بسمة ناعمة
البارت 64: شاافت فيها هبة بشك: ونتي ماالك شنو عندك؟؟ من الباارح مللي جيتي من عند أيمن ماعجبتينيش؟؟
تنهداات مكرهة: يخخخ ماتفكرينيش
غزلان: ياك لبااس؟؟
مريم: بقاات كاتعاودلهوم على كيفاش كاايتصرف
كوثر: ولد لحراام... يخخ عيفتيني فييه
مريم: وهاد الشي كاامل كنت صابراليه حتى للبارح قاالك أسيدي علاش كانجي عندو محجبة ولابسة مستور؟؟ وجابلي جوج بياسات فميكة وقالي يالله معايا للدار لبسيهوم نشوف كيف يجييوك... وقالي بللي خاص علااقتنا تتطور ومانبقاوش غير نبوسو... نجربو حواايج جدااد
غزلان: ويلي ويلي ولد لحراام
هبة: إيوا كملي؟؟
كوثر: اعععع تفقصت لوكان كنت فبلااصتك نكون قتلتو
مريم: ماتخافيش حتى انا بردت فيه جنوني
غزلاان: شنو درتي؟؟
كنا فواحد السناك أول مرة يدخلني لشي سنااك ومدوماندي إندومي تخاايلي...
هبة: أهيا نااري الجووع الله يخفظ
مريم: آه... ولكن نفعااتني مرمدتلو فيها وجهو كاامل والمرقة ديالها باقي سخووونة...
غزلان: اويلي؟؟ وشنو وقع؟؟
مريم: أنا كاع ماستنيت نشوف شنو غايوقع؟؟ غير خشيتلو راسو فالطبسيل وخرجت...
كوثر: أححح بردتيلي قلبي...
بقاو كايدويو... حتى تفكرات هبة: بففف مادينا معانا والو حتى من الكارط كيشي ماعنديش الكوود...
باقي ماكملااتها حتى صونالها التيلي ابتاسمات وهي كاتشوف فنمرتو جاوباتو وسمعات صوتو للي كايجيبلها التماام كان سايق حتى هو والكيت فودنو: حبي لبااس؟؟
هبة بابتساامة: لبااس ونتا؟؟
تااج: أممم... أنا فوق لباس مللي كانسمع صووتك... بغيت نقوليك بللي الكوود دالكيشي صيفطوليك فميسااج
هبة: ب... بصااح؟؟ شكرا
تاج: لوكان كنتي حدايا غانوريك شكراا.... يالله حبيبة نخلليك انا شااد الطرييق..
قطع وهي باغية تسولو فين غادي... حلات التيلي وجبدات الكود: لبنات هاهو صافطلي الكوود... شافت فيهوم لقاتهوم حاللين فامهوم بثلااتة فالتيلي.. حتى نقزو عليها كايحايدوهلها... ويغوتو والروينة.... فكروها بعدا بدلاات الطووف دالبوشيط ودارت غير دياالها.. نزلو لواحد النول خدااو بزاف دالحوايج ورجعو مثقلين كملو طريقهوم... حتى وصلو للمحطة وحبس تما الشيفور حيت تاج وصاه هبة مابغات حد يشوفها جاية فالطومو... شدو الطاكسياات وكل وحدة توجهات لداارها...
هبة وكوثر دخلو للحي ديالهوم وهما كايشوفو فالقنوت... جاهوم الحنين لأيام زماان جاو عينيها على دار سمير...
تفكرات نهار كاانت كاتفوت من طريق اخرى باش مايشوفهاش خارجة مع صحاباتها... ونهار كانت عايشة معاهوم... شحال كرهات هذيك الداار.. سبحان الله نهاار دخلااتلها عرووسة جااتها بحاال شي قبر.. وماعمرها ضحكات فيها واخا غير بالتمثيل... غمضات عينيها كاارهة ترجع دوك الذكرياات ويااريت هااد الداار تزوول من دمااغها... ولا تزول من الحي كاامل... توادعات مع كوثر وتمشات شوية ختى وصلاات لدارهوم مبتااسمة فرحاانة ولأول مرة فحيااتها تكون حااسة بالكماال... دقات البااب حلااتلها ختها... كانو عارفينها جاية وكايستناوها للغدا... عنقاتها وسلمات عليها كاايضحكو سلماات على وليديها وخووها.. توحشااتهوم وتوحشووها.... كاتعنق وتفكر فتااج مللي كان كايوصيها مااتكثرش فالتعنااق وتضحك... عطاتهوم كادوااتهوم.. سولوها على منين جاابت لفلووس حيت داك الشي غالي... غلقات عليهوم... زعما شي وحدة فالحي كااتبيعهوم رخاص وعطاتها الفاابوور... وشي كدووب آخوور... تغداو مجموعين... دخلات دوشات ولبساات بيجاامة وطلعات لبيتها ترتااح... دخلاات كاتشوف فأرجااءها... هاكا بالضبط خلااتها.. جات عينها على النااموسية... ضحكات وهي كاتذكر نعستها هنا النهاتر كاامل وهي كاترسم احدااث فدمااغها مع فاارس أحلاامها... شكون كان يقوول هااد الأحلاام غايتحققو...؟؟ جاتها غريبة حتى شكاات بللي ممكن تكون حتى داابا غير كااتحلم... واش زعما كاع دااك الكم الهاائل دالأحلاام تحقق؟؟ تكاات كاتفكر فيه وهااد المرة كحقيقة مااشي مجرد حلم...
داز النهاار اللول... كايهضر معاها بالصبااح وبالعشية وكايوصيها تبعد على الزنقة دالدار دسمير.... النهاار الثاني مشات هي ولبنات عند كوثر التيلي باقية طافياه باش مايبرزطهااش أشرف... دوزو النهار مع باباها عمرلهوم اتاي كيف العادة... نقص شوية من الكاارو ولا لابااس فصحتو... فرحو وهما معااه...
.....
أما تااج يومين وهو غالخدمة كاع الإجتماعات المهمة نظمها فدوك اليوومين بااغي يتفرغلها وماتكون حتى حاجة تشغلو عليها... ومايضطرش يساافر فحضوورها... ولوكان لقا يلصقها معااه بالكوولة...
دازو دوك اليومين وجا النهار الثاالت... وفا بوعدو وهاهو داخل للحي ديالهوم... كااع الأنظاار علييه... على الطومو آخر موديل كحلة كاتبريي... والزاج فيمي ماكايبينش... كلشي حال فمو متبعين ديك الطومو بعينيهوم... كان كايتمشى ببطئ وكايضور عينيه تحت نضاضرو كايقلب عليها ربما يشوفها من تما حبس فواحد لبلالصة حدا شي حوانت مساتفين... فين ما كان شي دري وقف مصدوم من شكل الطومو وشنو عندها هنا؟؟ وفين ماكانت شي وحدة خرجاات وقفات بررا كاتسنى تشوف شكون ينزل واخا يكون شاارف ماعليش الطومو تغطي عليه وبااينة بوكو عاقة... والصدمة الكبرى مللي حل البااب ونزل بكل رجولة بسبرديلتو الليضة وسروال دجين وكويرة بيضة طلع نضاضرو على على راسو كاايشوف فأرجاء الحي.. تنهد مامسوقش للبنات للي شهقااتهوم وصلو حتى لعندو مللي شافوه... وحدة ماقدرات تدوي... ومواتهوم كاايحاولو يوكضوهوم.. باش يحمعو راسهوم وفبلااصة مايسخفو يجيلو الربحة... تنهد مكره مللي ماقدرش يشوفها.. كايحاول مايقلقهاش ومايديرلهاش الشووهة... تحرك جيهة واحد الحانوت وهو غير كايضور فراسو... وقف عندو ومولاه كايفرنس فرحان حيت ختارو.. اما هو كاع مارد البال.. فيقو مول الحانوت: آش حب الخااطر أسيدي؟؟
شاف فيه غير كايتلف الوقت وللي بانتلو كايقولو جيبها... وهو كايقلب.. تعصب مابقاش صابر ناوي يمشي لدارهوم.. جبد زرقة حطهالو وجا ضاير لاخور نطق: ستنا الصرف
تاج: غير خلليه.. هذاك فرح وشاف فالخواايج: راك نسيتيهوم... دارلو إشارة بيديه: حتى هما غير خلليهوم... خلاه مصدوم ومشاا
YOU ARE READING
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
