🔥لهيب الهوس 🔥( مكتملة)

part47

بسمة ناعمة
البارت 47حركات راسها يمين وشمال كاتشوف فيه مستغربة ودموعها كاينزلو: نت... نتا ماشي طبييعي... نتاا مرييض مرييض؟؟ ش.. شنو درتلك أناا؟؟ علااش كاتعااملني هااكا..؟ و.. واش غير حييت قلتليك حرام نعيشو بجووج...؟؟
خرج عينيه شادها من راسها اللور مقربها مرة أخرى ليه: آه آه... مريض... مريض بييك... ماكانش علييك تباني فأحلامي وتخلليني نبغيك... ماكانش عليك تركبي داك النهار فالطوبيس.. وماكانش علييك تخلااقي أصلا... أنا درتك فعقلي وفقلبي... ملعندك مني هرووب... تعودي على هاد الشي...
شظات فيدو كاتخاول تفلت من قبضتو وهو زاد زير هامس عند وذنيها: شفتي الهوس... انا فتو معااك فتوو... وشفتي دوك صحاباتك للي جالسة معاهوم ماباغيهومش يشوفوك ناعسة ماباغيش يقيسوك... ماباغيش يقربوولك... شفتي الناس للي شافوك دابا خاارجة ماكرهتش نكون عميتهوم قبل مايشوفوك... إلى غير المرض ولحمااق أنا فتهوم معااك فتهووم... يالله طلقها راخف عليها هزات يدها مرة اخرى شاظة فنفس لبلااصة للي كان شادها منها حيت ضراتها... خرج عينيه كايشووف فيديها... جبدهوم بعنف وهو فآخر عصبيتو ضحك مرة أخرى بفقصة بااينة: #الصبااغة...؟؟!! ههههه... وفلحمر...؟؟!! لااصق يديه كاايصفق: براافو براافووو... هههه... رجع شاف فيها عينيه حمرين وهي غير كاتقفقف: لباارح كانو يديك نقيين مافيهوم والوو... منين جبتي فكرة الصبااغة عااود... وعلااش صابغااهوم... علاش باغية تزينيهوم بهااد الزمر... وزايداها بهااد الكوولوور علااااش؟؟
قفزات مللي علا صووتو كثر: م...موالفة كاانديريها.. ماشي أول مرة...
تااج: آه كاتزيني يديك للزواامل يااك...؟؟ مواالفة؟؟ هز صبعو كايحك ديك الصباغة بعنف وقسوة خلاها تقصح وهي غير كاتبكي بقات كاتجبد يدها بالجهد وهو باقي كايحك حتى غوتاات: بارااكة... اهيء اهيء... صافي برااكة.. طلق منها غير كايشوف فيدها وفالجرح للي دارو حدا صبعها وطلع عينيه كايشوف فيها هي للي كانت كاتبكي وتغوت: اهيء اهيء... شنو درت...؟؟ بعد مني.. مابغيتكش مابقيتش بغبتك .. ماتضربنيش ماتقيصنيش... أنا ماكايضربني حتى شي حد صاافي ماكانعرفكش... بعد بعد... صاافي برااكة...
قرب لعندها محاول يشدها وهي كاتهرب منو: ص.. صافي سمحيلي هااني ماانضربكش والله مانقيصك... أنا مامانسوااش سمحيلي صاافي هاانا
هزات يديها كاتضربو ليديه: لا... لا من اليوم... من اليووم مانعرفك مااتعرفني... سمعتي...
شاف فيها مصدوم... شنو قاالت؟؟ كيفااش ماكاتعرفوش وماكايعرفهااش؟؟ لا هو ماكايعرفهااش غير كايفكر فيها فايق ويحلم بيها نااعس... هدرتها بحاال الخنجر تغرس فأعماق قلبو... ابتااسم بانكساار مللي شافها سكتات عينيها باقيين دامعين وهي كاتسترجع أنفاسها وتشوف فييه: عرفتي حتى الدمووع كاايجييو معااك... حتى هما كايزينوك... كاتبااني بحال القمر فليلة اكتماالو... عرفتي أنا حاافظ تفااصيلك عارف شحال كاتزوني وشحال كاتعبري فالطوول شحاال كاتلبسي فرجليك وقداش كبار عينيك وشحال منفوخين شفاايفك... شحاال طوول دعنقك... وشحاال كاتلبسي فحوايجك... والدليل هو الحوليج للي جاو قدك الصبااح... قوليلي نتي عارفة هاد الشي على رااسك أممم؟
سكتات كاتفكر عبار عنقهت وشفايفها وعينيها وحتى وزنها وطولها هذي شحال ماعبرااتهومش... اما لحوايج كاتبقا تقيس وتعاود عاد ماتلقا للي يجيو قدها... شافت فيه محركة راسها بالنفي وهو كمل: وعلاش تقولي ماكاتعرفني ماكانعرفك...
تنهدات: مانويتش هاكا... قلت بللي ماغانبقاش نعرفك من هنا لقدام يعني نتفا....
قبل مانكمل حط يدو كاملة فمها بالجهد بحاليلا صرفقها حتى حسات بسناانها تقرقبو لدااخل: هذي حيت ماكملتيهاش... وكانقسمليك لوكان كملتيها كان غايكون عقاب كبر من هاكا...
جعرات عليه حايداتلو يدو بعنف: آشمن عقاب كبر من هذا آه...؟؟ بغيت نشووفو بغيتوو... آه يااك بغيتيني نكملها... إيوا اسيدي أنا باغية لفرااق... مابغيتش نبقا نعرفك صاافي...
كايحرك راسو يمين وشمال هز يدو حطها على ودنو ماباغيش يسمع كايتصرف بحال شي هبيل ماعمرو كان هاكا... حاس براسو حمااق بسباابها... مابغاتش تسكت واخا ساد ودنيه كايسمعلها كاتدوي على لفرااق... ماعاق براسو حتى جبد السللااح من حدااه حطوولها فوق رااسها وغوت بصوت مرتاافع جاب الله الطومو ماكاتسمعش بررا: سسسس... سكتي سكتيي... برااكة...
قفزات مغمضة عينيها مللي سمعاتو كايقادو بااش يضغط... صافي قالت هذي آخرتها... طلقو مي ماتطلق والو كان خااوي... يالله عاق برااسو شنو داار؟؟ طلقو طايح وحط يديه على راسو مخرج عينيه كايشوف فيها مصدووم.. وهي باقية كاترعد مغمضة عينيها... بقا كايضرب فراسو بالجهد وكايدوي بالشوية: شنو كنت نااوي ندير؟؟ كنت باغي نقتلها... نقتلها... باغي نقتلها... ههههه... رجع كامل كايترعد... هو ماقتلش غير واحد ولا جوج... ولكن هي غيير...
مدة طويلة والصمت مسيطر على المكاان.. هي باقية مغمضة عينيها خايفة وكاترعد جامعة يديها على شكل بونية حرحاتهوم بضفارها من الدااخل... وهو كايضور فراسو بحال شي حمق.. كايشوف يمين وشمال حاط يديه على شعرو كايدخلهوم الداخل بعنف وكاايفكر فشنو كان ناوي يدير... ولوكان كان السلااح عامر اكوون دابا ميتة.. آه هو راه حط السلاح فوق راسها... يعني الرصاصة مباشرة للدماغ أكيد غاتموت فبللاصتها.. هي ماشي قوية لدرجة تتحمل... جاب الله من ديما كايخويه حيت عارف راسو متهور وكايعمرو غير مللي يكون عارف راسو محتااجو... وااخاا هااكاك ماتسرطااتش لييه مااقدرش يتحمل أنو حااول يقتلها... كره راسو وكره يديه وكره عصبيتو وكره سلااحو.... لاام راسو مللي تعصب علااش ماوجهوش لدمااغو هو...؟؟ علااش وجهو ليها هي... فهاد اللحظة واخا كانت خايفة ومرعوبة ماكانتض كثر منو هو للي دخل فحالة هستيرية كثر من اللول... سرط ريقو مطلع رااسو كايشووف فييها... حلاات عينيها بتثااقل... شاافت فجناابها بخوف.. مدات يديها غير بزز باغية تحل البااب... مابغااش تفكرات بللي مسدود من عندو.. شافت فيه وجاو عينيها فعينيه... طاحت دمعة من عينها... نطقاات بصووت متقتطع كاترجااه: ع... عفااك.. حللو حللو خلليني نمشي... حللو... حل البااب
تااج وهو كايدوي بهستيرية: إلى حلليتو ومشيتي غاتخلااي عليا يااك..؟؟ ماغاتزيديش تشوفي جيهتي يااك..؟؟ ههههه... بغيتيني نخلليك تمشي بااش ماتعااوديش ترجعي... بااش تقتليني يااك؟؟
حركات راسها بالزربة: ل... لاا لاا.... نرجع نرجع... خل البااب دااباا حل...
ضحك بطريقة. خوفاتها: كذاابة كااتكذبي نتي كذاابة قباايلة غير غوت علييك وقلتيلي بغيتي لفرااق... اما داابا رااه حااولت نقتلك...
غمضاات عينيها كاتيكي عاضة على شفاايفها وهو شد رااسها بين يدييه حاط جبهتو على جبهتها وهي كاتحاول تهرب منو: مااقصدتش مااقصدتش... ماتعمدتش علييها... مافكرتش فييها وجاامي نفكر فييها... ولوكاان متي نكون لحقت عليك... سمحيلي سمحيلي ماغانعااودش... ماتبكيش صاافي سكتي... بعد عليها شوية كايمسحلها دموعها بصبااعو: صاافي صاافي ششش... ماتبكيش.... ماا... غانعاودش غير سكتي.. دمووعك كاايحرقووني هنا... (بقا كايضرب فصدرو بالجهد) هنا اهبة هناا.... صاافي سكتي
شهقاات بالبكا كاتدوي بتوثر وخوف كلشي مجمووع: اهيء اهيء... كنتي غادي تقتلني... نت...ا ..حاولتي... كنتي غاتقتلني أتاااااج... أن..ا مانقدرش على هاد الشي... اهيء اهيء... أنا ضعييفة ضعيييفة... إلى عشت هااد الموقف... مرة ثاانية... نموت والله حتى نمووت... اهيء... غانمووت...
جبدها لعندو بقوة وبحراارة عنقها خااشييها فيه مزير علييها حتى مااقدرااتش تتحرك... كان عنااق تملكي... بزز منها ولا بخااطرها مايهموش هو المهم معنقها.. كان محتااج لحضنها... باغي يتأكد بللي باقية عاايشة ويأكدلها بللي باقية دياالو... كايبوس فراسها بوساات مفرقين همس حدا وذنها: نمووت من ورااك أهبة... كانقسمليك بالله مانعااود... ماعرفتش شنو وقعلي... هاد المرة أقسم بالله نقتل راسي ومانقتلكش نآذي رااسي ومانآذيكش.. غير ماتفكريش فالفرااق ماتفكريش تبعدي علياا... أنا مزااوك رحميني.. رااني ضعييف من جهة حبك... شاعلة فيا الناار أهبة رحميني...
تمتماات بكلمات مسموعة: ف... فهمت... ع..عفاك حل عليا البااب...
بعدها عليه كايشوف فيها بتركيز: باغية تهربي...؟؟!!
هبة: لا... لا غير نرتااح ماباغيااش نهرب
تااج: من قبايلة وأنا كاندوي ونتي يالله قدرتي تنطقي بجووج كلماات حلليا البااب... هدفك هو تهربي...
تكات راسها على الكرسي اللور مابقاش عندها الجهد: ع...فاك بااغية نرتاااح... ن ونهضرو
تااج: ر... ترتااحي... رتااحي معاايا... ه... هاأنا... نديك فين ماابغيتي... ندييك لأحسن بلااصة... نوفرلييك جمييع وساائل الرااحة ورتااحي... غير بقااي حداايااا...
هبة: لاا من بعد مانقدرش نمشي معااك داابا...
تنهد مكره... وحل البااب: قلتلك باغية تهربي... نزلي وتبقااي تجااوبي على التيلي مللي تحسي برااسك رتاحيتي غانتلااقاو وااخا؟؟
هبة: آه وااخا..
ابتااسملها بتعب وباسها فخدها نزلات ومشاات كاتجري وهو كايشوف فييها كاره رااسو باغي يقربها ليه غير مازاد بعدها
ديمارا غادي فاتجاه المجهول وكل مايفكر فشنو وقع يضرب فالفولون ببونية ويزيد فالسرعة حتى يبقا يزيكزاكي فالطريق... أما هي غير دخلاات تعرضولها لبناات كايسولو فييها... عاوداتلهوم كلشي من غيير قضية السلااح..
غزلاان: نااري ناااريي... ياختي هاد السيد عندك مجنون...
مريم: واش هذا كاع حب؟؟ سعداااتك اختي سعدااتك... ياربي جيبلنا للي يتهوس بينا ويبغينا بحاالها يااربي...
شافت فيها مبتااشمة بتعب ياما كانت بحالها وتمناات نفس الأمنية وماعرفاات بحقها حتى عااشتها..
كوثر: خلعني اختي والله... كاتبااني عياانة اهبة ماالك؟؟
مريم: وكاع هاد الشي للي وقع وكاتسوليها مالها؟؟ سيري ياختي توضاي وصللي وحمدي الله على هاد السيد...
كوثر: سيري غسلي وجهك من لبكاا وأجي ترتااحي
غزلاان: أححح بكي نتي أختي بكي نتي... ماعندكش تصويرتو انا راه غادي نتعوق إلى ماشفتوش؟؟
كوثر: بصراحة حتى أنا متشوقة نشوفو
هبة: المرة الجاية نوريهلكوم ماعنديش تصويرتو... ناضت خرجات توضات وصلات العاصر للي كانت ودنات ومشات تكات كاتفكر وكل مرة تجي فبالها لقطة السلااح كاتقفز فبلاصتها... بقات هاكاك حتى داتها عينها....
.......
أما هو الوقت كامل وهو غير كايضور بالطوموبيل... خرج على طريق وجدة... من الربعة وهو غادي بسرعة كبيرة... وذن المغرب وهو باقي ساايق بنفس السرعة ماحاس لا بعيا ولا ببعد الطريق... ظلاام الحال وهو عاد فالطريق... هارب منها ومن أفكارو ومن عصبيتو ومن تااج بنفسو...
....
فاقت راسها ضارها ماعارفاش راسها شحاال نعساات لقات لبناات متكيين حداها كل وحدة هازة مشقوفها مخشية فيه... شافت فيها مريم: على سلاامتك.. نوضي راك خمرتي ماشي نعستي...
نااضت كاتحك على راسها: وذن المغرب؟
كوثر: دابا غاياذن لعشاا نوضي نوضي...
نااضت كاتعكز.... مشات توضات صلاات لقاتهوم مخللينلها حقها من الكوطي كلاات وسمعات لعشا كايأذن رجعو صلاوه مجموعين
كوثر: لبناات يالله نخرجو شوية قنطنا...
هزات التيلي كاتشوف فيه ولاا اتصال ولا ميسااج تنهداات مكرهة حاسة بللي شي حاجة ناقصاها... قلبها قفز على فكرة انو يتخلااا علييها مااغاتقدرش علييها... آه هي خاافت منو وعاشت ساعة فالجخيم معاه... ولكن واخا هاكاك مللي كاتكون حداه كاتعيش أحلا أوقااتها... عادي ماهو فارس أحلامها... فيقاتها من أفكارها مريم: هبة واش ماغاتخرجيش؟؟
ناضت لبساات نفس الكااب دالصباح قادات زيفها وخرجو