بسمة ناعمة
البارت 22: دخلات وسلمات دارت الصواب وجلسات مجمعة معاهوم حتى وصل وقت المغرب توادعو ومشاو... وهي غير دخلات لبيتها صونا التيلي ديالها... شافت لقات نمرتو جاوبات: ألوو
سمير: على السلامة مللي جاوبتي وسمعنا صووتك..
قلبات عينيها بملل: ماكنتش كانسالي... شنو بغيتبني غدا
ضحك بطريقة معصبة: هههههه.... يااك..؟؟ يعني خاص يكون شي سبب علاش باغيك؟؟
هبة: حيت ماعنديش الوقت..
قاطعها: التوقيت ديالك عطاهلي رشيد وعارف بللي ماقارياش غدا فالغشية بلا ماتقلبي على السبة... راحنا مخطوبين وعادي نتلاقاو ماشي تخلليني نصيفطلك عائلتي راه حرام عليك هاد الشي للي كاديري
هبة: ماغانكدبش عليك ولا نافقك... خديت منك موقف مللي كنت كانترجاك باش نرجع نقرا..
سمير: ياك دابا رجعتي ومالكي باقية واخدة مني موقف؟؟
هبة: رجعت بسباب ماما وحيت مابقا عندك حتى شي حل ماشي حيت بقيت فييك... وخاصك تعرف بللي انا ماشي من النوع للي دغيا كاينسا...
سمير: يااك...؟؟ إيوا غدا مللي نتلاقاو غانسيك بطريقتي؟؟
هبة: اممم.. اوكي ختى لغدا تصبح على خيير... قطعات عليه قبل ماتسمع الجواب وخرجات تتعشاا....
.......
فعشية اليوم الموالي... كان كايستناها فالجردة ديال ديما حتى وقفات عليه... طلع راسو مبتااسم ودغيا جمعها: ضحى لبااس؟؟
ضخى: بيخير خويا سمير ونتا؟؟
سمير: الحمدلله أخوويا... شافت فهبة: ها انا سابقاكوم... تمشات قبلهوم وهو ضار لعند هبة: علاش جبتي معاك ختك آش هاد التبرهيش؟؟
خنزرات فيه: قاد فمك شنو بغيتي نتلاقا بيك بخبار بابا وغير بوحدنا
سمير: بخبار باباك؟؟
هبة: آه بخبارو ماتنساش بللي نتا للي درتي الشوهة لراسك ومصيفط عائلتك
سمير: حيت نتي للي ماخلليتيلي حتى حل
هبة: ودابا تحمل... سبقاتو تابعة ختها وخلاتو واقف كايشوف: جالسين فوق كرسي دالجردة وضحى جالسة بغيدة عليهوم شوية شادة التيلي ديالها كاتلعب فييه... حرك يديه شد بيها يدها بلا وعي منها نفضااتها دغيا وحطاتها تحت راسها متكية علييها...شاف فيها وتنهد: للي شاافك يقوول مبززيني علييك...
ابتااسمات باستهزاء: لااا طايرة بالفرحة...
تقااد فالجلسة وعلى وجهو علامات الجدية: شنو وااقع؟؟ ماالك...؟؟!! راه أنا من دووك 10٪ ديال الرجال للي كايصدقو ومايضحكووش على صحاباتهوم... يااك صدقت معاك رااجل وجيت خطبت... رجعتي تقراي واخا كنتي كنتي مقررة العكس...
بلا ماتشوف فيه باقية متكية على الكرسي: ماكاين واالوو غير كايتهيألك...
سمير: تصرفااتك كاتبين عكس داك الشيي... صارحيني..
تقادات فالجلسة: ويلا صاارحتك وقلتلك بللي متبقيتش باغيااك ومابقيتش باغية هااد الزوااج... حركاات راسها بالإيجااب: آه حسيت برغبة فالزوااج وااحد النهاار... حسيت بللي باغية نكمل حيااتي معااك... فقط مدة قصييرة حسيت فيها بهااد الشي... مي هذيك المدة لقصيرة فييها تقرر كلشي وتحدد مصيري... حاسة بللي ماكنتش فوعيي بلي كانت مطلمسااني شيي حااجة... ودابا فقت... ولكن مللي فقت لقييت بللي صعيب نرجع... طلعات عينيها فييه: وااش صعييب أسميير صعييب...؟؟ ماكرهتش نفسخو هااد الخطووبة... ماكرهتش نساليو قبل مانبداو.... ابتااسم بعصبية وهو مركز مع كلامها... حرك راسو يمين وشمال كايمسح فشعرو بيديه: غااندير بللي مااقلتي واالوو... غاننساا هااد الشيي للي قلتي... هز صبعو السباابة جيهتها: وحتى نتي حتى نتي نسااي...
جاوبااتو بحدة: مللي غاادير برااسك ماسمعتي والوو علااش أصريتي ندوي أمم؟؟؟
سمير: حيت كان كايحصاابلي عندك شي مشكيل نحاولو نلقااولو حل... مانويتكش تكوني مرجعااني ضحكة... يااك ماجيتش خطبتك حتى عطيتيني الإذن... وليديا جااو الف مرة وكل مرة كاتأكديلهووم مواافقتك... العشاوات ولعرااضات مابين العائلة... والنااس للي كانو عارفينا مصااحبين دابا قاالو أووو دوينا على الخاوي هااهو صدق رااجل ودااها... تشرطتي وقبلنا رجعتي فهدرتك وقلتي لقراية وحتى هي قبلنا... عاطييك حريتك... كاتخرجي من الليسي وماترجعيش للدار ماكاتخلليو حتى قنت نتي وصحاباتك... ماعمرني حااولت نتحكم فييك... رافضة تتلاقاي معايا وكاتهربي مني وصاابر... عائلتي كايوجدو للعرس فرحاانين... وحتى عاائلتك...وبغيتيني بكل بسااطة ندخل للدار السلاام الزواج سالا
YOU ARE READING
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
