unicode
ရေချိုးခန်းထဲ ဝင်လာပြီးမှ ရိပေါ်က သူ့ကို bathtub ထဲမှာ ညင်သာစွာ ချပေးသည်။ သူ့မှာတော့ ခံစားချက်တွေ ရှုပ်ထွေးပြီး ချပေးသည့်နေရာမှာသာ ကျုံ့ကျုံ့လေး ထိုင်နေလိုက်မိသည်။
ရိပေါ်က bathtub ရဲ့ ရေထွက်ပေါက်ကိုပိတ်ကာ tap ကိုဖွင့်ချသည်။ သူ့ရဲ့ပုံစံကို ကြည့်ပြီး သူ ရှက်နေမှန်းကိုလည်း ရိပ်မိဟန်။
" အဲဒီလောက် ရှက်နေစရာမလိုပါဘူး အကုန်မြင်ပြီးပြီပဲကို "
ရိပေါ်ကပြောရင်း သူ့ရှေ့မှာ လာဝင်ထိုင်သည်။
ရိပေါ်ရဲ့ ခန္ဓာကိုယ်ကို သဘာဝအတိုင်း အနီးကပ်မျက်နှာချင်းဆိုင် မြင်ရတော့လည်း သူ့မှာ ရှက်ရပြန်သည်။ အရှက်တရားဟော်မုန်းတွေဟာ သူ့ဆီမှာပဲ ပုံမှန်ထက် လွန်ကဲနေတာလား။
bathtub ထဲမှာ တဖြည်းဖြည်းပြည့်လျှံလာသော ရေနွေးနွေးကြီးကို ခံစားရသည်မှာလည်း စိတ်ထဲ တစ်မျိုးကြီး။
" ရေချိုးဆပ်ပြာရည်တွေကလည်း အကောင်းမရှိဘူး "
ရိပေါ်က ဟိုတယ်ဝန်ဆောင်မှု လုပ်ပေးထားသည့် Shower cream ကို လက်ဝါးတွင်ထည့်ရင်း မကျေမနပ်ဆိုသည်။
" ရေချိုးခန်းထဲမှာ ceiling mount shower head ပါရင် ကောင်းမှာပဲ ဒါဆို နှစ်ယောက် အောက်မှာခံပြီး အေးဆေးချိုးလိုက်ရင် ရပြီ ဒီ standard bathtub က သေးလိုက်တာ အားမရဘူး "
ပြောရင်း သူ့လက်ကို ဗြုန်းခနဲကိုင်ပြီး ဆွဲလိုက်ရာ သူ့မှာ ရိပေါ်နားပိုရောက်သွားသည်။
" မရှက်ပါနဲ့တော့ "
အသံလေးက တောင်းဆိုသံပုံစံပေမယ့် အားမရသံကလည်း ရောစွက်နေပြန်သည်။
သူလည်း ရှက်ချင်လို့ ရှက်တာမှမဟုတ်တာ။
ဒီအခြေအနေကြီးကို အိပ်မက်အဖြစ် ပြောင်းလဲနိူင်ခွင့်ရှိရင် ပြောင်းလဲဖြစ်မည်ထင်သည်။ လက်ခံရက နည်းနည်းခက်တုန်းပဲ။ gay bar သွားပြီး gay တစ်ယောက် ဟန်ဆောင်ဖို့ ကြိုးစားရင်းမှ တကယ်ဂေးသွားတာက သူ့ရဲ့ဟန်ဆောင်လိမ်ညာမှု အတွက် ရလဒ်တစ်ခုပဲလား။
JE LEEST
Something in the dark ( completed )
Fanfictie(Unicode+Zawgyi) " A great love is a combination of understanding and trust each other." Wang Yibo × Xiao Zhan story cover crd to Kitra#