unicode
ကွန်ဒိုထဲ ဝင်လာပြီး အမြဲပြုံးပြနေကျ လုံခြုံရေးကိုတော့ ရှောင်းကျန့် ပြုံးပြဖြစ်သည်။ မနက်စောစော အပြင်မှ ပြန်လာသော သူ့ကို လုံခြုံရေးကတော့ အံ့သြပုံမရ။ လူပျိုလေးက တစ်ညတစ်လေ night out ထွက်မှာပဲ ဟု တွေးထားပုံရသည်။
" ဒီနေ့ ညဂျုတီမလား လျှိုဦးလေး "
" အင်း ညဂျုတီပဲ လဲမယ့်သူ မလာသေးလို့ ခဏစောင့်ပေးနေတာ "
" တာဝန်ကျေလိုက်ပါဦး "
" ကျန့်ကျန့် အသစ်တွေ့လာတာလား အနံ့လေးက မွှေးသားပဲ "
ဦးလေးလျှိုမျက်နှာက သူ့ကိုကြည့်ရင်း ပြုံးစစဖြစ်နေလေသည်။ ဦးလေးလျှိုပြောမှ သူ့အင်္ကျီမှ ထွက်သော ရနံ့ကတော်တော် စူးရှနေမှန်း သိလိုက်သည်။ သခင်လေးရဲ့ ကိုယ်ပိုင်ရနံ့က လူတိုင်းကို ဆွဲဆောင်နိူင်ပုံပဲ။
" မဟုတ်ပါဘူး "
သူရယ်ပြရင်း ငြင်း၍သာ ဓာတ်လှေကားထဲ ဝင်လာခဲ့တော့သည်။ ကြာကြာနေလျှင်လည်း ဦးလေးလျှိုက စပ်စုနေဦးမည်။ သူရွေးနေကျ ၇ ဂဏန်းလေးကိုသာ တီ ခနဲ နှိပ်လိုက်သည်။
သူ့အခန်းတံခါးကို passcode ဖွင့်ပြီး ဝင်လိုက်ချိန်မှာတော့ အမေ့ရဲ့ နှုတ်ဆက်စကားကြောင့် သူ့ရင်ထဲ ထိတ်ခနဲ။ ဆိုင်ဖွင့်ရန် မနက်အစောကြီး သွားတတ်သော အဖေကတော့ အိမ်မှာမရှိတော့ပါ။
" ဟေ့ ကျန့်လေး နင့်နှုတ်ခမ်းတွေ ဘာဖြစ်လာတာလဲ "
ဟုတ်သားပဲ။ ပြန်ခါနီး သခင်လေးလက်ဆောင် ပေးလိုက်တာတွေ။
အဲဒါကြောင့် ဦးလေးလျှိုက ပြုံးစစနဲ့ ကြည့်နေခဲ့တာလား။ ရှက်လိုက်တာ။
" ခွေးကိုက်လွှတ်လိုက်တာ "
" ဟယ် တကယ်လား နင့်နှုတ်ခမ်းတက်ကိုက် ရအောင် နင်က ခွေးရှေ့ လေးဘက် သွားထောက်နေတာလား ဆေးသွားထိုးရတော့မယ် "
ရိုးသားသည့် အမေကတော့ သူ့စကားကို အတည်ယူနေပြန်ပြီ။ ခက်တာပဲ။
" ခွေးက မတ်တပ်ရပ်ကိုက်တာ "
" ဟောတော့ နင့်အရပ်ကြီး ခွေးမီတယ်ပေါ့ နင့်ဖင်တောင် ခွေးမမီဘဲနဲ့ "
CITEȘTI
Something in the dark ( completed )
Fanfiction(Unicode+Zawgyi) " A great love is a combination of understanding and trust each other." Wang Yibo × Xiao Zhan story cover crd to Kitra#
