unicode
ရိပေါ်ကို ဖုန်းခေါ်ချင်ပေမယ့် Copenhagen မှာက အိပ်ချိန်ဖြစ်သောကြောင့် သူ လက်လျော့လိုက်တော့သည်။ ရိပေါ်အိပ်ပျော်နေလျှင် သူ့ဖုန်းခေါ်ဆိုမှုကြောင့် အိပ်ရေးမပျက်စေချင်မိ။
ဒါပေမယ့် ဘယ်သူသိနိူင်မလဲ။ Marriott hotel မှာ ကောင်လေးတစ်ယောက်က ဖုန်းကိုကိုင်ပြီး အိပ်ပျော်နေတယ်ဆိုတာ။ ဖုန်းဆက်ထားတဲ့ လူတစ်ယောက်က ဖုန်းပြန်ခေါ်ရင် ချက်ချင်းနိုးလာအောင်လို့တဲ့။
ရှောင်းကျန့် အလုပ်သွားရဦးမည်ဖြစ်သဖြင့် မျက်ရည်များကို ပြန်ထိန်းလိုက်ရသည်။ ဖုန်းကိုပြန်ချပြီး ရေချိုးခန်းထဲဝင်ကာ ကိုယ်လက်သန့်စင်လိုက်သည်။ ညက အကြောင်းအရာများကို စဉ်းစားပေမယ့် ဘာမှထူးမလာခဲ့။
အခုချိန်မှာ သူဘာဆက်လုပ်ရမလဲ တကယ်မသိတော့ခြင်းပင်။ ဒါပေမယ့် ရင်ခွင်နွေးနွေးလေး တစ်ခုကိုတော့ လွမ်းမိသည်။ သူ့ကို အမြဲတမ်းနောက်ကနေ သိုင်းဖက်လာတတ်သည့် ရင်ခွင်လေး။
အခုချိန်မှာ အဲဒီရင်ခွင်လေးထဲမှာသာ သူ ခိုဝင်လိုက်ရလျှင် သူခံစားနေရသည့် ဝေဒနာတွေက အတော်သင့် လျော့ပါးသွားမလားပဲ။ ဒါပေမယ့် ခက်သည်က သူတောင့်တမိတဲ့ ရင်ခွင်လေးပိုင်ရှင်က Copenhagen မှာတဲ့။
နည်းနည်းဖောင်းအစ်ချင်နေသော မျက်လုံးများကြောင့် မျက်ရည်ထပ်မကျအောင် ပြန်ထိန်းရသည်။ မွန်းကျပ်ကျပ်ဝေဒနာနှင့် ဘယ်သူ့ကိုမှ ဖွင့်မပြောပြနိူင်သည်က အဆိုးဝါးဆုံးခံစားချက်ပဲ။
အလုပ်သွားရန် အားလုံးပြင်ဆင်ပြီး ထွက်လာတော့ မားနဲ့ပါးကနိုးနှင့် နေပြီ။ သူဘာမှမပြောဘဲ အပြင်ပဲဆက်ထွက်တော့ မားက မနက်စာအတူစားရန် လှမ်းခေါ်လာသည်။
" ကျန့်ကျန့် ညက ဘယ်အချိန်ပြန်ရောက်တာလဲ မား မနက်စာပြင်ထားတယ် စားသွားလိုက်နော် "
မားကိုလည်း ထပ်စ်ိတ်အနှောင့်အယှက် မဖြစ်စေချင်သဖြင့် သူ မနက်စာဝိုင်းမှာ ထိုင်လိုက်ရသည်။ ပါးကတော့ စကားမဆိုပေမယ့် ပန်ကိတ်ပန်းကန်ကို သူ့ဘက် တွန်းပေးရှာသည်။ ဒါပေမယ့် သူ ယူမစားဖြစ်ပါ။ လက်ဖက်ရည်ကိုသာ ယူသောက်လိုက်သည်။ အခုချိန်မှာ သူ ဘာမှလည်းစားဝင်နိူင်မည် မထင်တော့။
![](https://img.wattpad.com/cover/212898523-288-k739091.jpg)
YOU ARE READING
Something in the dark ( completed )
Fanfiction(Unicode+Zawgyi) " A great love is a combination of understanding and trust each other." Wang Yibo × Xiao Zhan story cover crd to Kitra#