قاد وقفتو كايشوف فيها خارجة من البااب.. باينة كانت مع هبة... بقا متبعلها العين سااهي.. حتى شااف وااحد نازل من الطومو ديالو مبتااسم وااقف مقاابل معاها.. سلم عليها بالوجه.. وهاد الشي خلااه يخنزر معصب... شافهوم واقفين كايهضرو... شوية ومن بعد انسااحبات وخلااتو هو دخل... رجع اللور هاز يظو على شكل قبضة كايمشي ويجي فالمكتب... هذاك ماشافش حتى وجهو مزياان... يقلب عليه السبيطار قنت بقنت.. ولكن المساحة كبيرة وهت ماعقلش على ملامحو.. ماعندو خل.. واش يرجع للكاميرا..؟؟ ولا يمشي يسول هبة..،؟؟ لا يسولها هي بالذاات... وقف للحظة مفكر.. بأشمن صفة؟؟ شكوون يكوون...؟؟!! آش بيناتهوم...؟؟!! رجع كايمشي ويجي.. راه هي للي شاافت معاه وحدة وقريبة ليه.. أكيد غاتكون نوات كايديرو شي حااجة.. أصلا اي وااحد شافهوم فداك الوضع هاكا غاايفكر... علاش مادارت حتى ردة فعل؟؟ علاش ماغارتش...؟؟!! يمكن ماكاتبغيهش.. ماكايهمش المهم هو كاايبغيها.. بحال ولد عمو هو.. ماعمرهوم عشقو.. ونهاار عشقوو طاحو على زناافرهوم...
خرج من البيرو حاس براسو مخنووق تماا... وقف على ديك الكاتبة مخنزر: هذيك ل*حبة للي جات قبايلة ماتعاوديش تخلليها تدخل..
تمتمات بخوف: و.. واش للي جات مع مادموزيل هبة..
خنزر فيها بطريقة خوفاتها: كاندوي على اللولة.. أما هذيك للي جات مع هبة دخليها بلا إذن.. مشا مخلليها غير كاتشوف.. نزل متوجه للبيرويال هبة دق الباب حتى سمع الإذن.. دخل لعندها لقاها مشغولة مع شي ورااق: السلام للسي فاارس مرحباا
فارس: غزلان مشاات؟؟!!
هبة باستغراب: آه مشاات... علااش؟؟
فاارس: لا والوو غير سولت
حركات راسها فاهمة: أممم.. كانت جات غير باش تعتااذر.. كانضن المشكل تحل... سمحلي دخلتهاليك بلا إذن... صافي راه ماغاتبقااش ترجع
شاف فيها حااقد: علاش ماغاترجعش؟؟ ياك لبااس؟؟
صغرات عينيها مستغربة: ههه.. وعلاش غاترجع؟ هي جات على قبلك.. ودابا صاافي
تكا بيديه على البيرو كايشوف فيها بعصبية: حتى هاد المرة غاتجي على قبلي.. غاتبقا ديما تجي على قبلي..
طلعاات حاجبها باستغراب: يااك...؟؟!! إيوا أنا غير جااوبتك.. سمحلي مااقصدتش...
نااض مقاد وقفتو دااير يديه فجياابو: قالتليك شي حاجة؟؟
هبة: بحالاش...؟؟
شاف فيها بجدية: شنو قالتلك بالضبط؟؟!!
هبة: وااش علييك نتا؟؟ قالتلي بللي لقااتك مشغول مع شي وحدة وندمات حيت قاطعاتكوم...
شاف فيها مخنزر وهي كملاات هدرتها مامسوقاش: ولكن حمل تقيل وانزاح عليها مللي اعتاذرات ونتا قبلت إعتذارها..
فارس: اشمن مشغول ولا زمر؟؟ هذيك الخراا...
خرجات فيه عينيها وهو يالله رد البال ضور عينيه خايف لا يكون تاج سمعو كايخسر الهدرة مع حبيبتو يخسرلو كمارتو... تنحنح: أحمم بغيت نقول هذيك غير وحدة مسالية بانتلها فيا.. هي طبيبة هنا وجات كاتوريني فشي ملفات وعلى غفلة جلساات على البيرو...
قاطعاتو: خوبا فاارس هااد الشي علاش كاتقولولي أنا؟؟!!
ساط بنفاد صبر كايمسح بيدو على شعرو: ماعرفتش حسيت بللي إلى شرحتلك نتي كااتشرحلها هي... حيت نتوما قرابات من بعضيااتكوم...
يالله غاتجاولو سمعات التيلي صونا... شافت النمرة ورجعات شافت فيه وهو شاف فساعتو: غايكون تاج هذاا...؟؟!!
هبة: أمم هو... جاوبات...
قالها تخرج حيت كايستناها بررا...
فارس: هانا نخلليك حتى أنا غانخرج...
هبة وهي نايضة هزات المونطو فيدها والتيلي: بسلامة خوياا...
خرجو من المكتب بجوج هو طلع الفوق وهي زادت القدام كاتشوف فلبنات مركزين فواحد لبلااصة كاايوشوشو وعينيهوم خارجين منهوم لقلوبة... ضورات عينيها بفضول متبعة الخط حتى شافتو جاالس فواحد من ليفوتوي داير نضاضرو كحلين لابس قبية فالرمادي مزيرة على كتافو وصدرو ودجين وسلرديلة كري.... كايبقشش فالتيلي ديالو... زيرات على يد الصاك ديالها وتمشات بخطى سريعة شوية جهتو حااسة بناار الغيرة كااتنهش فييها.. وقفاات مقابلة معاه عاضة على شفايفها بقوة... حس بيها وطلع راسو بالشوية... شافها وحايد نضاضرو... ابتااسملها: هبة؟؟!! رخفي على شفايفك غاتجرحيهوم..
زادت زيرات غيرتها هاد المرة قوية... صغر عينيه مستغرب وناض خاشي التيلي فالجييب... ضار لجهتها... شدها من كتاافها حدا كاع للي طانو تما.. وتحنى ببطئ باسها فقلب فمها خلاها ترخف مصدومة... كاتسرط ريقها مخلوعة وكاع الناس تسمرو حاضيينهوم مصدومين كثر منها... وهي نطقات بصعوبة: تاااج؟؟!!
جاوبها عينيه على شفايفها: جرحتيها قلتليك رخفي...
هز صبعو الإبهام دوزها بالشوية عليهوم مسحلها شوية دالدم.. حطو على فمو باسو: ماالكي؟؟ عندك شي حااجة؟؟
طلعات عينيها كاتشوف فبناادم حواليها داارو علاامة قف.. ولبنات غايسخفو فبلاايصهوم.. رجعات شاافت فيه شدها من يدها معنقها جنب وضار غادي بيها... مدة حتى وقفو حدا لاسانسور.. شافت فيه: م.. ماكانش عليك تتعذب وتطلع حتى لعندي... ن..
تاج بابتسامة: باش تهبطي مع هاد الدروج كاملين...؟؟
هبة: لاا... ن.. نجي مع النااس نهيط فلاسانسور.
تاج: علاه الصبااح ماكانوش النااس مللي طلعتي ومطلعة معاك البنت حتى هي..
شهقات مخرجة عينيها: ونتا فين شفتيني؟؟
دفعها لدااخل ودخل وراها وهي غير تسد قرباات مكمشة فيه شاداه من قبيتو... حاطة راسها على صدرو وهو مبتااسم حاط يدو فجيبو كايموت على هااد اللقطة للي كادير كل ما طلعو فهاد لاسانسور.. ولوكان لقاا يبقا حياتو كاملة فيه الدااخل...
تااج: إلى كان شي حد من غيري معاك ماطلعيش هنا...؟؟!!
طلعات راسها كاتشوف فيه: ل.. لا.. كنت كانخرج أنا وبابا وماكنتش نقدر نطع معاه فيه... وأنا وماما. ختي وخويا وصحاباتي... مانقدرش...
عنقها مزير علييها وأخيرا لقا شي حاجة فيها مامحاسب معاه حد... خرجو من تما معنقهل وغاديين فاتجاه الطومو... حلها الباب رطبات ويالله ضار باش يركب حتى رمق فارس خاارج حتى هو مشا للطومو دياالو.. خلاه حتى ديمارا وركب تابعو خرجو مع واحد الضورة خاوية... وزاد فسرعتو ضوبلو وقف فطريقو خلاه يوقف حتى هو بزز منو... نزل تاج مخللي هبة غير كاتشوف مستغربة.. ماقادراش تسولو حيت شافتو مخنزر.. غير شافت فارس نزل حتى هو من الطومو ديالو كايشوف فتاج باستفهام... حلات الباب من جهتها نزلاات مقربة جهتهوم كاتشوف فيهوم تقابلو مع بعض:
فارس: تااج...؟؟!! ياك لبااس؟؟
هز يدو حك بيها على ذقنو وعلى غفلة عطاه بكروشي طيحو للأرض: هذي حيت تكيتي على البيرو ديالها مقربلها.. عطاه ركلة لرجلو خلاه تزوا فبلااصتو: وهذي حيت غوتي عليها وهي ماعندها علاقة وخسرتي معاها الهدرة
ابتاسم فترس كايمسح جنب فمو من الدم.. كالا بيديه على الأرض ووقف راجع اللور: كانضن هاد الشي للي درت صافي.. مابقاتش شي حاجة أخرى بااش ماتجينيش شي بونية من حيت لا أدري..؟؟
تااج: إلى عاودتي لهاد التصرفاات غاانمحيك..
فاارس: حالتك صعيبة اولد عمي...
تاج هاز يدو باغي يضربو: غاننن...
: فارس بابتساامة: برد برد أصااحبي عااذرك.. راني غادي فنفس الطرييق.. شاف فهبة للي حالة فمها واقفة جاامدة وجهها هارب منو الدم: ماتخلعيش امرات خويا هاد الحالة كاتجيه مرة مرة...
تاج غير سمعو ضار كايشوف فيها نسا كاع واش كاينة معااه.. رجع شاف فيه: غااتقااود عليا ولا لا؟؟
دارلو بايبااي بيديه وصار غادي جهة طموبيلتو كايمسح وجهو بكلينيكس.. هبة غير شافت تااج جاي رجعات بخطوات اللور خايفة.. طلع راسو كايشوف فيها ودارلها إشارة: طلعي...
سرطات ريقها حلاات البااب وطلعات تكمشاات فبلااصتها خايفة يدوز لها.. ومصدومة منين عرف هااد الشي كاامل.. رجع كايخلعها... ديمارا رااجع اللور وهي غير كاضور فعينيها حتى شد الطريق وبدا يسوق براحة.. بيدو الرجولية المشعرة فيها ساعة يدوية فاللون لكري.... هي عينيها مرة فيدو للي كاتسوق مرة فوجهو مرة كاتشوف فالطريق.. حتى سمعات صوتو كايدوي بجدية: ماتخاافيش..
شافت فيه بالزربة: هااا...؟؟!!
تااج: ماغانديرليك والو هو للي غلط...
تنهداات: ب.. باش عرفتي هااد الشي؟؟ وااش حاط شي كاميرا فالبيرو دياالي؟؟!!
تاج بابتسامة جانبية: الكاميرا كااينة... ولكن ماشي فالتيلي...
هبة: وفيين؟؟!!
تااج: وعلاه أنا حمق نقووليك فين...؟؟!!
هبة: لا راه خاصني نعرف أتااج... فين هااد الكااميرا..؟؟!! بقاات كااضور فعينيها على حواايجها: وااش كااينة فياا أناا...؟؟ وااش فكسوتي؟؟ فيين؟؟!!
تااج: ماتشغليش باالك... ماكانشوف حتى حااجة من دااك الشي الخصووصي.. أنا ماشي حماار...
هبة بهمس: أ.. انا غير بغيت نعرف فين دايرها...؟؟!! عفااك
شااف فيها: فقلبي... حااضيك بقلبي أهبة...
يالله جات تنطق حتى قااطعها: شششش.. ماتعصبينيش.. بلقي غانتفاهم على الجكاعة للي شادالي مع فاارس...
هبة: آه...؟؟!! راه بقاات فيا صااحبتي بكاات حتى شبعاات... ولقيت الفرصة فين نستاافزو...
شاف فيها بنص عين.. ورجع شاف فالطريق.. كانو دخلو للفيلاا... وقف الطومو ونزلو... شدها من يدها داخليين: غدا غاانمشيو لدااركوم بااش ندوي مع باباك.... وااخا...؟؟!!
حركات راسها بابتساامة... دخلو لقااو الكل جالسين فالصالون كايشربو القهوة... وحتى غزلاان معاهووم... توجهو لعندهوم سلمات على لبناات ولقات السلاام على الدراري غير من بعيد.. قربات حدا غزلاان جلساات ونطقاات بالشوية: غزلاان؟؟!!
شافت فيها بابتساامة: نعاام...؟؟!!
هبة: مزياانة...؟؟!!
شربات من كااسها وشاافت قدامها: مزياانة أختي.. اكيد مزياانة... رجعات شافت فيها: ماهو لا حبيبي ولا خطيبي.. ولا رااجلي.. علااش غابلقا فيا الحاال على قبلوو..
هبة كاتلعبلها فشعرها: واهاكام نبغييك.. إلى كايحس بشي حااجة من جهتك هو للي غايجي لعندك هااد المرة...
غزلان بضحكة استهزااء: ههه.. آه هو للي غايجي.. نسااي عليا هااد الموضوع طلعلي فرااسي.. قوليلي إمتا غاتمشيو تدويو مع داركوم.. لبناات غايمشيو هاد العشية؟؟
هبة: أنا حتى لغداا... ونتي إمتا؟؟
غزلاان: ماعرفتش أختي... هي فرصة مزياانة نمشي للخااريج نكمل قراايتي ولا نبني مستقبلي فحااجة أخرى.. حسن من هنا بعدا.. ومنها نيت نبثغ قريبة منكوم.. صعييب نبعد عليكومم... ولكن مللي كانفكر بززاف.. كانلقا راسي وحدة زايدة ومثقلة عليكوم... يمكن الدراري ماغايبغيوش شي دخيل...
سكتاتها مخنزرة: ماتكمليش أغزلاان... راك كاتعصبيني هااكا... بفف غانتخااصم معااك..
غزلات بابتساامة: نفس ردة فعل كوثر ومريم.. حتى هما تعصبوو... كانطلب الله مايحرمنيش منكووم.. مامنكومش بززاف.. وأنا محضوضة حيت نتوما صحابااتي...
بااستها هبة فخدها بحركة تلقاائية.. ورجعات كاتلعبلها فشعرها وغزلاان متكية عليها مرخية.. حتى رفعو عينيهوم بجوج.. تخطفو من بلاايصهوم مخلوعين من دوك التخنزيرات الحاادين للي كايديروهوم فيهوم... تااج وفاارس... نطقات غزلاان كاتمتم فوذن هبة: منين خرج هذاا...؟؟!!
هبة كاتشوف فيهوم: ماعرفت كاع ماردينالو البال مللي دخل..
غزلان: ومالو فكمارتو شكون للي زوقلو شنافتو؟؟
هبة: أحم الله اعلم..
غزلان: ويلي على شوفات.. حايدي يديك اختي من شعري راه غايقرعلي رااجلك..
حايدات يدها دارتها قدامها.. كاتشوف فيه عينيه شاعلة فيهوم العاافية..
غزلان: وهو معذور.. وهذاك مالو حتى هو مخنزر يخخ...؟؟
يالله جات تنطق حتى دوا تاج نايض من بلااصتو: هبة تبعيني...
سرطات ريقها ونااضت خلات كلشي ضار كايشوف فيهوم باستغراب... وفارس خلاها داازت وهو يقرب جلس فبلااصتها... غزلاان ضورات عينيها وتحركات باغية تنوض حتى سمعات صوتو قاسي وفنفس الوقت كاتسمعو غير هي... خلعها: تنوضي نقسمليك رجليك على جووج
سرطات ريقها وضارت كاتشووف فيه: واش كادوي معايا؟؟
ضار كايشوف فيها بطريقة خوفااتها: آه معااك...
غزلان: وبآشمن حق؟؟
فارس ببرود: نوضي وغاتشوفي بآشمن حق..
حسات براسها كاتغلي من الدااخل..
نطقات بحدة باينة من صوتها معصبة: واش مريض فرااسك؟؟ كفاش مانوضش...؟؟ وااكل شي حااجة؟؟
تنهد وشاف مباشرة فعينيها خلاها متوثرة فبلااصتها: غزلاان مالك... علاش كاتهربي مني وااش درتلك شي حااجة...؟؟!! علااش كاتعاامليني هااكا؟؟
صغرات عينيها: وشنو بيني وبينك..؟؟!! كانتعاامل عاادي بحاال اي وااحد...
فارس: بالنسبة ليك نتي ماابيناتنا والو.. أما بالنسبة ليا أنا.. بيناتنا بززاف..
سرطات ريقها مشابكة يديها مع بعضهووم: شنو هاد بززاف...؟؟!!
فارس بجدية: غزلاان مابقيتش قاادر نخبي علييك... ولا حتى قادر نصبر.. انا معجب بيك.. لا ماشي غير إعجاب... كاانحس بحاجة كبر من هااد الشي..
اللون فوجهها تغير وهي كاتسمعلو.. بقاات جاامدة فبلااصتها قلبها حسات بيه فرفر... شحاال تمناات منو هاد الهدرة؟؟!! شحاال حلمات بيها وهي نااعسة فبيتها... وشحال شافتها بعيدة عليها وصعيب تتحقق... وهاهي داابا تحققات قالهالها واعتارفلها بإعجاابو بيها.. لا مااشي غير هااد الشي قاال بللي كاينة شي حااجة فاايتة الإعجااب.. ولكن شنو الماانع.. شنو للي مامخلليهاش تغوت بأعلى صووت وتقوول مواافقة...؟؟!! بالرغم من الفرحة للي حاسة بيها فالدااخل ديالها كااين وااحد الخوف كبير من مستقبلها معااه... شنو السبب؟؟ وااش غاتكون البنت للي شافتها معاه الصبااح هي السبااب؟؟!! ولا حيت داك النظر للي شاافت خلااها تعيد نظرها فيه وفشخصيتو... يمكن يكون بوبناات وغير من هذي لهذي.. وحيت شافها غير حالة فمها فيه زاادها فالقاائمة... طلعات راسها كاتشوف فيه هو للي كان جالس على جمر كايستنا جوابها.. حركات يدها حكاات ورا عنقها حسات بيه ضرها... ضورات عينيها بتوثر حتى سمعاات صوتو: غزلاان ماجاوبتينيش..
شافت فيه مرة اخرى عينيها مغرغرين بالدموع خلاتو يقوس حجبانو باستغراب: غزلاان...؟؟!!
بعدات نظرها عليه وناضت من بلااصتها: س.. سمحلي غاانمشي...
ضارت خارجة من الصالون وهو متبعلها العين حتى شافها ماشية للجردة رجع شاف فهادوك للي حداه كل واحد فيهوم ملااهي مع حبيبتو.. ناض من تما خرج حتى هو...
كانت كاتمشى مابين الشجر وكاتفكر فهضرتو فنظراتو فهمساتو فتصرفاتو... كاتعشقو كلمة قليلة فحق شنو كاتحس بيه من جهتوو.. مسحات دمعة وحيدة نزلاات من عينها بكماامها...
شهقاات مخلوعة حاسة بكتفها طار من بلااصتو وشي حد جبدها بقوة... قابلها معاه أنفاسو كايضربو فوجهها بقوة...
لاصقها مع صدرو باقي شادها من دراعها وهي كااتلتااقط أنفااسها بصعووبة وبصوت مسمووع... نطق بصوت زعزعها: علاش كاتهربي مني...؟؟!! وعلااش كاتبكي...؟؟!! شنو وااقع؟؟!
تنثرات منو راجعة اللور مخنزرة عينيها حمرين: مااكانهربش منك... علاش غانهرب منك...؟؟!! غير هدرتك عصبااتني وخلاتني ننسااحب..
حرك راسو مستغرب... ماعمرو عقل قال ديك الهضرة لشي وحدة... وماعكرو اصلا عطا وقت للجنس اللطيف.. ولا عطاهوم راس الخيط ولا كمل معاهوم حتى خمسة دالدقاايق... فاارس شخص عاازب.. بدون تجاارب في الحب ولا العلاقاات.. اول مرة عينيه يتحللو وقلبو ينفاارج.. ماضنش هااد الجوااب الباارد والقاسي فنفس الوقت منهاا... عينيه حمارو... هو ذكي بما فيه الكفاية بااش يفهم بللي حتى هي كانت كاتحس بشي حاجة من جهتوو.. كانت كاتشوفو عينيها يلمعو وخدودها يحماارو... وكاتتوثر بوجودو.. وهاد الشي للي خلاه يزيد يطيح فيها... شنو سباابها؟؟ خرج عينيه مفكر ديك للي كانت معاه فالصباااح... دغيا طلع عينيه كايشوف فيها هي للي يالله عطاتو بالظهر غاتمشي... مع خطوتها اللولة شدها من يدها بالشوية عكس المرة اللولة: هذيك مابيني وبينها والو...
ضارت كاتشوف فيه باستغراب وهو تنحنح مكمل كلامو: دخلات على غفلة ويالله جات تقرب مني دخلتي نتي...
قاطعاتو خايفاه يضحك عليها ويلعب بعقلها.. خايفاه يخلليها تيقو وهو يكون كااذب عليها: ماكايهمنيش أسيدي.. وأنا ماالي؟؟!!
تخطاتو غادية فحالها مخلياه من وراها غير كايشوف.. ردة فعلها زاادت اكداتلو بللي داك الشي للي شافت فالبيرو هو السبااب...
.... دخلات للبيت جامعة يديها القداام.. كاضور فعينيها تقلب عليه.. قفزات من بلاصتها حاسة بأنفاسو كايضربو فعنقها.. ماقدرااتش ضور لعندو... بقات عاطياه بالظهر كاتعض على شفايفها بخوف.. حتى سمعات صوتو: فكرت نقرعولها... ولكن لقيت بللي خاصني حسن نقطعليك يديك... ضارت بالعرض البطيئ... كاتشوف فصدرو العريض ماقادراش تطلع عينيها تشوف فوجهو... تنهدات كاتشجع راسها باش تدوي وأخيرا نطقات: تاج ه.. هذيك راها صاحبتي وبنت بحالي بحاالها... عاادي نلعبلها فشعرها... مااشي...
قااطعها هااز يدها مقاابلها مع وجهها خلاها غير كاتشوف مخلوعة: هادو مابغيتهوم يقيصو فحد من غيري... هادو ديالي انا... أنا بووحدي أهبة..
حركات راسها: آه... وااخا صافي فهمت... مااغانعاودش...
بقا ساكت كايشوف فيها باقي شاد فيدها كاايلعب بصبااعها.. حتى تنهد بصوت مرتاافع وجبدها عندو معنقها خااشيها فصدرو... همس فوذنها بصوت مهمووس: ماكانباالغش فردود فعلي... ماكانصطاانعش تصرفاتي ولا هدرتي ولا تهوري... الغيرة هي للي مخلياني نتصرف هااكا... ماتصوريش شحال كانبقا نحاول نصبر راسي وكاننعل الشيطان... هذيك غير صاحبتها وهذاك غير باباها هذيك غير ختها وهذاك غير خوها وهذيك غير ماماها... وهذيك غير الواليدة وهذيك غير ختي... عقلب مستوعب بللي هادوك النااس عادي يقيصوك ويقربولك... وبللي حتى ربي ماامانعكش عليهوم... ولكن قلبي مامستوعبش هاد القضية ومستحيل يستوعبها... حاس بيه غاادي بيا للهاوية...
طلق منها مقابلها معاه شاد راسها بين يديه: هبة.. قلبي مابقاش ملكي.. وهو للي كايتحكم فتصرفاتي فاي حاجة عندها علااقة بييك... غلبني هااد المرة أهبة.. غلبني دياال بصح...
ابتااسمات متمعنة فهضرتو... عاجباها بززاف وماكرهااتش يبقا غير يدوي هاكا من هنا حتى للصبااح...
هبة: ماكاتقصدش نقلقك... تصرفاتي كلهوم عفويين... وماكاندير حتى حااجة بلعااني..
حرك راسو متفهم: عاارف عاارف... ولكن تعودي اهبة تبقااي تفكري عااد تتصرفي خصووصا مللي نكون حداك وحاضيك
هبة: أصلا نتا ديما حاضيني واخا ماشي حدايا...
ميل راسو باسها فشفايفها وبعد عليها: سيري بدلي حوايجك وصللي صلااتك
حركات راسها ومشاات عاطياه بالظهر خلاتو تكا على الفوتوي حاط رجل على رجل بطريقة رجولية هاز بيسي... تمشاات شوية ووقفات ضاارت لعندو بتثااقل تنهدات ونطقاات: تااج؟؟!!
طلع راسو كايشوف فيها: أمم عيوونو...
عضات على شفايفها وعااود نطقاات: الك... الكاميرا فين دايرها؟؟!!
طلع حااجبو زعما واش من نيتك: مادااير بو كاميرا أنا سيري قضي شغلك..
هبة: عفااك...
خنزر فيها: هبة...
ضارت ماشية من بعد ماتاكدات بللي ماغاتدي منو لا حق لاا بااطل... وهو رجع كايخدم فالبيسي ديالو..
....
أنت تقرأ
🔥لهيب الهوس 🔥( مكتملة)
الأكشنسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
