🔥لهيب الهوس 🔥( مكتملة)

part58

بسمة ناعمة
البارت 58: وقفاتهوم فالكولوار حدا واحد لي فوتوي: لبنات جلسو ستناوني هنا غاندوز عندو للبيرو قالي ماتهبطي حتى دوزي لعندي
كوثر: ويلي ويلي غاتوقفي حدا هذااك كامل دابا وهو للي طالب يشووفك سعدااتك أختي وللاهيلا غرت
غزلان: ديني معاك غير نشوفو
هبة: زدتو فيه أويلي..
ضربو الطم وهي زادت مع الضورة ودخلات للبيرو كاترعد... كان متكي كايخدم فالبيسي غير دهلات طلع راسو شاف فيها وطلق واحد التصفيرة ياسلاام... ناض حاط يديه فجيابو وكايقرب منها عينيها غاياكلوها وهي بقات واقغة كاتشوف فالأرض متوثرة حتى شمات ريحتو وهو واقف حداها: آش غاديري فيا أممم...؟؟ غاتقتليني ماحشوماش عليك..
طلعات راسها كاترمش فيه وهو مبتااسم... تكاها على الحيط حاط يديه عليه محاصرها: شنو أباربي ديالي؟؟ علااش هاد الزين وهاد الأناقة كااملة؟؟ رااه غرت...
عضات على شفايفها وتنهد بصوت مرتاافع حاط صبعو على شفايفها كايدوزهوم بالشوية وهي كاتحاول تهرب: غاتمسحلي...
قاطعها: شششش... حتى أنا بااغي نمسحو ماكان لااش...
شافت فيه باستغراب: كاينين غير لبناات؟؟
جاوبها وهو كايحك لحيتو مع وجهها وهي كاتهرب وكايدوي بصوت مبحوح رجولي ومهموس: ومال لبنات ماعندهومش العينين؟؟ أمممم.... حط شفايفو على شفايفها كايمررهوم ببطئ ونطقات باينة من هذرتها خايفة: خلليني نمشي لبنات كايستناوني...
باقي غارق فيها وكايدوي: ماساخيش ماسااخيش... والله ماساخي...
هزات يديها كاتحاول تبعدو بالشوية بعد كايشوف فوجهها وهزلها راسها كاتشوف فيه بزز منها: ماتبقايش تعضي شفايفك... هذيك حركة مثيرة..
هبة: واش داابا؟
تاج: اه دابا ومن بعد وديما...
هبة: كاينين غير لبن....
قاطعها: هبة أنا كانغير عليك من موك للي ولدااتك ماتقوليليش كاينين غير لبنات فهمتي؟؟ دوك لبنات لوكان بيدي مايشوفوش جيهتك؟؟
بقات تشوف فيه مصدومة وهو زاد بخطوات اللور: صافي سيري
يالله تحركات باش تمشي حتى جبدها بعنف عنقعا بتملك: ماتحاوليش تهربي مني راه نآذي راسي ومانآذيكش... بعد عليها مبتااسم: كانبغيك... سيري..
زادت خارجة وكاتشوف فيه حلات الباب مرفوعة خرجات كاتمشى حتى قفزوها لبناتت: بااسك..
كوثر: *واك...؟؟
شافت فيها مخنزرة: قودي...
وزادت قدامهوم وهما وراها خرجو من الباب اللوراني وقفو حدا لبنات للي غير جالسين وكابرققو والدوخة باقية شاداهوم شأفو هبة جاية بحلة جديدة وقفو مضهشرين كايشوفو فيها وفلبنات للي بدلو وتقادو
بقاو واقغين مدة وهما مصدومين حتى لسانهوم تسرط كايشوفو فللرباعي ويرجعو يشوفو فبعضهوم باقي ماسرطو الصدمة دالفيلا للي هما فيها زادو هذي... تنحنحات هبة واقفة مقادة مقابلة معاهوم ونطقات: مرحبابيكوم البناات..
نطقات وحدة: هبة شنو كاديري هنا وديالمن هاد الفيلا؟؟!!
لوخرى: وعلاش جينا وشنو هاد الشي لابسين؟؟
لوخرى: هاد الفيلا كبيرة وزوينة مايمكنش تكون ديال عائلتك فهمينا غانتسطاو؟؟
هزات يدها على شكل سطوب: نتوما اليوم هنا على قبل واحد الحفلة مللي غانمشيو من الجهة الأخرى غاتعرفو بأشمن مناسبة أنا منظماها... ومابغيت نسمع حتى سؤال لا بخصوص الفبلا ولا بخصوص الخوايج للي لابسين ولا بخصوص شنو كاندير أنا هنا... للي خافت على راسها ولا مامرتاحاش ها الشيفور واقف يوصلها حتى لباب الحي... وللي زادت سولات شي سؤال حتى هي غاتمشي...
بقاو غير كايضورو فعينيهوم باغيين يلقاو أجوبة لأسئلتهوم ولكن هبة سكتاتهوم وهما حتى وحدة فيهوم مامستاعدة تغاظر هاد لبلااصة... زادت بخطوات ثقيلة ودارتلهوم إشارة بيديها باش يتفضلو.. كاتصرف بكل رقي وتباثة... ماشي غير دابا ولا تصنع وإنما هي هاكا من ديما... معروف عليها الرقة والأنوثة الخوف من أصغر الحوايج والضعف والآداب والرزانة والثقالة بحاليلا جابت حياتها كاملة وهي كاتعلم الإتيكيت... زادو تابعينها غير حاللين فامهوم فالجردة... حتى خرجو فبلااصة الحفل وعينيهوم خرجو مرة أخرى وهما كايشوفو فلابيسين مضور بللنفاخات والشجر مزوق والطوابل عامرين والحلوى بطبقات الوسط ومع دخلتهوم تطلقاات موسيقى مجهدة مع البيفان للي لاسقين فالشجر happy birthay ghizlan.. دارت يدها على فمها مصدومة وهي كاتسمع سميتها وعيد ميباد سعيد من فم هبة والخدم والبيفاان أما الشي لاخور كلشي باقي مصدوم مع الزينة وروعة الفيلاا... عنقاتها فرحانة: شكرا شكرا بززاف.. نتي هي صااحبتي مانسيتينيش كانمووت علييك شكرا...
هبة: تستااهلي أعمري علا شحال عندي من غزلان غير وحيدة؟؟
بقات غير كاتعنقها وتبوس فيها والشي لااخور باقين مخرجين عينيهوم... تطلقات الموسيقى وبداو السرباية كايفرقو فالمشروبات العصائر والمشروبات الغازية والحلوى....
كوثر: ناري أهبة حاسة براسي فالجنة...
مريم: أوهههه هاد الشي زوييين زويين هههه..
غزلاان: أحسن عيد ميلااد والله هههه... ناري غانطير أنا...
بقااو كايضحكو ولوخرين حتى هما انداامجو