🔥لهيب الهوس 🔥( مكتملة)

part133

البارت 134: كان متكي بظهرو على الناموسية وحاط يدو على راسو... وكايشوف فالسقف... حرك راسو مللي سمع البااب تحل وخطواتها كاايقربو... طلعها من راسها لرجليبها... لابسة وجاامعة شعرها الفازك كعكة وخصلاات منو نازلين على عينيها... ريحة جيل دوش.. وزيت اللوز للي من ديما كاديرها لشعرها وللي هو كاايعشقهامااشي حبا فاللوز..ولكن عشقا فالمخلوقة للي كاتستعملها... خرجات تنهيدةمن أعماقو مللي جلساات جنب السريير... مازاعمااش... ضاار جنب كايشوف فيها وجبدها لعندو حتى جات نااعسة على كتفوو.. خرجات عينيها فيه كانو قرااب بززاف وأنفااسهوم مختاالطة.. سرطات ريقها ونطقاتت: م.. ماتفااهمنااش...
قااطعها خاشي راسو فعنقها: شششش... ياك قلتي غااتردي الدين للي عليك وتخلليني ننعس مرتااح...
هبة: آ.. آه ولكن...
تااج: أنا هااكا غانرتااح... ماتقاطعينيش.. ماغانآذيكش أهبة رااني رااجلك...
صدرها كاايطلع وينزل بقوة... وهو خاشي راسو فعنقها: ماغانديرش شي حااجة بلا خااطرك... باغي نبووسك ونااكلك.. وندير بززاف ولكن مربووط.. نتي رابطاااني...
بقاات ساكتة وهو ساكت كاايسمعو لنبضاات قلب بعض.. حتى نطق مرة أخرى: حتى لإمتا غاانبقااو هااكا...؟؟ صافي برااكة.. خللينا نرجعو كيف كناا... عييت...
قفزاات كاتحااول تهرب منو مي كان حاكمها: تااج م.. مابغيتش نهضر...ف
قاطعها: صاافي.. ماتحركيش.. ماغانهضرووش غااننعس عياان.. عياان بززاف...
بعد مدة غمض عينيه نااعس دياال بصح وغاايب على الوعي... اما هي بقاات شحال فاايقة حدااه.. حيت نعساات بالنهااار.. كلاتو بعينيها ومرة مرة كاتلعب بيديها ومرة كاتبوسو كااع... هو نعاسو خفيف ولكن بااين عليه عياان.. بقات كاتأمل فوجهو.. شفرو لكتااف شفايفو نيفو لحيتو الرجوولية صدرو... كلشي.. كاتعشقو آه.. هي ماكاتنكرش... هاد العام مانساهاش فيه نهائيا غير مازاد خلاها تبغييه كثر... ولكن ماقادرااش نسااامحو قلبها مابااغيش.. راها حاولاات وماقدرااتش... قلبها مابغااش... كل ماكاتبغي كاتفكر ديييك الليلة... وولدها للي ضااع... ماكرهاتش تنسا وتبدا صفحة جديدة ولكن عاااجزة
حل عينيه حااط يدو على رااسو... ضورهوم فالجنااح كايشووف ضوو الصبااح طلع... استغرب هو جاامي نعس الليل كاامل والباارح نعس مع 11 دالليل... ودبا السااعة دالحيط كااتشير ل9 صبااحا... ثواني واسترجع ذااكرتو... يعني هي السبب.. هي للي نعسااتو هااد الوقت كاامل... ابتااسم بفرحة.. كل مرة كاايزييد يتأكد بللي حياتو بلاا بيها كاتعني المووت... ويلا شي نهاار قرر يتفاارق معااها كاايعني ختاار الإنتحاار... تنهد وهو كايشووف فبلااصتها الخااوية... أكيد ديينها وخلصااتو ماغاتبقااش تسنااه حتى يفيق... طلع راسو على صووت التقرقيب حدااه... كانت هي خاارجة من الدريسينغ.. بصاية قصيرة موردة وقاميجة مخشية فيها بيضة وسبرديلة بيضة وزيف مورد. أنييقة بحال دييما... هازة كااس فيه ساائل أبيض... تمشاات حتى وصلاات لحدااه وجلساات فوق السرير.. وهو غير كاايشووف: صبااح الخيرر
تاااج: صبااح النوور...
هبة: نعستي مزياان...؟؟!!
تااج: شنو باانليك؟؟
هبة: بصرااحة نعستي... مافقتيش حتى بااش تقلب للجهة الأخرى بقيتي على نفس النعسة حتى لداابا....
تااج بابتساامة: كنت عياان... كان خااصني ننعس عاادي... بلا ماانقتل رااسي بالشرااب...
تنحنحاات بااغية تبدل الموضوع.. وقرباات لعندو حطات يدها على جبهتو خلااتو سرط ريقو مصدووم... عاود حطاتها على حنكو وهي كاترعد من قربهووم... بعدات شوية كاتشووف فيه بتوثر: الصبااح كانت طالعاليك الحراارة شوية... دابا نزلاات شوية...
هزات الكاس مداتولو: خود هااد الدواا شربوو... مزياان لوجع الراااس
تااج: وشكوون قاالك انا ضارني رااسي؟؟
هبة: ل.. لباارح كنتي كاتماتصيه بيديك..
قاطعها مللي هز يدها بااسها مطول... وشدها لعندها مزيرها بين يديه وهي غير كاااضور فعينيها... تنهد ونطق: حنينة وقلبك صاافي... بصراحة أنا محظووظ حيت هاد لقلب لبيض من نصييبي...
حاولات تفلت يدها من يدو مي كاان حااكمها: تااج أناا...
قااطعها: ششش.. ماباغيش مزاااجي يتعكر.. حاايدي دوك الأفكاار من رااسك... (شدها من ذقنها مطلعلها رااسها لعندو): هبة نتي مراااتي.. وغاتبقااي مرااتي وهاااد الشي حتى حااجة ماغاتبدلوو... ماكاين لاا طلااق ولا فرااق... مستحييل نطلقك فهمتي...؟؟!!
هبة: لا... م...
قاطعها مرة أخرى: عطيني الكااس..
هبة ببلاادة: هااا....؟؟؟!!
تااج: الدواا.. راسي ضاارني
مدااتلو الكااس شرب منوو وهي مقبحة صفتها كاتشووف فييه: مر يااك....؟؟
شربو كاامل فدقة وحطوو: من يدك عسل..
نزلاات مع الدرووج سااهية وكااتفكر فهدرتو وكل مرة كااتخرج ابتساامة بلاا ماتعييق...علاات عينيها مللي سمعاات أصواات فالصاالون... صغرات عينيها وهي كااتشووف جوج بناات فمقتبل العمر زعراات وملكاات الجماال... باينة غربياات الشعر زعر وطويبل ولااطاي ماانكة... كملات الدرجاات للي باقيين حتى وقفاات حدااهوم.. كاتشوف فيهوم وترجع تشووف فأشرف ووديع للي جالسين مقاابلين معااهووم... نطقاات مللي شاافتهوم منداامجين فالهدرة ماشافوهاش: أحمم... ودييع...؟؟!!
طلع راسو شااف فيها وكلهوم شاافو فيها.. الدرااري وقفو
وديع: هبة صبااح الخيير؟؟ كيف صبحتي؟؟ رتااحيتي شوية...؟؟!!
هبة: مزياان... (شاافت فلبناات) ماشرفتينااش؟؟
أشرف: هادو جاو على قبل الخدمة... كااينة وااحد الصفقة بين الشركة دياالهوم والشركة دياال تااج... وحيت مابقااش مؤخرا كاايمشي اضطرو يجيو للداار...
حركاات رااسها: هااااه...؟؟!! قول جايين على قبل تااج...؟؟ احم.. بغيتي تقول هادو كاايخدمو مع تااج...؟؟
وديع: آه.. وااحد الصفقة بينااتهووم...
هبة: مزياان.. (شاافت فالبنات للي وقفو كاايشوفو فييها): مرحباابيكووم
نطقاات وحدة: شكرا.. أنا كلاارا.. وهذي ختي سارة...
هبة بابتساامة صفرة: متشرفين.. أنا هبة مرات تاااج الدين(زيراات علييها)
كلارا جمعاات ضحكتها الشي للي لاحظاتتو هبة وشاافت فختها ساارة للي نقزاات: واش باقي ماطلقتووش؟؟
(الحوار بالفرنسية)
يالله جات تجااوبهووم بااينلها طير على وجوههوم تشبع فيهوم قميش حتى تراجعاات مللي سمعاات خطواات فالدرووج ضاارت هي والكل كايشووفو فييه هاابط.. كان لاابس قاميجة زرقة وجيلية فالكحل مطراسية درااعو وصدرو وسرواال فالكحل وسبااط كحل... شعرو جاامعو اللوور... ولحيتو مقاادة بسااعة يدوية زرقة غلييظة... نازل مخنزر كاايشووف فيهوم ودوك لبناات كاايفرنسو وهما حااضيينو وهبة مرة تشووف فيه مرة فييهووم... كااتغزز من الدااخل... لوكان لقاات ماينزلش كااع... وقف مقاابل معاهوم كايشووف باستغرااب وااضح ونطق: السلاام...
كلارا بابتساامة: السلاام... سمحلنا جينا بلاا موعد.. اضطرينا حيت مؤخرا قطعتي جميع وساائل التوااصل... وقلنا نكملو الخدمة معااك فالقصر ديالك...
شااف فوديع واشرف مخنزر وهما غير كاايضورو فعينيهووم: من إمتا رجعت كاانخدم فالداار؟؟
أشرف: بصرااحة ح.. حنا ماعرضنااش عليهوم وماقتاارحنااش يجيو لهناا...
تااج وهو كاايشووف فالبناات: أنا جاامي خدمت فالداار مع شي حد... وبلا مانافقكووم ماكانستقبل حد فقصري من غير عائلتي باستثنااء الحفلات...
سارة بتوثر: ماقصدنااش.. غير نتاا رااك عاارف هااد الصفقة شحال مهمة عندناو...
قااطعها: كانضن الأجل للي تافقنا علييه بااقي ماااوصل.. كان عليكوم تسنااو ويلا كاتغرفو تااج كرجل أعماال.. كلمتي هي كلشي والموعد للي درنا غااتلقااو كلشي وااجد...
كلاارا: ع.. عارفين.. ولكن توثرنا وتصرفنا بلاا عقل...
تنهد: بففف... واخا ماشي مشكيل ولكن كاانتمنى هذي آخر مرة... تفضلو جلسو... ابتااسمو بفرح وجلسو وهو ضار شااف فهبة للي غير مخنزرة: بااقي ماافطرتي؟؟
شاافت فييه كاتحاااول تخبي فقصتها وحركاات رااسهاا: لاا...
ابتااسملها وشدها من يدهاا: يالله نفطرو...
شاف فأشرف ووديع: شوف الآنساات آش يشربوو؟؟
تخاطاهوم شاادها من يدها خلاهوم متبعيينلو العين.. حتى نغزااتها ختها: هادو هما للي غااايطلقوو..؟؟
سارة: رااه مفارقين مدة طوييلة... وهو ماخلا عليها بلااصة... ياختي شوفي كيف كايتعاامل معااها سعدااتها
كلاارا: قلتيلي غاايطلقوو... خلليتيني نحلم بحال الحمقة
ساارة: وانا قلت هما عام مفارقين غايكون واقفين على الطلااق.. ولكن على حسااب تصرفاتو معااها ماكانضنش..
كلارا: وحتى هي قاالت راها مرااتو... بففف على زهر عندهاا وشحاال معفرة
ساارة: بالسيف تعفر انا لوكان كان عندي دااك الزين كاامل مانننزلش كااع للأرض...
.....
كانت جاالسة كاتاكل وغير مخنزرة ماعاجبهاا حاال.. وهو مقاابل معاها كااينقب من طبسيلو ومرة مرة يهز عينو فيها: صحاباتك ماكاينيينش؟؟
هبة: ماعرفتش..
تااج: غاتبقااي بووحدك...؟؟
هبة رفعاات صووتها شوية: خارجين مع رجاالهوم نشدهووم بزز نقوولهووم جلسو معاايا...؟؟
صغر عينييه: بالشوية علييك... أشمن رجال خارجين معااهووم؟؟ أشرف ووديع هاهما هناا... وفارس فالعياادة دياالو...
سرطات ريقها وحطاات الفورشيط وهزاات السربيتة مسحاات فمها: شبعت... وقفاات وحتى هو وقف كايشووف فييها ماعارفش ماالهاا...
تااج: كيفااش غادوزي نهاارك؟؟
دغيا شاافت فيه سااخطة: علااش مهتم؟؟ واش خاايفني نديروونجييك...؟؟
تااج: بالعكس فيؤ فكرت فييك... قلت ماغاتبغيش تجلسي معاايا.. وحتى انا ماغانبززش عللييك حيت غانكون خداام غااتحسي بالملل...
هبة: ل.. لا... ماكاين ماايدار لبناات غايكونو خرجو... غير خلليني معااك...
ابتااسم وشدها من يدها بااسها: تآمري براانسيس...
ضحكاات عااجباها هدرتو وخلاات يدها فيدو ومشاو للصالون.. وقفو على دووك لبناات للي غير كاايخنزرو...
تااج: نبدااو...؟؟!!
كلاارا: آه.. إلى ساليتي؟؟
حرك راسو وجلس وجلسها حدااه ملااصقة معاه... وديع جااب البيسي والورااق وحتى هما جبدو ملفااتهوم وبداااو فالخدمة وهي حدااهوم حااضية رزقها وغير كاتخنزر فكلااارا للي حاالة فمها فتااج كل دقيقة حتى كاتشووف تخنزيرة هبة عااد كااتجمع راااسها وتعااود تسهى.. للي مبرد عليها ومخلليها مكاالمية هو تااج وحركااتو.. مرة يرمي يدو من ورا ظهرها ومرة يبوسها فرااسها مرة فخدها... وهي مامعاارضااش نهاائيا... خصوصا مللي كاتشوف الفقصة فعينين كلارا وختهاا
نص نهاار دااز تقرييباا... سالاو الخدمة ونااض معااهوم كاايتصاافحو وهي لااصقة فييه مخنزرة... شاف فخوه وولد عمو: وصلو مع الآنساات للبااب...
حركولو رااسهووم وزادو معاهوم سارة غااتاكل أشرف بعينيها وهو ملااحظ هااد الشي ومكره.... نغزااتها كلاارا: شنو باانلييك...؟؟
سارة بهمس: ماكاينش أمل... هو حدانا وماصابرش علييها كل مرة يبووسهاا... باينة كاايحمااق علييها...
كلاارا: صافي.. صافي سكتيي زاااد حمقني بهااد التصرفاات.. سعداااتها يااختي سعدااتها...
سارة: سكتيي... شوفي هاد ولد عمو حتى هو شحاال معفر...
كلارا: رااه حتى هو مزوج وعندو ولد احبييبة...
ساارة: عارفة.. متبعااه فالإنسطاا...
وصلو لبررا.. والدراري من وراهوم...
وديع: هو بقا مع مراتو وحنا مصيفطنا معاهوم...
أشرف: غير سكت.. كانتخاايل تدخل كوثر مع دااك البااب والله حتى نمشي فيها
ودبع بضحكة: خصووصا إلى عاقت للشووفات للي كادير فيك هذييك
أشرف: غيير سكت... هاحنا غانتهنااو...
وقفو ودار وديع إشارة لواحد من الرجاال: سير مع الآنساات حتى للطوموبيل ديالهووم...
شاف فالبناات للي كايضورو فعينيهوم ماعاجبهووم الحاال: تشرفنا بمعرفتكوم والجلسة معااكوم.. كانتمنى تجمعنا شي خدمة أخرى إن شااء الله...
ساارة: آه.. مااشي بعيد..
أشرف: يالله مع السلاامة...
.....
شدها من يدها مضورها عندو من بعد ماكانت حاضية البااب منين خرجو... بااسها فكفها مبتااسم: علااش دوك الشووفاات؟؟ مايستااهلووهااش؟؟
خطفاات يدها: بقااو فييك...؟؟
تااج: ل.. لا.. ولكن باغي نعرف علااش...
تنهدات: و.. والوو.. غير ماتسرطوليش... هذيك.. سارة ولا مااعرفت شنووو... كات... كانت غاتاكل أشرف بعينيها.. ماعجبااتنيش
تااج بهمس: وكلاارا...؟؟
خرجات عينيها وجهها حمر: وعااقل على سميتها يااك؟؟ لا.. وكيف خرجاات من فمك... بحاال لعسل؟؟
ابتااسم مستمتع: عاادي... واش غاتمنعيني؟؟ هذا فمي وهذا لسااني...
تخطااها وجلس فوق الفوتوي دار رجل على رجل.. وهي حااطة يدها على جنبها كاتمسح على وجهها بالفقصة.. ضارت كاتشووف فيه.. وزادت بالزربة وقفات عند رااسو: آ.. آه.. ماتقولش سميتها.. ماتقوول سمية حتى وحدة.. أنا نعطيك الإذن..
طلع حااجبو فالدااخل ديالو غاايطير بالفرحة: وبآشمن صفة؟؟
سكتاات مالاقيااش جوااب.. صدرها كاايطلع ويهبط.. سؤالو فمحللو بآشمن صفة؟؟ غاارت آه.. لا غاتموت بالغييرة... يعني كاتبغييه.. لا هي رااه مهووسة بيه.. فااتت الغيرة لهييه... يالله حلات فمها بغات تنهي هااد المهزلة بغاات ترجع هبة مراات تااج... بغاات دير حد لعذاابو وعذاابها حتى سمعاات البااب تحل... ضاارت كاتشوف فالبناات داخلين.. كوثر ومريم وكل وحدة محملة ولدهاا... ركزاات النظر على لولااد.. ماسمعااتش لهدرتهوم وهما كايعتااذرو منها حيت خلااوها وخرجو الدراري للبرك.. فقط كاتشوف فيهوم وتفكر فولدها للي ضااع... ولدها للي كان غايكون فسنهووم... ضورات رااسها شاافت فيه بنظرة خلات وجهو يصفاار.. نظرة مختاالفة على للي كانت من قبل مايدخلو لبناات... ابتااسماتلهوم كقبوول لإعتذاارهووم وتخطااتهوم طلعاات الفووق بخطى سريعة وهو متبعلها العين مافااهم واالوو