နောက်တစ်နေ့တွင် မိုရွှီတုန်းသည် အစောကြီးထ၍ မိုလန်နှင့် မိုရီတို့နှင့်အတူ သခင်မကြီးချင်း ၏အခန်းသို့ သွားခဲ့သည်။
ဆောင်းရာသီဖြစ်သောကြောင့် လည်ပိတ်များဝတ်ဆင်ထားရ၍ လည်ပင်းရှိ သူမ၏ ဒဏ်ရာများကို ဖုံးကွယ်ထားနိုင်ခဲ့သည်။ ဒါ့အပြင် လက်မောင်းမှ ပတ်တီးနဲ့ ပတ်ထားခဲ့သည့် ဒဏ်ရာကလည်း မနေ့တနေ့ကမှ ဖြုတ်လိုက်၍ သူမတွင် ပြဿနာ ကြီးကြီးမားမား သိပ်မရှိတော့ပေ ။ သို့ဖြစ်၍ သူမသည် ဤဒဏ်ရာများကြောင့် အဒေါ်များအား မလေးစားခဲ့လျှင် သူမကို ဟန်ဆောင်သည်ဟု ထင်သွားနိုင်သည် ။
သူမသည် နံနက်ခင်းတွင် ဆရာတော်ဘုရားကြီး၏ တရားတော်ကို နာယူရန် သခင်မကြီးချင်း နှင့်အတူ ကျောင်းတော်သို့ လိုက်ပါခဲ့သည်။ ထို့နောက် သခင်မကြီးချင်း ၏ နေရာတွင် နေ့လည်စာ အတူတူစားကြသည်။ နောက်ဆုံးတွင် သခင်မကြီးချင်း သည် အနားယူရန် လိုအပ်နေသော လူငယ်များကို နောက်ပြောင်ရင်း နှင်ထုတ်ခဲ့သည်။
ထို့ကြောင့် ချင်းယွီရှောင်သည် ချင်းလျံဘုရားကျောင်းတွင် သူမအား လိုက်လံပြသပြီးနောက် သိပ်မကြာခင်တွင် သခင်မယု၏ ဖိတ်ခေါ်မှုကြောင့် သူ ထွက်ခွာသွားခဲ့တယ် ။
မို့ရွှီတုန်းသည် သစ်ပင်တစ်ပင်အောက်မှာ ရပ်ရင်း ခေါင်းကို မြှောက်လိုက်တယ်။ တောင်ပေါ်ရှိ အပူချိန်သည် အောက်ဘက်ရှ် အပူချိန်ထက် ပိုနည်းသည်။ ဆောင်းဦးနှောင်းပိုင်းသို့ မရောက်သေးသော်လည်း အရွက်များ ကြွေကျနေခဲ့သည် ။ သူမသူတို့ကို လှမ်းကြည့်လိုက်တော့ သူတို့ဟာ နူးညံ့ပြီး ပျော့ပျောင်းနေသလို ခံစားရတယ်။ ထို့အပြင် သူမသည် ၎င်းတို့ကို နင်းလိုက်သည့် အသံကို နားထောင်လိုက်သောအခါတွင် အနည်းငယ် ငြိမ်သက်အေးချမ်းမှုကို ခံစားခဲ့ရတယ် ။
သူမသည် ထပ်မံ၍ မြွေပွေးနှင့်တူသော သန်မာသော အကိုင်းအခက်များကို ကြည့်လိုက်တော့ အရွက်မရှိသည့်တိုင်အောင် ကောင်းကင်ယံသို့ ထိုးတက်နေသည်ကို သူမ တွေ့လိုက်ရသည်။ သစ်ပင်တစ်ပင်တောင်မှ ဒီလိုမျိုး မြဲနေနိုင်ရင် လူတွေလည်း ပိုမြဲနိုင်သေးတယ်။
YOU ARE READING
စွဲမက်ဖွယ်ကောင်းသော မိန်းမပျိုလေးအဖြစ် ပြန်လည်မွေးဖွားခြင်း
Action( Unicode Ver) သူမသည် ယခင်ဘဝက ရုပ်ပျက်ဆင်းပျက်ဖြစ်ပြီး သူမ၏ မိခင်သည် မတရားသဖြင့်သေဆုံးသွားခဲ့သည် ။ အဆိပ်ဝိုင်တစ်ခွက်က သူမကိုသတ်ဖို့မလုံလောက်တော့ တောက်လောက်တဲ့ မီးထဲ ထိုးချသေဆုံးခဲ့ရသည် ။ သူမတွင် နောက်ဘဝတစ်ခုသာ ရရှိခဲ့လျှင် သူမသည် သူမ၏ သမိုင်းကိုပြေ...