unicode
သူ့ကိုပြုံးပြီး ရပ်ကြည့်နေသည့် နတ်ဆိုးလေးက တကယ်မင်းသားလေး တစ်ပါးနှယ်။ ပထမဆုံး သူနဲ့အတူနေရမည့်သူလားဟု ရှောင်းကျန့် တွေးမိပြီး ရင်တုန်သွားရပေမယ့် ရိပေါ်လက်ထဲ luggage က ရှိမနေပြန်။
ဒီအတိုင်းလာတာပဲ ထင်ပါရဲ့။
ကံကြမ္မာ shipper ကြီးက သူတို့နှစ်ယောက်ကို မကြာခဏ အတူတွေ့စေခဲ့ပေမယ့် အတူအိပ်ရအောင် ကြံစည်သည်အထိတော့ မိုက်လုံးမကြီး နိူင်ပါဘူးလေ။
" ကိစ္စရှိလို့လား "
တံခါးကိုဖွင့်ကြည့်ရင်းမှ သူ တည်ငြိမ်စွာ မေးလိုက်သည်။
" မဖြေခင် အရင်ဝင်လို့ရလား "
" မရဘူး "
" ဒါဆို ကိစ္စမရှိဘူး အတူလာအိပ်ရုံပဲ "
" ဘာ "
ရိပေါ်ရဲ့ အဖြေစကားက သူ့ရင်ထဲ ဒိုင်နိုအုပ်ဆော ဖြတ်ပြေးသွားသည်။ အကုန်တဒုန်းဒုန်း တဒိုင်းဒိုင်းနဲ့။
သူ ခဏ မှင်သက်မိသွားသည် ထင်ပါရဲ့။ သူ သတိပြန်ရလာချိန်မှာ နတ်ဆိုးလေးက အဝပိတ်ရပ်နေသော သူ့ကိုအနည်းငယ် တွန်းထုတ်ဆုတ်စေပြီး အခန်းထဲ ဝင်ကာ တံခါးတောင် ပြန်ပိတ်နှင့် ပြီးပြီ။ အဖြစ်အပျက်များကလည်း မြန်ဆန်လွန်း။
" ကျိုးချန်နဲ့ အခန်းလဲလိုက်တာ မင်းလား "
" အင်း အဲဒီကောင်က reception မှာ sea view အခန်းသွားတောင်းနေတာကို co founder ကွမ်းယောင်တွေ့လို့ ကျွန်တော့်ကိုလာကူညီခိုင်းတယ် အခန်းတွေက အကုန် check in တွေကြီးပဲလေ ဒါကြောင့် အရမ်းလိုချင်နေတဲ့ အဲဒီကောင်ကို လဲပေးလိုက်ရတာ "
အခန်းတွေအကုန် check out မဖြစ်တော့တာ ကွမ်းယောင် လက်ချက်ဆိုတာတော့ ရိပေါ်သိနှင့်ပြီးပေမယ့် ဟန်တော့ဆောင်ရမည် မလား။
" ဒီဟိုတယ်မှာ အခန်းလွတ် မရှိတော့ဘူးပေါ့ "
" ဟုတ်တယ် အဲဒါကြောင့် ခင်ဗျားနဲ့တူတူ လာအိပ်ရတာပေါ့ "
" မရဘူး ငါ ဟိုတယ်ပြောင်းမယ် "
သူပြောရင်း ထွက်မည်လုပ်လိုက်ရာ ရိပေါ်က နောက်ကနေ ခါးကိုပွေ့ဖက်ပြီး ဆွဲထားလိုက်သဖြင့် သူ့တစ်ခန္ဓာလုံးရှိ သွေးများ ပြောင်းပြန်စီးဆင်းသွားရသည်။
YOU ARE READING
Something in the dark ( completed )
Fanfiction(Unicode+Zawgyi) " A great love is a combination of understanding and trust each other." Wang Yibo × Xiao Zhan story cover crd to Kitra#
