🔥لهيب الهوس 🔥( مكتملة)

part87

بسمة ناعمة
البارت 87: شادين الطريق لدارهوم.. لبنات مشاو لباارح وهما يالله ماشيين... كايسوق بيد وشاد يدها باليد لوخرى... وهي باين عليها التوثر.. خايفة لا باباها مايبغيش ولا يفرض عليها العقد.. وهي متأكدة بللي تااج ماغايمشي حتى يديها معاه وحتى هي باغة تمشي ولكن خاايفة.. خايفة من العقد ومن ليلة الدخلة ومن التجربة للي غاتعااود مرة أخرى... حاسة بقلبها مزير من هاد النااحية... شااف فيها وجهها صفر هاارب منو الدم... صغر عينيه مستغرب وزير بيدو على يدها ناطق: هبة ياك لبااس؟؟
شافت فيه مبتااسمة غير بزز: ل.. لا والووو...
رجع كايشوف قدامو ساق شوية وخرج الطومو على الطريق وقفها جنبو.. وهي كاتشوف قدامها غير سااهية... ضار لعندها بجدية: هبة غاانسولك مرة أخرى مااالك...؟؟!!
شافت فيه.. من نبرة صوتو باينة معصب... سؤطات ريقها ونطقاات: خايفة بابا ماايبغيناش نمشيو بجووج...
تنهد وجاوبها بهمس: إلى ماخلااناش حيت غير مخطوبين من حقو... كيف ماكان الحال راه باقي هو ولي أمرك... نديرو العقد بااش ترجعي مرااتي وتقدري تمشي معايا...
عضات على شفايفها حانية راسها لتحت: العقد....
ركز نظرو عليها كايستناها تكمل كلاامها اصلا هو باغي يعرف شنو واقعلها وعلااش عندها حساسية من هاد الموضووع...؟؟!! ولكن هي حدها قالت كلمة (عقد) وسكتاات... سااط معصب: مالو العقد؟؟
سكت كايستنا جوابها وهي غير سااكتة... غمض عينيه كايحااول يصبر راسو ورجع حلهوم كايشوف فيها وهي كاتشوف فالأرض: شنو مشكلتك أهبة؟؟ العقد مالو.. علااش عندك منو هاد التخوف كاامل؟؟ واش باقية مامقتاانعااش بهااد الزوااج؟؟
هبة: ل.. لاا مااشي هاكاك... طلعات راسها كاتشوف فيه ببراءة: صافي غير كمل طريقك.. وللي ليها ليها...
شافتو كايشوف فيها بنظرة عتااب وابتااسمات فوجهو حاطة يدها على حنكو كاتمررها بحنية: أنا النهاار للي عطيتك الإذن تخطبني... ونهاار قبلت نلبس الخااتم دياالك.. دااك النهاار تقبلتك راجلي.. وكانستنا غير إمتا نتزوجو... هزات يدها جمعاتها عندها كاتشوف قداامها: ولكن...
حرك راسو ونطق بتسااءل: ولكن شنووو...؟؟!!
سااطت باغية تفهمو شنو بيها باش مايمشيش تفكيرو بعيد: ب.. بصراحة.. أنا باغية.. ديي.. ديك الليلة.. تكوون من وراا العرس.. ون...  نتا عارفااك ماغاتصبرش.. حتى للعرس... و... ويلا درنا العقد.. غا...
قااطعها صوت ضحكة رجولية صغيرة خرجاات من فمو... شاافت فيه لقاتو مبتااسم بطريقة جننااتها: هذا وكاان؟؟!! خلعتيني.. ولكن عندك الحق العقد هو الزوااج ويلا درنااه عولي على ديك الليلة حتى قبل مانمشيو لفرنساا..
خرجات عينيها وهو كمل مبتااسم: النااس كاتصوم غير بالنهاار مااشي حتى باللييل... العرس غانديروه.. مي الليلة قبل...
هبة: ولكن...
ديمارا مكمل طريقو.. وملامح وجهو مبشورين.. مللي عرف السبب تهدن.. حيت كانو جاو فباالو بززاف دالإحتماالاات... وهي غير كاضور فعينيها... شاافت فيه بنص عين: تااج عفااك حااول تقنع بابا يخلليني نمشي معااك بلاا عقد..
جاوبها وهو كايشوف فالطريق: ويلا مابغااش؟؟
هبة: أنا عارفاك إلى بغيتي تقنعو رااك غاديرها...
تااج: وا إيلاا بغييت...
شافت فيه لقاتو مبتااسم ببرود ورجعاات شاافت قدامها مربعة يديها غير كاتسووط...
.... بعد مدة وصلو للحي فين ساكنين.. وكيف العادة مع فخامة الطومو ديالو.. القواقة كلهوم خرجو على بررا.. أصلا دار هبة رجعاات هي محط أنظاار الكل فهااد الآونة الأخيرة.. خصوصا مللي شافوهوم جابو السلعة بااش يبنيو ويقاادو... عاادي رااه باباها وأخيرا غايشد فلوس التقااعد وغاايبقا يخلص من الشهر للشهر وبمبلغ كبيير ومحتاارم... واخا بإمكانو يشري فحي راقي وداار وااجدة... ولكن مابغااش.. هذيك دارو ربا عليها الكبدو وربا فيها ولاادو... غايصااوبها بحال شي فيلاا فوسط هااد الحي... غايخللي الفام للي تحللو على بنتو يتسدو... وفين مايضور كايقول بكل إفتخاار نسيبي هو للي عاونيي...
حبسات الطومو حدا البااب... نزل هو كاايسد فالدجااكييط.. خاط نضااضرو فرااسوو... ونزلاات حتى هي هاازة سااكها لاابسة صااية طويلة مع كااب قصيير وسبرظيلة فلون الكااب مقادة فولارها على الطريقة التركية... وقفاات بكل رقي كاتشوف يمين وشمال فدوك التااس نفسهوم للي شمتو فييها.. هاهما غاياكلوها بعينيهوم.. والصدمة باينة على ملامحهووم... ابتااسمات بانتصار.. وتمشاات نااحية حبيبها.. شدااتلو فيدو... حناا رااسو كاايشزوف فيها.. ابتااسملها ورفع يديهوم المشاادين حط يدها على شفايفو.. بااسها خلا قلبها قفز.. عضات على شفاايفها ضااحكة ونطقاات بين سناانها: كانمووت علييك أناا..
ابتااسم مرة اخرى مبين على سنانو البيضين... وتخركو طالعين مع دوك الدريجات لقلاال للي حدا باابهووم... دقات فالبااب جوج دقاات...
تحل البااب وخرج باباها لاابس سروال قندريسي فالكحل مغبر وقاميجة مطلعلها لكماام بااينة غااطس فالرملة... ابتااسم بتفااجئ وهو كايشوف فيهوم واقفين عند الباب: هبة... ولدي تااج...؟؟!! نهاار كبير هذاا تفضلو تفضلوو..
ابتاسماات هبة.. ونقزاات عليه باغة تعنقو حتى وقفها بيدو: لا أبنتي غاانوسخك ونتي مقاادة الحاالة ههه...
حايداتلو يديه وعنقااتو مخشية فييه: بابا وااها تكون ملطخ بالغيس غاانعنقك ونتخشا فيك علااه شحال عندي منك..
باادلها حتى هو العنااق.. مبتااسم فرحاان... وتااج كايشوف فيهوم جامع الإبتساامة.. حرك يدو حك بيها من ورا عنقوو... بطا عليه إمتا يساالي دااك العنااق.. واخا هما غير ثوااني جااوه بززاف.. تنحنح ونطق: حتى نسييبك كايستنا يعنقك أعمي... طلق من بنتو مصدوم من هدرتو: ولكن اولدي... ماخلااهش يكمل عنقو عنااق رجولي خلااه جاامد فبلااصتو... اوو تاج بشحمو ولحمو عنق نسيبو بغباابرو أو وسخو... تساالمو ودخلو متوجهين للصاالون.. تعرضااتلهوم ماماها بضحكة كانت عالماها هبة من قبل... سلمات عليهوم ورحبة بيهووم...
هبة: بابا آش كاادير؟؟
.......: والو أبنتي غير شي سلعة دياال لبني يالله وصلاات وهاني كانقاادها مع الدرااري فوق السطااح...
هبة: بابا نتا راك مريض مااخاصكش تهز الثقل..
......: ماشي بززاف ابنتي هاد الفاياج سالينااه باقي جووج آخرين مزاال مااجاو...
تااج: وا أجي تجلس معاانا...
جاوبو بابتساامة: واخا هاانا نمشي نبدل عليا ونجي...
انسااحب مخلليهوم غير بجوج حتى ماماها مشاات تعمر أتااي وخووتها كايقرااو... كان جاالس حداها شدها من يدها بااسها وهي كاتشوف فبااب الكوزينة خطفاات يدها: ريح أصااحبي...
شااف فيها كاايضحك: ههههه.. تشرملتي...
هبة: والا رااه يشووفنا شي حد
تااح: ويشوفو يااك مرااتي...
هبة: تبت شوية آشمن مرااتك.. راه البارح مللي قلتليهوم غانجيو الليل كامل وبابا كايسول فماما واش انا كانشوفك ديما... واش ساكنة فالحي..؟؟!! بحاليلا شااك...
حط رجل على رجل: ها حنا غانساليو هاد الشي اليووم...
بقاو كايدويو.. دخلات ماماها بالصينية ورجعاات جاابت الحلوى كااتضحك فوجههوم... جلسات مقابلة معاهوم كاتقلب فأتااي.. وجا باباها مدوش ولاابس جلابة سخونة دياال الصووف.. هبة بعدات على تااج خلاتو غير كاايحك فلحيتوو.. حتى نطق باباها: إيوا ابنتي كااينة شي قرااية؟؟
هبة: آه ابابا الحمدلله
حرك رااسو: إيوا الحمدلله.. أحمم.. باقية فالحي يااك ابنتي؟؟
ضورات عينيها شاافت فتااج لقااتو متكي ببرود ورجعات شافت فباباها بابتساامة: آه فالحي وفين غاانسكن؟؟
ابتااسملها برضاا: الإمتحانات سالاو.. يمكن غاتجلسي هناا باش تبداي تشري للي خااصك وتوجدي.. ربع شهور راه بحال ربع ياام.. دغيا كاادوز...
هبة: ولكن أبابا رااه باقي تابعيني الإمتحاانات..
.....: عارف انا كاندوي غير على العطلة..
يالله جات تدوي حتى قاطعها تااج: هاد الشي علااش جيتا لعندك أعمي... أنا جاتني خدمة ففرنسا وجيت باغي ناخد من عندك الإذن باش ندي معايا هبة
جاوبو بصدمة: كيفااااش؟؟ هبة تمشي معااك..؟؟!!
تااج: آه مااكرهتش... باش منها نيت تتأقلم مع الجو تما.. وتقراا وتتعلم للغة...
الأب: ولكن أولدي بأشمن صفة غاتديها لتما؟؟ نتوما غير مخطووبين... ماجاتش..
يالله غايعضر عااود قاطعااتو هبة: حتى لبنااات غايمشيو أبابا... وغانعيشو مع عاائلتو مااشي بووحدنا... يعني ماشي ضروري نكونو مزوجين...
حرك راسو بالنفي: لاواه أبنتي.. واخا هاكاك.. مانثدرش نخلليك..
تااج بثقة: بااش مااكان وكيف مابغيتي.. أنا ماغانمشي حتى نديها معاايا..
شاف فيه باستغراب وهو كمل هدرتو: أنا قاابل بشرووطك.
طلبااتك أواامر من غير وااحد فيهوم..
نطق بفضول: إينا وااحد؟؟!!
تااج ببرود: مانديهاش معايا مستحيل نقبل بييه...
خلاه غير كايشووف ورجع شاف فهبة للي غير كاتفرك فيديها وماماها كاتشوف فهذا وتعااود تشوف فلااخور... حتى نطقاات باغة تلطف الجو: هااك اولدي هاك كاس دأتاي تفضل...
شدو من عندها جغم منو: الله يعطيك الصحة أخاالتي.. ضار شااف فهبة للي غير كااتفرك فيديها ورجع شااف فباباها سااكت كايفكر ورجع شاف قدامو كاايشرب من كااسو...
.......
كل وااحد فيهوم على نفس الحاالة كاايحااولو يقنعو نسابهوم باش يخلليوهوم يديو عيالاتهوم معااهوم... غير غزلان للي واقفة فبيتها كاتمشي وتجي حاطة يدها ففمها.. ماقادراش تفااتح وليديها فالموضووع حتى على الأقل يكونو معاها صحابااتها... هما بعدا عندهوم عظر غايمشيو مع رجالاتهوم.. وهي شنو للي غايخللي وليديها يووافقو على مشيتها وغربتها عليهووم... جلساات على ناموسيتها كاتشوف فالتيلي ديالها... من نهاار تفاارقو فالجردة مااتااصل ولا صاافط حتى ميسااج.. حركات كتاافها باللامباالاة.. وتجبدات على ظهرها كااتفكر فكااع ردود أفعاال عاائلتها..
مجموعين على الطبلة كايتعشااو... كايدير اللقمة فالعاام.. بطريقة رااقية كايااكل هو وياها وماماها وباباها.. مادواوش فالموضووع من ديك الساعة.. حتى نطق باباها كايشوف فيه بجدية: ولدي تاج حنا تايقين فيك وفعائلتك... ولكن كايبقا الموضوع ومافيه هو أن الناس كاتدوي و.. قاطعو بهدوء وبصوت رجولي واتق من هدرتو: عمي شفتي الناس غايدويو عليك واخا يشوفوك هاز الشانطة ديالك وغادي لمكة بنية الحج والتوبة.. من حقك ترفض تخلليها تمشي معايا حيت حنا مامزوجينش ولا حيت خايف عليها ولا حيت ماتايقش فيا.. ولكن ترفض غير حيت خايف من هدرة الناس سمحلي هذا مبرر غاالط .. تنهد باباها كايفكر فكلامو: تباركالله عليك هدرتك كلها فمحلها... ولكن إلى جينا للصراحة أنا ماخايفش عليها مادامها معاك وتايق فيك.. . أما قضية الزواج.. قاطعو مرة أخرى: ماعنديش مانع نضربو العقد قبل مانمشيو.. هبة خرجات عينيها وماماها نطقات: هاا.. ؟؟!! ولكن إمتا ناويين تمشيو؟؟ شاف فيها: من بعد سيمانة علااش؟؟.. جاوباتو باستغراب: ،كيغاديرو توجدو لوراق دالزواج ولوراق ديالها؟؟ سيمانة مدة قصيرة.. جاوبها ببرود: غانوجدو كلشي حتى حاجة ماصعيبة.. نطقات هبة بحدة: بلااتي أشمن عقد ولا زواج؟؟ ياك حنا متفاهمين حتى تفوت ربع شهور.. جاوبها باباها: بنتي العقد مافيه والو.. بالعكس مزيان تمشي ونتوما مزوجين.. هبة: ولكن أبابا ياك نتا كيف قلتي تايق فيا وتايق حتى فتاج..؟ مانحتاجوش للاكط عاد باش نقدر نمشي.. أنا بغيت نديرو مع العرس.. نطقات ماماها بتساءل: شنو مشكلتك نتي فالعقد؟ ياك دايرينو دايرينو علاش باغية طولي المدة..؟؟ حنات راسها كاتشوف فالأرض ونطقات بصوت منخافض: ماغاتفهمونيش.. إحساسي صعيب يتفهم... .رغبتي قوية اني ندير العقد مع العرس.. مابغيتش نفرق بيناتهوم ونطول المدة.. شافت فتاج بترجي: ماشي ماباغياكش ولا مامقتانعاش بيك.. ولكن هاد الشي للي بغيت عفاك ديرلي خااطري.. تنهد كايشوف فيها لمدة ورجع شاف فوليديها وخصوصا فباباها: كانواعدك أعمي وعد رجل حر ماغانآذيهاش.. وكيف ماديتها غانرجعها حتى نتزوجو.. شاف باباها فماماها بحاليلا كايستااشر معاها.. حدها حركات راسها وهو تبسم بارتياح وشاف فتاج: أنا تايق فيك أولدي.. مادام بغات هي اللااكط يتأجل ماعلييش.. أنا عاطيك الإذن تديها معاك.. ولكن... سكت شوية وتاج صغر عينيه باستفهام حتى كمل كلامو: بغيتك تواعدني تبقا بعيد عليها ب.. بالليل.. زعما نتوما غاتعيشو فدار وحدة.. أحم.. أنا تايق فيك.. ولكن الشيطاان ولد لحرام.. كايوسوس للوااحد..  تقاد فالجلسة كايحل صداف الدجاكيط حاس براسو تزير كايقولو واعدني تنعس بعيد عليها بالليل.. بحاليلا عارف بللي هاد العبد الضعيف للي قدامو ماكايحلالو النعااس حتى يعنق بنتو.. سرط ريقو ونطق: عمي تيق فيا.. قاطعو مقرر: هذا شرطي باش نخلليها تمشي معاك... عض على شفايفو وجهو رجع حمر وهي غير كاضور فعينيها وتحكك فبلااصتها خايفاه يدير شي حاجة أما هو باينلو يهزها يخطفها من حداهوم والله ينعل بو الصوااب
.. تعكرلو الجو وهو كايسمع فهاد الشرط المفاجئ.. ماكانش مسوق مللي هبة رفضات العقد... عاارف بللي متخوفة من ليلة الدخلة وباغياها تكون فالعرس.. وحتى هو مايكذبش إلى تزوجو ماغايصبرش عليها وهي مرااتو... هو دابا وماصابرش علييها... تنهد حاط يدو على رااسو كايحاول يضبط أعصاابو... وهي حركات يدها حطااتها على يددو الثاانية كاتحااول تكاالميه.. ضور وجهو شاف فيها.. ورجع شاف فباه للي كايستنا جوابو.. ومستغرب من ردة فعلو.. مااضنش غايكون شرطو صعيب لهااد الدرجة.. هو عند بالو بللي بنتو ماساكناش معااه... شنو الجديد فطلبو هذاا؟؟ نطق تاج من بعد صمت: أنا وااعدتك بللي بنتك غاترجع كيف مامشاات... وماغانآذيهااش.. وغانخلليها نقية حتى للحلاال...
سرط باباها ريقو وهو كايشوف فيه ويرجع يشوف فمراتو وحتى فبنتو.. جاهوم هااد الموضوع محرج كثر من اللازم.. على عكس تااج للي ماعلى بالو بحتى حااجة من غير أنو يضمن حقوو: عارف أولدي.. ولكن نتا عارف بللي الخلوة حراام.. نتوما غير مخطووبين... أنا خلليتك تاخدها معاك حيت تاايق فييك... وكانضن شرطي عادي وبسيط مااشي شي حااجة.. يالله جا يجاوبو حتى سبقاتو هي خاايفة لاا باباها يعرف: بابا.. واش نقدرو نأجلو هااد الموضوع لمن بعد؟؟
شاف فيها: علااش أبنتي؟؟ عادي حنا كانهضرو.. مافهمتش علااش العقد مااكانش موضوعو حساس بحاال هااد الشرط لبسييط...
قاطعو صوت الدقاان فالبااب.. وتااج غير كايشوف فالأرض مزير على قبضة يدو.. باينة فيه معصب.. ناضت ماماه تخل.. وهما بقاو جالسين فداك الجو المتوثر... حتى رجعات: راه الكوش الثاني دالسلعة وصل..
مهدي: واخا هانا جااي..
ناض من بلاصتو: قوليلهوم يستناو غير نبدل حواايجي ونجي بااش نطلع معااهوم...
ناض تاج باقي معصب كايشوف فالأرض.. ونطق بحدة: أنا غانمشي...
شاف فيه بصدمة وهبة وقفاات حتى هي كاتشوف فوجهو حمر... لاح الدجااكييط فوق الفوتوي.. وحل الصداف دالقااميجة وطلع لكماام... نقز باباها: لا اولدي حشوومة راه كااينين الدراري وأنا غانعااونهوم..
شاف فيه: مابغيتش الدراري أنا غانطلع بووحدي... مامحتااجش للي يعااوني..
زاد خارج لبررا وعبة تبعاتو وقفات فطريقو: تااج... ماالك...؟؟
هز يدو على شكل سطووب: واالوو.. ماتخاافيش.. معصب وبااغي نخدم باش نتهدن
هبة: ولكن راه بززاف...؟؟!!
قاطعها: مابززاف والو أهبة.. فنظرك نهز السلعة ولا نهز بااك من قرداافتو؟؟
هبة: أويلي آش كاتقول؟؟
دفعها بالشوية بيدو: حايدي من قداامي..
زاد مخلليها غير كاترمش.. حتى قربو لعندها وليديها: غانمشيو نعااونوه...
شافت هبة فباباها متخيلااه مهزوز الفوق فيد تااج.. يديرها ويفوتها لهيه: لا أبابا بلااش.. هانا غانخرج نشووف..
خرجات وهما تبعووها.. لقااوه وااقف مع الشيفور دالكاميون وصاحبو.. جبد من جيبو كمشة دالفلوس عطاهالهوم بلا مايشوف شحال خلاوهوم غير كايشوفو مصدوومين.. والجيراان كثر...
مهدي: راه غانخلصهوم أولدي...
تااج وهو كايحرك عينيه على الحي: لا ماشي مشكل... بحال بحاال.. شاف فهادوك: صافي غير سيرو..
حناو راسهوم ومشاو فرحانين.. وهو رجع كايشوف فالنواحي: كيفااش كااطلعو الفوق؟؟ شاف فنسيبو كايوثرو بنظراتو واخا يكونو غير شوفات عاديين: كاينين الدرووج؟؟
جاوبو بتلعثم: آ.. آه الدااخل..
حرك رااسو.. وتحنى هز شكارة دالسيما على ظهرو عادي بحاليلا ماهاز والوو...دخل بيها وهضر مع هبة للي كاتشوف فيه وترجع تشوف فالبنات للي غاياكلوه مصدوومين: تبعيني وريني منين ندووز...
طاارت حدااه تاابعااه.. ووليديها باقيين بررا.. كانو مستغربين حتى عاقو لدوك القواقة وهما يطلعو خنافرهوم للسماا... زعما مفتااخرين ومتكبريين... نطق المهدي بصوت مرتاافع: يالله نتبعو نسييبنا شحال عنيد.. من قبايلة وأنا نقولو يخللي الدراري هما يخدمو وهو مابغااش رااسو قااصح...
كان دايز من تما المقدم حااط يديه ورا ظهرو هذا هو للي ماكاايحسبش كاع المهدي ويلا بغا غير ورقة كاايطوفو عليها.. وقف حداه مصغر عينيه: السي مهدي... شكون هذااك للي شفتو كاايهز السلعة؟؟ من كمارتو ولبااسو مابايناش عليه خداام فالبني ولا حماال... شاف يمين وشماال: وهاد الطوموبيل دياالمن؟؟
المهدي بابتساامة: هذاك نسيبي وهذي الطمووبيل دياالو...
المقدم: نسييبك؟؟ شكوون وااخد من بنااتك؟؟
المهدي: واخد بنتي هبة..
المقدم: هبة..؟؟!! ياك كانت واخدة سمير ولد حمو وطلقات...
قاطعو: كاانت داابا مابقااتش.. سمحلي السي المقدم غااندخل ران مشغوول..
دفع كرشو القداام: امم باينة هااد النسييب عندك ملعق... أجي بعدا نتا عندك شي رخصة لهاد لبني؟؟ شفتك ماجيتي عندي ماطلبتيها مني... زاد قرب حدااه: راه نقدر نتعااون معااك.. غيير.. راك عاارف..
عوج فمو كايشوف فيه: لا مامحتااجش أنا عندي الرخصة