unicode
အခန်းထဲမှာ ရှိသော ဆိုဖာကလည်း တစ်ယောက်ထိုင် နှစ်ခုံတည်းသာ ဖြစ်ရာ ဆိုဖာမှာလည်း ခွဲအိပ်လို့မရပြန်။ queen bed size မွေ့ရာကလွဲရင် တခြားရွေးအိပ်စရာ နေရာက တကယ်မရှိ။
ရိပေါ်ကတော့ သူ့ထက်အရင် ခုတင်ပေါ်တက်သွားပြီး ခြေရင်းမှာ အလျားလိုက် ခေါက်ချပေးထားသော စောင်ကိုတောင် ယူခြုံနေပြီ။
ရိပေါ်အိပ်အောင်ထိ စောင့်ပြီး ထွက်ပြေးရမလား။
အခုချိန်ထွက်ပြေးရင်လည်း ချက်ချင်းပြန် လိုက်ဖမ်းနိူင်မှာပဲ။ ပို၍သာ ဆိုးမည်။
" ရှောင်းကျန့် . . ကြောက်သလိုလို ရှက်သလိုလို မလုပ်နဲ့လို့ ပြောထားတယ်နော် . . အခု ဒီပေါ်တက်ခဲ့ "
သူ့စိတ်ထဲ စိုးရိမ်နေမှုများကို နတ်ဆိုးလေးက အထင်အရှား ရိပ်မိသွားပြန်ပြီ။ နတ်ဆိုးလေး ဗိုက်ထဲမှာ သူ့ခံစားချက်တွေကို ပြောပြမယ့် ပုဏ္ဏားလေးများရှိနေတာလား။
သိပဲသိနိူင် လွန်းပါရဲ့။
" ပွေ့လာခေါ်ရမလား "
" မခေါ်နဲ့ "
" မခေါ်စေချင်ရင် အခုလာခဲ့ တစ်ကနေ တစ်ဆယ်ထိရေမယ် တစ်ဆယ်ထိရေပြီးလို့ ခုတင်ပေါ် မရောက်ရင် တွေ့မယ် "
ခြိမ်းခြောက်သံများက စလာပြန်ပြီ။
" တစ် . . နှစ် . . ခုနစ် . . ရှစ် "
" ဟမ် သုံးလေးငါးခြောက်က ဘယ်ရောက်သွားတာလဲ "
" စိတ်ထဲမှာ ဆိုပြီးသွားပြီ ကိုး . . "
" အား မရေနဲ့တော့ "
သူအချိန်မဆွဲရဲတော့ဘဲ ခုတင်ပေါ်တက်လိုက်တာ နတ်ဆိုးလေးဘေးနား ဘယ်လိုရောက်သွားမှန်းတောင် မသိတော့။
" တစ်ဆယ် . . လိမ္မာတယ် ရော့ စောင်ယူ အိပ်တော့ "
အချိန်မီရောက်လာသော သူက လိမ္မာတယ် တစ်ခွန်းတော့ ချီးမွမ်းခံရသားပဲ။
သူ့ကိုယ်ပေါ် သခင်လေးလှမ်းခြုံပေးသော စောင်က လွှားခနဲ ရောက်လာသည့်တိုင် သူ မလှဲရဲသေး။ ရိပေါ်ကတော့ လက်တစ်ဖက်ကို ခေါင်းအောက်ထိုးထည့်ပြီး ပက်လက်လှဲသည်။
YOU ARE READING
Something in the dark ( completed )
Fanfiction(Unicode+Zawgyi) " A great love is a combination of understanding and trust each other." Wang Yibo × Xiao Zhan story cover crd to Kitra#
