unicode
မနက်နိုးကျလာသောအခါ သူ့ခါးပေါ်တွင် ရိပေါ်ရဲ့လက်များက နောက်မှနေ၍ဖက်လျက်သား။
ရိပေါ် အိပ်နေတုန်းပဲ။
သူစောစောထပြီး မနက်စာပြင်ထားသင့်လား။
အတွေးနဲ့ပင် သူထရန် လုပ်လိုက်သည်။
" ထတော့မှာလား ကော "
မေးသံကြည်ကြည်လေးကြောင့် သူနောက်လှည့်ကြည့်မှ ရိပေါ်က နိုးနှင့်နေလေပြီ။
" အိပ်နေတာ မဟုတ်ဘူးလား "
" နိုးနေတာကြာပြီ ကောအိပ်နေသေးလို့ အတူထချင်လို့ စောင့်နေတာ "
ရိပေါ်ကပြောရင်း သူနဲ့အတူ ထထိုင်လာသည်။
" မနေ့ညကဖြစ်တာ အဆင်ပြေရဲ့လား "
" အဆင်ပြေပါတယ် "
" တောင်းပန်ပါတယ် "
တိုးဖျော့သော တောင်းပန်သံလေးက ဘာအတွက်ရည်ရွယ်မှန်း မသိပေမယ့် သူပထမဆုံးကြားဖူးတဲ့ ရိပေါ်ရဲ့တောင်းပန်စကားပါပဲ။
ရိပေါ်ဟာ ကျေးဇူးတင်ပါတယ် ချစ်တယ် တောင်းပန်ပါတယ် ဆိုတဲ့စကားသုံးခွန်းကို မပြောတတ်ဘူးဟု ထင်ထားမိခဲ့ပေမယ့် အခုပြောတတ်လာတော့လည်း ဆက်တိုက်ပါပဲလား။
" တောင်းပန်တာက ဘာအတွက်လဲ "
" ကောရဲ့ပထမဆုံးအကြိမ်ကို မတရားသိမ်းပိုက်ခဲ့မိတယ်လို့ ခံစားလာရလို့ . . . "
" တောင်းပန်တာ မစောလွန်းဘူးလား "
သူ့ရဲ့စနောက်သံကို ရိပေါ်ကပြုံးသည်။ ပြီးမှ ခပ်စွာစွာသံလေးနဲ့ ဆက်ပြောတာကြောင့် သူစနောက်မိသည်ကိုပင် ရှောင်းကျန့်နောင်တ ပြန်ရချင်သွားသည်။
" ခင်ဗျားက ကျွန်တော့်ကိုကူညီပေးခဲ့တဲ့ ကောဖြစ်လို့ တောင်းပန်တာ ကောကူညီပေးခဲ့ဖူးတာကို မသိဘဲ ကျွန်တော်ကတော့ အမှားလုပ်ခဲ့မိတယ်လို့ ခံစားရတယ် ခင်ဗျားက ဒီအတိုင်းရှောင်းကျန့်ပဲ ဆိုရင်တော့ ဘယ်တော့မှမတောင်းပန်ဘူး ပထမဆုံးအနမ်းအတွက် ပထမဆုံးအကြိမ်ပဲ "
![](https://img.wattpad.com/cover/212898523-288-k739091.jpg)
YOU ARE READING
Something in the dark ( completed )
Fanfiction(Unicode+Zawgyi) " A great love is a combination of understanding and trust each other." Wang Yibo × Xiao Zhan story cover crd to Kitra#