🔥لهيب الهوس 🔥( مكتملة)

part42

بسمة ناعمة
البارت 42
عينيه حمارو ماقادرش يضبط راسو... مستغرب من حالو... هو كان كايشوف بنات عريانات وماشي غير هاد الشي كانو كايتلمسو معاه ويديرو المستحيل باش يحركو رغبتو بلا حتى فايدة... وجات هي هاكا بسهولة غير إلى قااسها ولا قااصتو... لا غير إلى شافها كاايشعل... كره رااسو مللي شافها خايفة وراجعة اللوور راافضة تماما شنو طلب منها... علااش طلب هااد الشي... وفأول مرة يستفرد بيها... تنهد مصبر راسو وشاف فيها بعينيه الحمرين: ماغانذيكش صافي سمحيلي
تنثرات من يدو مبعدة علييه بخطوات قليلة: بغ.. بغيت نمشي خلليني نمشي...
ابتاسم بعصبية: لفيين؟؟!! تهربي مني يااك؟؟ قرب الخطوات للي بعداتهوم هي ونطق مرة أخرى مزير على الحروف بطريقة ماتقبلش النقاش: ماكاين فين غاتمشي... بلااصتك هنا حدايا ومعايا.. وفين مامشيت أنا غاتمشي نتي...
حركات راسها يمين وشمال عينيها دامعين: ماكانعرفكش أنا ماكانعرف علييك حتى حااجة.. كيفااش بااغي تربطني بييك وحتى... حتى سميتك ماكانعرفهااش... ماكانعرف علييك والو أناا... و.. ومعاك فدار وحدة تحت سقف واحد... وبالليل عااد...
قاطعها: ماكاتعرفينيش؟؟!! اناا أنا تااج الدين... فعمري 30 سنة... رجل أعماال.. و.. و وليديا عايشين على بررا ففرنسا وعندي خويا وختي صغر مني... شنو بغيتي تعرفي؟؟ شنو عااد...؟؟!! للي بغيتيه قوليه... بغيتي نعرفك على وليديا من غدا نديك لعندهوم... شدها من يدها بااسهالها مطول وهي غير كاتشووف: بغييتك... بغييتك بززاف كثر مابغيت راسي ووليديا... بغييتك لدرجة مستحييل تتصوريها لا نتي لاا غييرك... جبدها لعندو بالجهد ورفع صوتو بحدة: بغييتك وغانبقا نبغييك.. درتك فعقلي وفقلبي... مستحيل مستحييل تحلمي ولا تفكري شي نهاار نسمح فييك ولا تكووني لغيري... ضغط على يدها حتى قصحها: درتيها مرة ومايمكنش تعاوديها...
هزات يدها لوخرى حطاتها على كتفو: #تاج رهف قصحتيني....
ترخى مصدوم كايشوف فيها: شنو...؟؟
هبة: قصحتيني...
تاج: لاا سميتي
ابتااسمات كاتشوف فيه: سميتك زوينة تااج الديين... زوينة بززاف
تاج بابتساامة: ومن فمك زويينة كثر...
عنقها كايشوف فالسما كايتمتم بكلمات مامسموعينش: يااربي تعااوني وتجعلها من نصيبي... ماباغيش نخاالف القدر ولكن هي دياالي وغاتبقا ديالي
بسمة ناعمة
اهمس فوذنها وهو باقي معنقها: نتي هي باش كانتنفس من نهار عرفتك.... تخليت على الأكسيجين ودرتك فبلااصتو...
هدرتو خلاتها بلا ماترد الباال تزير عليه بيديها: فين عرفتيني؟؟
تااج: غاتيقيني زعما؟؟.
هبة: جرب...
تااج: تتعشا حبيبتي ونعاودلها بالتفصيل...
تحركات محاولة تبعد عليه وحتى هو باسها فخدها وطلقها... جرها معااه جلسها على الفوتوي وتاجه للفيكس للي تما هزو فيدو وشاف فيها: شنو تشهات عمري؟؟
ابتاسمات ساهية فكلاامو: غير للي عجبك...
تااج: أمم بيتزا...؟؟
حركات راسها: اه حتى هي مزياانة...
طلبها ورجع جلس حداها جرها لعندو محاوطها بيدو متكيها على صدرو: حايدي المونطو والزيف غايضربك البرد...
هبة: ل... لا ماعليش هنا سخوون وماحاساش بالبرد...
تااج: نتي تعرفي
طلعات راسها كاتشوف فيه: تااج...؟؟!!
ابتااسم: أححح وشحال حلوة من فمك... شنو بغاات رووح تااج؟؟!!
هبة: ب... بغيت غير نسولك فين غانبااتو؟؟ زعما نتا فين وأنا فيين؟؟
تااج: بلا شك قلبتي الجنااح وعرفتي بللي فيه غير بيت نعااس وااحد؟؟
حركات راسها: آه شفتو...
تاج: إيوا غانغسو فيه بجوج
تخطفات من حداه بالجهد: كيفااش؟؟
رجع عنقها بيد وحدة وهو جالس فارق رجليه: كيف سمعتي ألعمر...
يالله جات تجاوبو وقاطعها: ششش... موضوع غير قابل للنقااش...
سمعو البااب صوناات باسها فوق راسها: هانا رااجع...
نااض حلو جاب الطلبية ورجع هااز كارطونة فيدو شافتو هاز الساروت فيدو وعصير حط داك الشي فوق الطبلة ودار الساروت فجيبو... حل الكارطونة ومدلها: بسم الله... شداتو من عندو وكبلها العصير فالكاس خداتو من عندو... كاتشرب وتااكل... وهو تكا اللور حاط صبعو السباابة حظا فمو حاضيها... شافت فيه: ونتاا...؟؟!!
تااج: مافيااش غير بالصحة
حطات داك الشي ورجعات شافت فيه بجدية: حتى فالغدا قلتيليا ماكاتغداش باش دااير هاذوك العضلاات؟؟
ضحك: ههههه... واغير تعشاي حتى تسالي ونقولك باش دايرهوم؟؟
حركات كتافها رافضة: ٱلى ماكليتش حتى أنا ماناكلش...
تااج: إيوا لاا لاا... مانتفاهموش هاكا... كولي ولا نتخاصمو
ميلات شفايفها عاطياه بالجنب: لاا كول وناكل..
تنهد: واخا ألاالا... هز حتى هو وبدا ياكل عاد ابتاسمات ورجعات كاتاكل
بسمة ناعمة
كلات شوية أما هو غير نقب ماموالفش بالماكلة بززاف خصووصا لعشاا... دارلها خاطرها وحبس... شاف فيها مستغرب وهي كاتمسح يديها بالمنديل للي كان محطوط فوق الطبلة: وااش صاافي؟؟
شافت فيه: اه شبعت
تاج: واش هذي هي ماكلتك ولا غير حيت الليل ولا حيت أنا حدااك؟؟
هبة: لاا هذي هي ماكلتي ماحبست حتى شبعت... أنا كاع ماكانتصنعش فالماكلة...
ابتااسم بجنب: هذي ماماكلة ماوالو خااصك تزيدي شوية...
هبة: أنا بعدا كليت أما نتا والو
تاج: ماتفكريش فيا... يالله أجي فين كنتي
فهماتو وبقات غير كاتشوف مازاعماش حتى جبدها بيدو معنقها كيف كانو قبل حاط راسها على صدرو كايلعبلها فشعرها بيد واليد لوخرى خدام بيها فالبيسي للي حاط على ركبتو.. كانت ساهية كاتفكر ومرخية للمسااتو عاجبها حالها بززاف.. رافضة تماما تفكر فعاقبة هاد الشي ولا فالثقة للي دايرين فيها وليديها ولا شنو علاقتها بتااج... باغية غير تعيش اللحظة... فكرة كاتديها لوخرى وهي دغيا كاتطردهوم من دمااغها... حتى نطقاات بتسااءل: تااج؟؟!!
بلا مايشوف فيها عينيه على البيسي نطق: عيوون تااج...
ابتااسمات عاجباها هدرتو للي قريب تجييب آخرتها: البااب مسدود؟؟ يعني مللي جبتي البيتزا سديتيه؟؟
تكا على االفوتوي للي جالسين فيها محول نظرو ليها: آه سديتها علااش هاد السؤاال؟؟
نااضت جلسات مبعدة عليه وبااين من ملاامحها بللي ماعاجبهاش الحاال: وعلااش سديتيها؟؟ شافتو مركز نظرو عليها وحنات عينيها كاتشوف فالأرض حيت موثرها: حاسة براسي فحبس والباب مسدود بالساروت... ماغانهربش وأصلا واخا نبغي ماعندي فين نمشي... ماجايبة معايا لا فلوس لا والو ولافاك بعيد هاد لوطيل جاي بعييد بززاف على كلشي... وأنا ماعمرني وصلت لهاد لبلااصة فوجدة...
كان كايشوف فيها مركز مع هذرتها ومايلعب فشفايفو بصبااعو تنحنح مقاد الجلسة ونطق: اولا رجعتي كيف كنتي وحايدي منك هاد الطبيعة ديال كل مرة تبعدي... شافت فيه يالله جات تجاوبو شافتو كايشوف فيها بجدية حال يديه... زادت لحداه رجعات كيف كانت وهو عنقها مزير عليها: ماغانكذبش علييك... بصح ماتاايقش فييك.. خايفك تهوري وتحللي البااب تخرجي بلا ماتفكري... عارف ماعندك لا فلوس لا والوو غااتوضري هنا ولا يوقعليك بحال داك النهاار... وهاد الشي هو للي ماباغيش أنا...
بسمة ناعمة
هبة: كانحس بالخنقة وأنا عارفة بللي الباب مسدودة بالسارووت...
تفكر بالليل مللي بااسها وكانت غاتخنق... نطق باستغراب: عندك شي مشكل فالتنفس
هبة: لاا... علااش؟؟!
تاج: لا صافي والو نسااي... مللي نوضو غانحلها حداك ونسدهت عادي بلا ساروت صاافي؟؟
ابتااسمات: آه صاافي
باسها على راسها: بريهيشة... رجع كايكمل فخدمتو حتى نطقات مرة أخرى: تاااج؟؟!!
ضحك كايشوف فيها ميل راسو لمستواها: عرفتي شنو لوكان ماكانت سميتي كانخرج حلوة من فمك نكون ضربتك
شافت فيه ببراءة: علااش؟؟
تحنى حتى لااصق نيفو مع نيفها: حيت أحبيبة تااج خداام وكاتشتتي تركيزو...
جمعات شفايفها: صافي سمحلي...
سد البيسي رماه فوق الطبلة ورجع عنقها بيديه مجوج: الله ينعل الخدمة للي نقلق عمري... يالله دابا قولي شنو بغيتي؟؟
هبة بضحكة: ههههه... والو كنت غير بغيت نعرف كيفاش حتى عرفتيني وبغ...
سكتات قبل ماتكمل هدرتها بحاليلا مامتأكداش منها وهو ضورلها وجها لعندو حتى جاو متقابلين مع بعد وقريب وجوههوم يتلااصقو شاف مبااشرة فعينيها مخلليها غير كاتسرط فريقها: وبغييتك... كانقسمليك بللي خلقني وخلقك حتى بغيتك... بغيتك مثر من رااسي... وهاد الليلة عندي من أحسن الليالي فحيااتي...
سرطات ريقها محاولة تتحكم فراسها حيت هدرتو فشلاتها: و... وإمتا شفتيني؟؟!! وكيفاش حتى بغيتيني؟؟
تكا اللور جابدها لعندو كثر تنهد بصوت مرتاافع: كاتآمني بالحب من النظرة اللولة؟؟
تفكرات أول مرة شافتو فيها من تما وهو فباالها ماعرفات باش تجاوبو حدها حركات كتافها بمعنى الله اعلم ونطقات: ونتا...؟؟
تااج: أنا ماعمرني آمنت بالحب واش كاين أصلا... شاف فيها: حتى عرفتك نتي... حرقت جميع المرااحيل وبغيتك من أول نظرة... تصوري شفتك لثواني فالطوبيس واقفة بعيدة عليا مادويت معاك ماراقبتك لمدة طويلة فقط ثواني قليلة خلاتني نربط حياتي بييك... ونبقا كانبغيك ونبني مستقبل معااك فقط ثواني من حياتي تحكمات فبااقي حيااتي...
صغرات عينيها مستغربة من هدرتو... هدرتو للي عارفة بل متأكدة بللي شي نهاار غاتجيبلها جلطة نطقات متمتمة: الطوبيس؟؟
تااج: همممم... كنت واقف مقابل معاك... جات عيني فعينيك... ولكن ماكانضنش حكرتي حيت كنت مغطي وجهي...
ظغيا جا فباالها هذاك للي شافت غير عينيه وقررات ديرهوم عينين فارسها... طلعاات راسها كاتشوف فعينيه مركزة بلا ماترمش... أول مرة تعمق فيهوم الشوفة بحال هاكا..
بسمة ناعمة
حلاات فمها بدهشة: آه نتا... نتا هو لي شفت داك النهاار...
شاف فيها مصدوم: وااش عااقلة؟؟
حركات راسها بالإيجااب: آه عاقلة ولكن هاد الشي داز علييه بززاف... يعني داك النهار كنت باقية كانقرا... فين غبرتي حتى لليوم؟؟
درت حادث ودخلت فغيبوبة...
شهقات: غيبوبة؟
تاج: أممم... وبقيت فيها لمدة عام
هبة: عاام... عام كااع؟؟ ولكن كيفاش بقيتي عام ونتا مغيب وبقيتي مفكرني؟؟
شدلها فيدها وطلعها لعندو بالثقالة باسها وحطها فوق صدرو: شفتي هذا كان كايضرب على قبلك... كنتي كاتسيريه كيف بغيتي... أنا نااعس ونتي معايا لمدة عاام.. وكل مرة كان قلبي كايوقف... الآطباء ديال أوروبا كاملين استغربو من حالتي كيفاش واحد فغيبوبة وقلبو كايتفااعل وينفااعل لهاد الدرجة...؟؟ كنتي نتي السبااب... نتي للي تحكمتي فيه ولدابا كاتحكمي فيه...
كانت كاتسمع ليه وعلى وجهها باينة الدهشة لدرجة قطراات من لعرق تصببو من جبينها... واش هاد الشي حقيقي... واش بصح ولا غير كااتحلم... قصة غرييبة وزوينة بززاف... واحد بحال هذا بغاها فقط بنظرة بعيدة... ودارها محور اهتمامو لدرجة كانت كاتحكم فنبضات قلبو وهي عايشة الجحيم مع واحد متخلف بحال سمير... يالله جات تنطق حتى سبقها: كتكووتي الحال مشا هذا وقت النعااس...
شافت فالساعة للي كانت فيدو: الطنااش... ماحسيتش بالوقت...
شاف فيها سااهي: ياريتو يحبس
هبة بتساءل: شنااهو...؟؟
تاج: الوقت...
ابتااسمات كاتقلب على الجواب حتى قاطعها صوت التيلي للي صونا... بجوج تلفتو ليه كانت عليه سمية كريم... حسات بضفرو تغرساات فخصرها ختى غوتاات: أييي... رخي عفااك...
نطق بنبرة حادة عكس اللول: جاوبي وديري الصوت...
هزات التيلي من بلاصتو جاوبات حتى سمعات صوت كوثر عاد طلقها مخلليها كاتسترجع انفاسها: البااب غاتسد ألالا فين صديتي وحنا كانقلبو ماحشمتيش يالله كنتي معانا حتى طرتي... لا لا نتي راه رجليك خرجو الشواري... غوتاات كثر: جاوبي جاوبي المسخوطة فيينك؟؟ ياك قلتليك مافيها باس تزهاي ولايني لا تباتيشاي... معاامن راكي ياك مامع داك السيد للي جبتي معاه الصباح كامل... والصباح قلنا مافيها بااس ولاايني الليل الليل فيه البااس أختي فييه... ماعرفنااك تجي مفروشة ولا تجي حاملة ولا تجي والدة كااع... يالله جاوبي مال مك ساكتة راه التيلي ديال السيد هذااك وغايمشي مامساليليش أناا..