unicode
ခြံဝမှ security လုပ်သည့် ပါတီစောင့်များ ကို မေးတော့လည်း သူ သိချင်သည့် လူရဲ့အကြောင်းက ဘာမှမထူး။
" ဖိတ်စာပြတော့ နောက်မှာ နာမည်ပါတယ်မလား မကြည့်လိုက်ဘူးလား "
သူ့စကားကြောင့် ပါတီစောင့်များက အူကြောင်ကြောင်ဖြင့် တစ်ယောက်မျက်နှာ တစ်ယောက်ကြည့်ပြီး ခေါင်းခါပြကြသည်။
" ကျွန်တော်တို့က ဝင်ခွင့်ပေးရမလား မပေးရဘူးလားပဲ ဆုံးဖြတ်ပေးရတာလေ ဖိတ်စာပြတော့ ဝင်ခွင့်ပြုလိုက်တယ် အဲဒါပဲ "
" မျက်နှာမမြင်လိုက်ဘူးလား "
" မျက်နှာ မမြင်လိုက်ဘူး သိပ်မကြာဘူး ပြန်ထွက်သွားတယ် ဒီကပြန်ပြီလား မေးတာတောင် ဘာမှမပြောခဲ့ဘူး "
လုံခြုံရေးများရဲ့ အဖြေကလည်း သူ့အတွက် အားရစရာမရှိ။
အိမ်ထဲမှာ လူစစ်ပြီး ဖိတ်စာကို ကူညီပြန်သိမ်းပေးသည့် အစောင့်နှစ်ယောက်ကလည်း မသိဟုသာ ဇွတ်ငြင်း။
အရပ်ရှည်ရှည်နဲ့ ယောက်ျားတစ်ယောက် ဖြစ်သည်က လွဲ၍ ဘယ်စီစီဗီတီ မှတ်တမ်းကို စစ်ကြည့်ကြည့်။ အရာမရောက်ခဲ့ချေ။ မလာသော လူစာရင်းကို ပြန်သိမ်းထားသည့် ဖိတ်စာနှင့်တိုက်ပြီး စစ်ကြည့်လိုက်ရင်တော့ ထိုထဲကတစ်ယောက်ယောက်ကတော့ သူ့ကိုပြုစုပေးခဲ့သည့်လူ ဖြစ်နေမှာပဲ။
ဒါပေမယ့် ငါအဲဒီလိုဖြစ်နေတုန်းက ပြုစုပေးခဲ့တဲ့သူလားဟု တစ်ယောက်ချင်း လိုက်မေးနေလို့ မရဘူးမလား။ မတော်လျှင် လုပ်ခဲ့သည့်လူက ဝန်မခံသည့်အပြင် သူ့အရှက်ကွဲတာသာ အဖတ်တင်လိမ့်မည်။
ရိပေါ် လုံခြုံရေးများဆီက ပြန်ထွက်လာတော့ ဘေးနားလာရပ်နေသည့် ကွမ်းယောင်လည်း နောက်ကပြန်လိုက်လာသည်။
" မင်း အဲဒီလူကို ဘာလို့ စုံစမ်းနေရတာလဲ ရိပေါ် . . ဘာလဲ ပါတီကို အနွေးထည် Hoodie နဲ့ရောက်လာတာ လန်းလို့လား ပေါ့ပေါ့ပါးပါးမို့ အင်္ကျီသတ်မှတ်ချက် အစကတည်းက မလုပ်ထားတာလေ "
" မင်း ငါ့ကို စကားလာမပြောနဲ့ ဒုက္ခအိုးကောင် "
" ငါ မင်းကို ဘာလုပ်မိလို့လဲ . . ပါတီပြီးကတည်းက မင်းဘာဖြစ်နေတာလဲ ဘာလဲ မင်းရှောင်းကျန့်မလာလို့လား ခေါ်တာက ခေါ်တာပဲ လာအောင် သွားပင့်လို့မှ မရတာ "
![](https://img.wattpad.com/cover/212898523-288-k739091.jpg)
YOU ARE READING
Something in the dark ( completed )
Fanfiction(Unicode+Zawgyi) " A great love is a combination of understanding and trust each other." Wang Yibo × Xiao Zhan story cover crd to Kitra#