unicode
ဟိုတယ်ပြန်ရောက်သည်နှင့် reception မှာ အခန်းတံခါးဖွင့်ရန် သော့ထပ်တောင်းလိုက်ရသေးသည်။
" အခန်းဖော်ဆီမှာ သော့ပါသွားတယ် သူ့ကို ဆက်သွယ်လို့မရဘူး အခု အရေးကြီးကိစ္စကြောင့် ပေကျင်း ပြန်ရတော့မှာ ဖြစ်လို့ ပစ္စည်းသိမ်းချင်လို့ပါ "
ဝန်ထမ်းမလေးက မန်နေဂျာကို ချက်ချင်းဆက်သွယ်ပြီး အကျိုးအကြောင်း ပြောပြသည်။ မန်နေဂျာကလည်း သူ့ကိုမှတ်မိပုံပင်။ သော့အလွယ်တကူ ထုတ်ပေးလိုက်သည်။
အခန်းထဲရောက်မှ မနက်က ရေချိုးခန်းထဲမှာ ထားခဲ့သော သူ့အဝတ်အစားများကို luggage ထဲ ပြန်ပြောင်းထည့်သည်။ Beidaihe ကနေ ပေကျင်းထိ တက္ကစီသာ ငှားစီးတော့မည်ဟု သူဆုံးဖြတ်လိုက်သည်။
ပစ္စည်းများ အကုန်ယူပြီး တံခါးဝဆီသို့ ဦးတည်တုန်းသာ ရှိသေးသည်။
တံခါးဖွင့်ဝင်လာသော ဝမ်ရိပေါ်ကြောင့် သူ့အသည်းနှလုံးများက ထိုနေရာမှာပင် ပြုတ်ကျလုမတတ်။ ရိပေါ်ရဲ့ မျက်နှာက ပုံမှန်ထက်တင်းမာနေရာ အန္တရာယ်အငွေ့အသက်များကို ခံစားမိသဖြင့် သူ တံတွေးမျိုချမိသည်။
" ဘယ်သွားမလို့လဲ "
" ငါ ပြန်ရတော့မယ် ကိစ္စရှိတယ် "
" လိမ်ပြန်ပြီလား ရှောင်းကျန့် "
ရိပေါ်က အော်ပြောရင်း ရှေ့တိုးလာရာ သူ့မှာနောက်သာ ပြန်ဆုတ်မိသည်။
" ပထမဆုံး ကျိုးချန်ကို စိတ်ဆိုးလို့ပြောတာ ပေကျင်းကို မပြန်သေးဘူးလို့ လိမ်တယ် ခင်ဗျား အစကတည်းကနေ ပြန်မယ်လို့ ကြံနေတာမလား "
" မဟုတ်ဘူး ငါ . . "
" ပါးစပ်ပိတ်ထား ! ဒုတိယ မိန်းကလေးပဲ လက်ထပ်မယ်ဆိုပြီး လိမ်တယ် တတိယ ဂေးမဟုတ်ဘူးလို့ လိမ်တယ် စတုတ္တ တောင်ထိပ်ကို လ်ိုက်လာမယ်ဆိုပြီး လိမ်တယ် ပဉ္စမ ပေကျင်းကို ကိစ္စကြောင့် ပြန်ရတော့မယ်လို့ လိမ်တယ် ကျွန်တော်က ခင်ဗျားအတွက် လိမ်လို့ကောင်းတဲ့ ဟာသဖြစ်နေတာလား "
![](https://img.wattpad.com/cover/212898523-288-k739091.jpg)
YOU ARE READING
Something in the dark ( completed )
Fanfiction(Unicode+Zawgyi) " A great love is a combination of understanding and trust each other." Wang Yibo × Xiao Zhan story cover crd to Kitra#