သူမ၏ လက်ချောင်းများ လှုပ်ယမ်းသွားကာ သူ့လက်မောင်းများတွင် နွေးထွေးမှုနှင့် ခွန်အားကို ခံစားနိုင်သည်။ ဖန်ယုလန်သည် သူမလက်ကို ဆုပ်ကိုင်ထားပြီး လက်မလွှတ်ဘဲ တင်းတင်းကြပ်ကြပ် ဆုပ်ကိုင်ထားကြောင်းကို မို့ရွှီတုန်းက သိလိုက်သည်။
သူမ၏ ခန္ဓာကိုယ်တစ်ဝက်သည် သူ့ရင်ခွင်ထဲတွင် ရှိနေသဖြင့် သူမပတ်ဝန်းကျင်က နွေးထွေးမှုကို သူမ ခံစားနိုင်တာ အံ့သြစရာမရှိပါဘူး။
သူမမျက်နှာက ပူလာပြီး သူ့မျက်နှာကို မကြည့်ဝံ့ဘဲ တစ်ဖက်လှည့်လိုက်သည်။ သူမ နှုတ်ခမ်းကို ကိုက်လိုက်သည်နှင့် လက်ချောင်းများ လှုပ်ခါကာ ဖန်ယုလန်အား လွှတ်လိုက်ချင်သော်လည်း မဝံ့မရဲ ဖြစ်နေသည်။ သူမသည် သူအဖော်ကိုစိတ်ဆိုးစေမိပြီး သူက လက်လွတ်လိုက်ရင်ကော။ ဒါဆို သူမ တကယ် လဲကျသွားလိမ့်မယ်!
"ဘာဖြစ်တာလဲ?" ဖန်ယုလန်ကြည့်လိုက်တော့ သူ့လက်ထဲက ရှည်လျားသွယ်လျတဲ့ လက်ချောင်းလေးတွေ လှုပ်နေတာကို သတိပြုမိလိုက်သည် ။
"ဘာမှမဟုတ်ပါဘူး။" မို့ရွှီတုန်းက နှုတ်ခမ်းကို ကိုက်ရင်း ပြန်ပြောသည် ။
ဘာမှ အရေးမကြီးဘူးလို့ သူမ မပြောဝံ့ဘူး။ ဖန်ယုလန်က ဘယ်လိုလူလဲ။ သူသည် ဧကရာဇ်ဇုန်ဝမ်၏ အချစ်ခံရဆုံးနှင့် အကျော်ကြားဆုံး မင်းသားဖြစ်သည်။ သူသည် တခါတရံတွင် ဧကရာဇ်ဇုန်ဝမ်ကိုတောင် လေးစားမှုပင် မပြခဲ့ပေ။
သူပြောသလိုပါပဲ၊ အရေးမပါတဲ့ မိန်းကလေးကို သူကဘာလို့ ဂရုစိုက်နိုင်မှာလဲ။ ဒါပေမယ့် မသင့်တော်တဲ့ပုံစံနဲ့ သူမကို တစ်ဝက်လောက် ပွေ့ဖက်ထားပုံလေးကို တွေးကြည့်မိတော့ သူမ ရှက်လွန်းလို့ မော့ကြည့်လို့မရဲတော့ဘူး ။
ဒီလူက စည်းကမ်းမလိုက်နာဘူး။ ယောက်ျားနဲ့ မိန်းမ ခွဲခြားသိသင့်တယ် မဟုတ်ဘူးလား။ သူမ ဒီနေ့တစ်နေ့တော့ စည်းမျဥ်းတွေကို မလိုက်နာချင်ပေမယ့် ဒီလို အပြုအမူမျိုးကိုတော့ မလုပ်သင့်ပါဘူး။
ဟုတ်ပါတယ်။ မို့ရွှီတုန်းက ဖန်ယုလန်ကို ဒီလို မပြောဝံ့ပါဘူး။
YOU ARE READING
စွဲမက်ဖွယ်ကောင်းသော မိန်းမပျိုလေးအဖြစ် ပြန်လည်မွေးဖွားခြင်း
Action( Unicode Ver) သူမသည် ယခင်ဘဝက ရုပ်ပျက်ဆင်းပျက်ဖြစ်ပြီး သူမ၏ မိခင်သည် မတရားသဖြင့်သေဆုံးသွားခဲ့သည် ။ အဆိပ်ဝိုင်တစ်ခွက်က သူမကိုသတ်ဖို့မလုံလောက်တော့ တောက်လောက်တဲ့ မီးထဲ ထိုးချသေဆုံးခဲ့ရသည် ။ သူမတွင် နောက်ဘဝတစ်ခုသာ ရရှိခဲ့လျှင် သူမသည် သူမ၏ သမိုင်းကိုပြေ...
