بسمة ناعمة
البارت 5:على أي واحد طلع حبس الطوبيس فآخر بلاكة ليه وغايقلب الدورة باش يرجع وهما باقيين كايكركرو ويجمعو مامسوقينش... ضار لعندهوم لكريسوور كاايشووف فيهووم: التيتيز ماتاويش يهبط...
شافت فيه مريم: علاااه فين حنا؟؟
ضارت هبة كاتشوف من السرجم: صافي هذا راه حد الطوبيس ماغايزيدش القدام...
ساطت كوثر زعما معصبة: وشكون قالك حنا غانزلو هنا...؟؟
تكا على الكرسي كايشوف فيهوم زعما من نيتكوم: وفين كنتو ناويين؟؟
هبة: كنا ناويين ننزلو حدا البوليس عندنا واحد الشكاية
الكريسوور: البوليس كايسدو مع الثلاتة
كوثر: وها الكذوب الشكاية واخا نبغي نديرها مع نصاص الليل نقدر نديرها ياك هما ديما فخدمة الموااطن...
ناض ااشيفور من بلاصتو نازل وقف حداهوم: على وجه هاد الجووج للي عويناتهوم كبار وقتالين (هبة ومريم) ماغانحاسبكومش على هاد الطوبيس للي غير ماشيين جايين فيه...
نقزات كوثر: راه طابعين لاكارط أسيي ومن حقنا نمشيو ونجيو فيه كيف بغينا
الشيفوور: لاكارط طابعينها للقراية أزين ماشي للدوراان... سمعتي أسفريطة...
غير قالها ونزل خلاها غاتنفااجر... شافت فيهوم لقاتهوم حابسين الضحكة: غير ضحكو لاش حابسينها سري أنا للي كاندافع عليكوم...
غزلان: لبنات يالله ننزلو شوفو الطوبيس خوا وها النااس للي باغيين يرجعو القدام كايطلعو..
شافت فيها كوثر مصغرة عينيها: يااه صبااح الخيير فرااسك نسيتك كاع واش كاينة معانا؟؟
مريم: بسيف تنسايها هي فين عمرها هضرات مللي نكونو فشي نقاش مع شي حد كاتبقا ساكتة منزلة السر حتى كايمشي عاد تتقدم ست الحسن والجمال تعطينا رأيها...
غزلان: وغلاش غاندوي نتوما فيكوم الكفاية؟؟ إيوا يالله ننزلو...
كوثر: من نيتك؟؟ والله ماننزل حتى يرجعني للبلاصة للي بغينا...
رجعو تكاو على لطراسة والطوبيس بدا يعمر من جديد حتى طلع الشيفور والكريسور شافو فيهوم وحركو رااسهوم... وديمارا بزز منه... وهما رجعو لضحكهوم... طلع الكونطرول كايقطع لوراااق ويفرنس داز عليهوم مبتااسم دازهوم حيت عارف طابعين حتى فاتهوم بخطوة ورجع كايشوف فيهوم باستغراب: نفس الطوبيس للي قطعت فيه قبيلة وكنتو فيه... واش رجعتو خدامين معانا...؟؟
هبة بابتسامة صفرة: بحال دااك الشي إلى قبلتي علينا
الكونترول: إيه مرحبا... خلليني نكمل هاد الصف هو للي بقا ونرجع لعندكوم...
عرفوه غايشدهوم بالهدرة والتعناب وغير وقف الطوبيس فواحد لبلاكة وهما يتسرسبو متساتفين...
VOCÊ ESTÁ LENDO
🔥لهيب الهوس 🔥( مكتملة)
Açãoسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
