🔥لهيب الهوس 🔥( مكتملة)

part62

بسمة ناعمة
البارت 62: هبة: أممم... صدفة زو....
قاطعها ضااغط على درااعها: مازوينااش أهبة بالنسبة ليييك نتي ماخاصش تكون زوينة
هبة: وااخا صاافي رخف راك قصحتيني...
طلق منها كايشوف فييها: تبقاي توزني كلاامك...
هبة بغضب باين فعينيها: زدتي فييه بززاف... راني بناادم مااشي آلة غااتحكم حتى فهدرتي... ماقلت حتى حاجة تستااهل تعضب عليا على قبلها وتخلليلي جرح فدرااعي...
قلب كرسيه لعندها رجع مقاابل معاها كايشوف فيها بجدية ماتحتااجش للنقااش: آه هدرتك غاانتحااسب معااك علييها... أفعاالك تصرفااتك وحتى تفكييرك غاانحااشبك علييه سمعتي؟؟ غاانحااسبك على كلشي.... وبزز منك
بقاات غير ساكتة كاتشووف حنات راسها وضارت كاتشوف فيهوم كل واحد غاارق فهمو وكااتفكر فيه وفتصرفااتو... هاد الشي بالضبط للي كانت باغية وكانت كاتحلم بيه بالنهاار وبالليل... ولكن الحلم حاجة والوااقع حاجة أخرى... جاها صعييب بززاف... مي واش تقدر تتخلى عليه شي نهاار؟؟ أكييد لاا... تنهداات غارقة فأفكاارها... وهو عينو علييها... ماعجبوش الحاال مللي سكتاات وقلباات وجهها... وماعجبووش الحاال مللي غرقاات فتفكيرهاا... واش غاار علييها من افكاارها حتى هما؟؟ ولا يمكن خااف يمشيو بييها بعييد ويولدو عندها فكرة لفرااق... عض على شفاايفو متخوف من هااد الشي.... وبلاا ماايتردد نااض من بلااصتو شاادها من يدها: هبة نووضي معاايا
شاافت فيه باستغراب: غير نوضي معاايا عفااك..
دفعات الكرسي وناضت يدها فيدو شدها وبعدو عليها وهما غير كاايشووفو... حتى ناض أشرف ماد يدو لكوثر: كوثر نوضي معايا حتى نتي..
ابتاسماتلو وعطاتو يدها نااضو...
بقات غزلاان كاتشووف فيهوم: اهيء اهيء اهيء شافا فيها مريم ونااضت: غزلاان نوضي معاايا
شافت فيها: بعدي مني
مريم: واازمر غير تخايليني رااجل ونوضي ديبااني بياا حتى يحن علييك الله
غزلان: اهيء اهيء... لا نتي قصيرة وقليولة أشمن رااجل.. نتي غير بنت وضالمينك فيها مامكملااش حتى نصها
خنزرات فيها: ياك... أنا بغيت نبرد علييك صدقتي كاتعايريني... وااخا... مشات وخلااتها جالسة تماا كاتفقص بووحدها برداات غدايدها فديك المااكلة كاتاكل وتنكر وتخنخن كلشي مخلط... كلشي لحسااتو هبطات راسها كاتشوف فكرشها بااينة تحت القاميجة وزاادت فوثيرة البكااا: أععععهههيء ...غغغ كرشي مشاات.. اعيء اهيء... عععغغ كرشي هرباات... اعععع... غاتبقاا توقف النااس فالطريق رجعي أبنت لحرام
كان حاكمها من يدها كايتمشى وهي تابعاه... ماسولاتوش لا فين غاديين ولا علااش نوضها... وقف وضار كايشوف فيها... وقفات حتى هي شافت فيه لقااتو مركز فيها عينيه... شتتات نظرها حتى نطق: نجلسو هنا؟؟
شافت فين هما كانو بعدو على فين جالسين لاخرين... لخضورية مغطية لبلااصة نطقات بصوت مهموس: للي بغيتي...
تااج: واخا جلسي...
جلسات فالأرض كاتشووف قدامها مربعة رجليها ... هاد الجلسة بالضبط كاتغريه هو... بقا واقف مدة كايشووف فييها... جلس حداها ومقاابل معاها كايتأمل تفااصيل وجهها: ماالكي غير سااكتة...؟؟
طلعات عينيها كاتشوف فيه: والوو غير ماكاين مايتقاال
حرك راسو بالإيجااب: واخا... شاف فيدها: مالكي ماعطيتيش لصااحبتك الكاادو؟؟
هبة: بغيت حتى تكون بووحدها
تااج: أممممم... بقا سااكت كايشووف فيها حااول يجبد معاها الهدرة وهي كاتجااوب على قد السؤاال عصبااتو... غمض عينيه ونطق: هبة هدري دردشي كيف ما كنتي الباارح علااش غير سااكتة؟؟
جاوباتو ببرود وهي كاتلعب بصبااعها فالورداات للي حداها: البارح ماكنتش فوعيي ونتا عاارف... داك الشي علااش كنت غير كانخربق
صغر عينيه مستغرب: كنتي كاتخربقي؟؟ ههههه... داك الشي للي درتيه الباارح تخربييق فنظرك نتي؟؟
نطقات وهي كاتشوف فالأرض: آه تخربيق وقلة عقل... حيت كنت شاربة
حرك راسو بالنفي كايضحك بعصبية... لعبااتلو على أعصابو ديال بصح.. ماكاتشوفش فيه وكاتدوي ببرود خلاتو غاياكل داك الربيع بالفقصة وزايداها بهدرتها... نطق بصووت قاسي ومعصب: هزي رااسك وشوفي فياا...
طلعاات راسها كاتشووف فييه.. سرط ريقو داير كثر من جهدو بااش يبرد أعصاابو: مللي عتارفتي بحبك ومللي تقربتي مني ومللي بستيني ومللي قلتيلي كنت أنا هو فارس أحلاامك.. ومللي بينتي غيرتك عليا من ختي ومللي بكيتي فحضني هااد الشي كاتسميه نتي تخربييق؟؟ بقات سااكتة كاتشوف فيه حتى غوت: سولتتتتتك جاااوبييني...
يالله حنات راسها للأرض طلعولها بيدو بعنف: شووفي فياا وجااوبي نطقيي..
سرطاات رييقها وتنهدات: للأسف لا مااشي تخربيق
طلق منها كايشوف فيها وهي حنات رااسها: وشنو هو...؟؟
تمتماات بحروف مسموعة: حقييقة...
ابتااسم تلقاائيا حتى بانو غمازاتو: وعلااش كاتعصبيني؟؟!!
ماجاوباتوش حانية راسها وكاتلعب بدوك الورداات... قرب يدو وحاايد وحدة فلحمر ظارهالها مور وذنها فوق الزيف جاتها كيووت يالله طلعاات راسها كاتشوف فيه صورها
جات صورة عفوية زوينة بززاف... كانت كاتشوف فيه ببراءة... ابتااسم وهو كايحقق فيها قرب التيلي لشفاايفو بااسها وهي بااقية كاتشوف فيه... طلع عينيه: ماتشوفيش فيا هااكا نقدر ندير فيك شي حااجة للي ماتعجبكش؟؟
ابتااسمات بجنب: هههه... مللي مادرتيهاش الباارح مستحيل ديرها
استغرب من هدرتها: هبة الباارح ماكنتيش فوعيك... مانديرهاش واخا نعرف نمووت... ولكن إلى كنتي صاحية بحال دابا نقدر نديرها... غير ماباغيش نبزز علييك... اما انا راه مللي كانكون معاك كانحس بالناار شااعلة فياا
حنات راسها للأرض وهو كايشوف فيها.. نطق: مبة ماالك...؟؟ شفتك ماعاجباانيش...
تنهداات وطلعات راسها: مااعرفتش... حاسة براسي تاالفة... بصراحة توحشت ماما... بغيت نمشي لدارنا محتاجة نشوف وليديا وخوتي...
فرمشة عين رجعو عينيه نقطة حمرة...
.........
تكات كوثر على واحد الشجرة والإبتسامة مامفارقاهاش وهو وقف مقاابل معاها... نطقاات: فين سااكن نتاا؟؟
جاوبها بابتساامة: حنا كاملين ساكنين فاوروبا... أنا وتاج وخوه وخويا كانجيو لهناا حيت عندنا أعماال
كوثر: أمممم... واش يالله سكنتو فالخاريج؟؟
أشرف: هههههه... لا حنا تزادينا تما... حتى كبرنا عاد جينا للمغرب
كوثر: اووو كيفااش حتى تعلمتو للعربية؟؟
أشرف: حيت وليدينا كانو من الصغر كايجيبوولنا اساتدة خاصين فييها... حنا عائلة كبيرة كلشي عايش ففرنسا... عمامي أو ولادهوم.. أعماالنا وثروتنا بداات من تما...
كوثر: امممم... وشنو جابكووم لوجدة؟؟
أشرف جاوبها وهو كاايشوف فيها سااهي: تااج يمكن جا على قبل حبيبتو وأنا يمكن حيت ربي بغااني نشووفك... ابتااسمات بخجل وهو مد يدو كاايهزلها خصلاات من على عينيها: شفت بناات بززاف ودزت على بززاف أشكال وأنوااع ولكن بحاالك.... مالقييتش... عجبتيني وهذي أول مرة كانقولها لشي وحدة من قلبي... دخلتي لخااطري
عضاات على شفاايفها كاترعد بالفرحة: اححح طللي أغزلاان طللي... عشت حتى ولاو يقولولي دخلتيلنا للخااطر وعجبتينا... عشت حتى رجعو كايلعبولي حتى أنا فشعري للي كنت حارقاه غير بالسيشوار والشمس... حتى هو بيااضولو اللياام ورجع كاايتلمس أححححح...
طلعات عينيها كاترمش فيه وهو مبتااسم كايلعبلها فشعرهامسح على وجهو بيديه قلبو مامتقبلش هااد الهدرة نهائيا ولكن عقلو عارف وعالم بللي هادوك وليديها ومن حقها تمشي تشووفهوم... يالله جا ينطق حتى صوناليه التيلي شاف فالنمرة ونااض دايرلها إشارة بيديه بللي رااجع... أما هي بقاات كاتشوف فيه مستغربة... ماجاوبهاش وملاامح وجهو تبدلو ماعارفااش السبب... حركات كتافها باللامبالاة المهم علمااتو.. ناضت من بلااصتها كااتمشى تما مغنضة عينيها مستمتعة بالجو.. حتى حسات بيه حااوطها من اللور حاط فمو حدا وذنها كايدوي بهمس بوورشها: مرتااحة؟؟
حركات راسها بالإيجااب: آه الطبيعة زوينة هناا
ضحك وهو باقي كايهمس: علااه كااينة شي طبيعة حسن من هادي للي شاد بين يديا؟؟
عضات على شفاايفها حشمانة وهو شدها من يدها: يالله نتمشاو شوية... يالله زادو بخطوات حتى عاود صوناليه التيلي... دغيا ضورات وجهها كاتشوف فيه جبدو من جيبو... كايشوف فالمتصل جاوبو بعصبية: قتلووه.. هاد المرة مللي تتاصلو نلقااكوم قتلتووه...
شهقاات مخرجة عينيها كاتحااول تفك يدعا من يدو وهو يالله ردلها الباال سرط ريقو راد التيلي لجيبو تعصب لدرجة ماردش الباال ودوا حدااها... عض على شفايفو أكيد إلى عرفاتو كايدوي على بناادم غاادي تووقع مشكلة... شاف فيها بابتساامة: هبة ماالك؟؟
جاوبات والدم هاارب من وجهها: ش.. شكون غاايقتلو؟؟...
جاوبها بغباء مصطنع: ماتقوليش لبا خفتي.. ههه.. كانظوي على فاار
شافت فيه مامتيقااش: فاار... أشمن فاار؟؟ ماتضحكش علياا... شكون غايقتلو وشكوون هادو؟؟
تااج: هبة يهديك الله وااش كانباانليك قتاال؟؟ صحاابي هاادو قالولي بللي مبرزطهوم فاار وقلتلهوم قتلوه... من قباايلة وهما مصدعيني فالتيلي
ضورات عينيها بشك كاتفكر ورجعاات شافت فيه: وووو وعلااش يعيطو ليك نتاا؟؟
سكت لمهلة كايفكر فشي جوااب مقنع: حيييت هما ساكنين فداري داك الشي علاش كايسولوني ويلا ماابغيتهومش يقتلولي الفاار دياالي..
بقات غير كااتشوف فيه وبااينة باقية شااكة... جرها معااه: خوي رااسك من دوك الأفلاام... وزيدي قداامي...
رجع كايشوف حدااه مخنزر وعينيه حمرين... كاؤه راسو علااش دوا فالموضوع حدااها.. ماباغيهااش تحس بالخوف ولا بالشك ولا بأي حااجة تقدر تبعدها علييه... زاد زير على يدها راافض اافكرة تمااما وهي كاتشوف فالأرض وتفكر... زعما كلامو صحيح وكاايدوي على فاار؟؟
........كانت كاتمشى حتى هي فالجردة وتشوف فكرشها وتنكر عليها... حتى بانتلها الأرجوحة من بعيد ابتااسمات كاتمسح خنونتها بكماامها وقرباات لعندها عينيها كايخرجو منهوم لقلووبة... جلساات فيها كاتحااول تحركها بمؤخرتها وهي تاابتة ماكاتحركش.. حاولات مرة جوج ثلااتة أو والوو... طلقاات حلووقها كاتبكي بنيتها: اهيء اهيء.. وااعع... أويلي ماغانقدرش حتى نتزحزح... يااربي بغيت غير نتزحزح... مابغيت رااجل... اهيء اهيء اهيء... تفوو كرهت كرهت.. اهيء... اويلي ثقيلة حتى على هااد زيزوحة قدااش... واعع...
شافتها هبة من بعيد ونثرات يدها من يد تااج خلااتو واقف كايشوف يالله جاا يدوي لقاها طاارت... سااط مكره غير تشوفهوم تنسااه... وجبد التيلي مبعد شوية عليهوم يالله يااخد رااحتو فالهدرة... أما هي قرباات لحدااها وتحناات مخلوعة: غزلاان ماالك يااك لبااس؟؟
شافت فيها وخنوونتها ساايلة: اهيء اهيء... أنا غليظة.. وبززاف
صغرات عينيها كاتشوف فيها باستغراب: غليظة؟؟ نتي دبدوبة مااشي غليظة... والله حتى هاد لاطااي جاي معااك خااصك غير تنقصي شوية من الكرش وصاافي
غزلاان: ماتكدبيش اهيء اهيء.. شوفي حتى الأرجوحة مابغااتش تتحرك...
شاافت فيها هبة كانت بصح تابتة ماكاتحركش... تعجباات زعما غزلاان ثقيلة لديك الدرجة.. تنهداات ورجعاات شاافت فيها: ماعندك ماديري بيها... هانتي شوفي جبتليك وااحد الحااجة... خشات يدها فجيب التريكو جبداات البوااطة وغزلان بكاها تحول لضحك
هبة بابتساامة: هانتي هذا الكادو دعيد ميلاادك...
حطات يدها على فمها وهي كاتشوف فالسنسلة: واااو زويينة... زويينة بززاف...
ناضت هبة من بلااصتها: يالله حايدي شعرك نركبهاالك... دارت دغيا دااك الشي للي قالتلها وهي دارتهالها فعنقها اما تااج واقف كاايشوف صااعر مااكرهش يمشي يخنق غزلاان بديك السنسلة يوريها شنااهي حبيبتو تقادهالها... باستها فحنكها: هانا مشييت... تحركات من حداها مخلياها كاتشوف فالسنسلة فرحاانة قرباات حداه وهو حاط يد فجيبو كايشوف فيها: أممم.. سعداات غزلاان
هبة: علااش؟؟
تنهد وهو باقي كايشووف فييها: والو غيير دااوي..
أشارلها بصبعو لوااحد الزااوية فالأرجوحة: شفتي دااك الزر؟؟ شافت فين كاينعتلها ورجعاات شاافت فيه: ماالو؟؟
حك بصبعو على ذقنو: سيري ضغطي عليه راه هو للي موقف الأرجوحة ماكاتحركش.. غزلان ديالك ماثقيلااش لديك الدرجة...
ابتااسمات كاتشووف فيه بإعجاب