🔥لهيب الهوس 🔥( مكتملة)

part106

بسمة ناعمة
البارت 106: دخلو للبيرو فين موالفين يجلسو.. بجوج وهو معاهوم ماعاجبو حاال... حاط يديه فجياابو: دابا هنا فين كااتسهروو...؟؟
جداه: آه.. هناا...
جلسات فوق الفوتوي وجلساات حداها هبة... هزات شي وراق تما كاترااجع فيهوم بنيتها... وهو غير كاايشووف ويطل على لوراق: شنو هااد الشي؟؟
شافت فيه وقلباات وجهها للجهة اﻷخرى... جتى نطقاات جداه خدامة فشي ملفاات: عندها مع العربية بززاف... وماغاتلقاش مشكل فحتى حااجة متعلقة بيها... شفتها بااغية تقرا على إدارة اﻷعماال... وكانعااونها
خنزر مكره: أشمن تعاونيها؟؟ شدها من كتفها: أنا هو أستاادك الوحيد... حتى حد مامنحقو يعلمك شي حااجة من غيري..
تنثرات منو. ناايضة من بلااصتها مبعدة عليه: زدتي فيه بززاف... عيقتي.. بفف...
شافت فجداه: سمحيليا غاانمشي نرتااح... هاد لوراق غانديهوم معايا...
الجدة: آه أبنتي سيريي... حتى لغداا..
باستها من حنكها وخرجات بلاا ماتشوف فيه... يالله جا يتبعها شداتو جداه من كفو شااف فيها كايستناها تهضر: فاهماك... وفاخمة الحب ديالك وغيرتك وهوسك... ولكن هاكا غاتخلليها تنفر منك وتهرب... من حقك تغير... ولكن خاصك تصبر وتميك على بززاف ديال الحواايج... وإلا غااتخلق مشااكيل معاها...
حط يدو على راسو باستسلاام: ماقدرتش والله مااقدرت.. كاندير كثر من جهدي ولكن ماقادرش
الجدة: هبة بنت النااس... وماغاتلقااش بحاالها
قااطعها: ماباغيش بحاالها بااغيها هي... هي أجدة... وبلا بيها نمووت...
ابتااسمات: سير رااضي مرااتك... وعتااذر منها... وخااصك تعرف بللي حتى نتا من المفروض عليك تتنازل وتتغاضى على بززاف دياال الحواايج...
حركلها رااسو وخرج بالزربة مايقدرش يصبر حتى سااعة وهي غضباانة عليه
جبد التيلي من جيبو.... ودوز اتصاال... حتى سالا ورجعو لجيبو وابتااسم: إلى قلقتك... أنا قاادر نفرحك وننسيك...
طلع لعندها... هي كانت حالة عينيها فبلااصتها كااتشوف فالسقف وتفكر... هي فعلا كاانت كاتمنى وااحد يبغيها يغير علييها ويتهوس بيها... ولكن هااد الشي جااها فالوااقع صعيب.. واخا كاتحس بمتعة.. مي خاايفة والله أعلم..
غمضاات عينيها دايرة راسها ناعسة مللي سمعاات الباب تحل... شاف فيها ومشا تكا جهتها كاايلعب بصبعو فوجهها: عارفك ماناعسااش.. وغانخلليك على خااطرك... سمحيليا... غدا موجدليك مفااجأة غااتخلليك تسمحيلي بزز منك
باسها فحنكها وناض دخل للدوش خلاها خلاات عينيها ضاحك
حلاات عينيها كاتحرك رااسها يمين وشماال... البيت مظلم حيت الباالكون والسرااجم كلهووم مسدودين... هزات التيلي كاتشوف فالسااعة.. كانت لحضاش... صغرات عينيها مستغربة.. من الثمنية دالليل وهي نااعسة... وتاج كاع مااكاين.. موالف تلقااه حداها.. ويلا تعطلاات فالنعااس كاايتشوش علييها ويفيقها... تنهدات راامية علييها لغطاا.. ناضت للدوش بالثقاالة دوشاات وتوضاات.. خرجاات صلاات بعباايتها... ولبساات حواايجها... كسوة حجاابية أنيقة قااظات زيفها وخرجاات...
نازلة مع الدرووج بالشوية وكااتشااطي مع كوثر وتسولها شنو داارت... صغراات عينيها مللي قرباات توصل للطابق لتحتااني كااتسمع للهدرة بززاف والضحك لتحت... زادت فالسرعة متشوقة تعرف شكوون كااين... ماشي من طبعها لفضوول.. ولكن داابا باغية تعرف شكوون كااين...  وقفاات فآخر الدرج كااتشووف فيهوم مقاابلين معااها... شاافت فيه هو فوسطهووم... المفاجأة للي دوالعا عليها فالليل هي هذيي... وااخا تعياا مااتفكر ماغاطيحش فباالها... هي تقلقاات حيت اكتاشفات بللي كايغير عليها حتى من واليديها وخوتها... وهو اعتااذر مللي جاابلها وليديها وخوتها حتى لعندها... ركزاات نظرها عليه... جالس معاهوم هو وواليديه كايضحكلهوم وعاطيهوم وقت.. وكايدوي معاهوم فكاع المواضيع... حتى جداه حااضرة.. كاايرحبو بيهوم بحال شي ملووك... العصير والخلوى وأتااي والقهوة كلشي محطووط حدااهوم... الفرحة بااينة فعينيهووم... حااجة عاادية... غير لباارح كاانو فالمغرب وداابا صبحو ففرنساا.. مااشي بالسااهل يجيولها بين ليلة ونهااار... ولكن مع تااج حتى حااجة مامستحييلة...
زادت بخطوات ثقيلة لعندهوم.. وهي بااقية كااتشووف فييه... طلع رااسو وجات عينو فعينها... ابتااسماتليه بامتناان... وحتى هو ابتااسملها... نطق مسكتهوم كااملين: هذي هي المفااجأة دياالي...
ضحكات مللي ضارو كلهوم كاايشوفو فيها... ناضو من بلاايصهووم لعندها... عنقااتها ماماها هي اللولة كاتبووسها وتسولها على أحواالها وهي كذلك... هاكاك بالنسبة لباباها وخووتها... وهو جاالس كاايشوف فيهوم... حااط حجرة على قلبو.. قلبو للي شااعل بالعافية كل ماقرباات لشي حد فيهووم... عاارف بللي هادوك عاائلتها.. وغيرتو فهااد الموقف مااكاتفسرش... ولكن قلبو ولد لحراام ماافاهمش ومابغااش يفهم وماعمرو يفهم... غمض عينيه مأزم مللي فكر بللي غااتبقا معاهوم نهارات ولياالي...
ماغاتبقاش عااطياه وقت بحاال اللول.. هو كانت تجلس مع جدااه غير جووج سواايع ومااكانش طاايق... مستااعد بعطيهوم أملااكو قصوورو وشركااتو غير بااش يخلليوهاليه.. ولكن راها بنتهوم بأشمن منطق كاايفكر... فيقااتو من سهوتو مللي جلساات حدااه: شكرا شكراا بززاف... هاد الشي كاامل درتيه على قبلي... طيارة خااصة ليهووم... وتكلفتي حتى بشهاداات طبية لجوااد وراانيا... شكراا...
عنقااتو مامسوقة لحد وااخا ماتحشم حدا واليديه فرحتها ماخلااتهاش تفكر... وحاى هو باادلها العنااق فرحاان بردة فعلها... وكلشي مبتااسم عاجبااهوم علاقتهووم...
....
كان جاالس كايستنااها تنزل بااش تفطر... كلشي وجدو وقااد الطبلة... كان طلع بااش يفيقها لقا بلااصتها خااوية وهي فالحماام... تعطلاات بززاف... وهو بااغي يفطر معااها... يالله غايرجع يطلع حتى شافها ناازلة... حرك عينو كايطلعها ويهبطها... لاابسة مونطو قصير فالكري... مع سليم كحل.. وبوط قصير... طالقة شعرها مرووليااه من لتحت.. دايرة ماكيااج خفيف مبينها كااتفتن... وريحتها كااتضرب من بعيد... هاازة صاااك صغير... سرط ريقو.. هذا شحاال ماشافهاش مقاادة بحاال هااكا... تنحنح ونطق: واش خارجة لشي بلااصة؟؟
طلعات عينيها شاافت فيه بطريقة مميتة ورجعاات شاافت فآخر الدرجاات للي كاتنزل.. دازت من قداامو وتوجهاات للطبلة للي مقاادة.. جراات كرسي وجلساات.. حطات رجل على رجل.. وهزات فورشيط كااتاكل... تبعها مستغرب من تصرفااتها الجداد... جر الكرسي للي مقاابل معاها... طلعاات عينيها كاتشووف فيه.. ونطقاات ببرود: كنت غااننزل نوجد لفطور.. شميت ريحة الطيااب وعرفتك كاتوجدو...
أشرف: مااشي مشكل... بحال بحاال... نتمنى غير يعجبك..
حطات الفورشيط ففمها دااقت.. وعوجاات شفاايفها: ماابيهش...
أشرف: ماغايكونش بحاال طياابك ولكن نسلكوو...
حركاات رااسها: أمم مزياان...
هزات كااس حليب شرباات منو وحطااتو... يالله غاتنوض شدها من يدها: ماكليتي والوو..
كوثر: مافيااش...
أشرف: واش خارجة لشي بلااصة...؟؟
كوثر: آه غانخرج نكتااشف هااد لبلااصة للي أنا فييها... ماجيتش لهنا بااش نجلس فالداار.. إلى هااد الربعة الحيوط راه عندي بحاالهوم فداارنا.. غير الفرق للي كااين هو داك النهاار الباال كان هااني وماكااين للي يبرزطني
أشرف: يعني دابا أنا كانبرزطك؟؟
كوثر: دابا غاانخرج.. حتى نرجع ويلا عندك شي سؤاال سولني مللي نجي

حبووبات وااش رديتو الباال لواحد الحااجة؟؟🤔🤔
ماكاتعلقو ماكاتنااقشو القصة... إلى لقيت شي تعلييق كايكوون فيه غير حطي لينا.. مالكي ماحطيتيش تعطلتي غبرتي...؟؟
زعما شي تعلييق محفز ولاا مشجع ولا توقع واالو وتقوول...
كدوي على للي كايقراوها لأول مرة وهما بززاف