မိဘုရား ခိုးတာဘယ်သူလဲ

CH(61)...မနက်ဖြန် နေ့လည်စာ အတူတူ

Cassion သည် Roselyn နဲ့  သူမပုတ်ထုတ်လိုက်တဲ့လက်ကို အလှည့်ကျစိုက်ကြည့်လို့နေတယ်။
Roselyn နောက်သို့ ခြေတစ်လှမ်းဆုတ်ပြီး ခေါင်းယမ်းလိုက်သည်။
ဝေးဝေးနေ‌ေစရန် ထင်ရှားသော လက္ခဏာတစ်ခုဖြစ်သည်။
Asrell သည် သူမ ၀င်သင့်ဟု ဆုံးဖြတ်လိုက်ပြီး သူမသည် Cassion ဆီကို ခြေတစ်လှမ်း နီးကပ်လာစဉ် အံ့သြစရာ စကားများ ထွက်ပေါ်လာသည်။

"ကိုယ်စိတ်မကောင်းပါဘူး…………။ မင်းကို စော်ကားဖို့ မရည်ရွယ်ပါဘူး။"

Cassion သည် ရုတ်တရက် ရှက်သွားပြီး တောင်းပန်လိုက်သည်။

"မင်းကိုဘာမှလုပ်မှာမဟုတ်ဘူး။ တကယ်သိချင်နေလို့ ဒီကိုလာတာပါ။”

Cassion က သိချင်စိတ်ပြင်းပြ‌ေနတယ်။
သူ့နှလုံးသားအောက်ခြေကနေ သူ့ဘဝရဲ့ အကြီးကျယ်ဆုံးသော စူးစမ်းချင်စိတ်ကို တကယ်ခံစားရလို့သာ သူမဆီ အလည်လာခဲ့တာ။
ပထမဆုံးအနေနဲ့ သူ့အစ်ကိုဝှက်ထားတဲ့ အမျိုးသမီးတစ်ယောက်မို့လို့ အံ့သြမိပေမယ့် ဒီအမျိုးသမီးဟာ ဒီကမ္ဘာမှာ မထင်မှတ်ထားတဲ့ အလှတရားတစ်ခု ပိုင်ဆိုင်ထားတာကိုလည်း အံ့သြမိပြန်တယ်။
သမုဒ္ဒရာထဲ ကူးခတ်နေစဉ် ငွေရောင်ဆံပင်များက တောက်ပသော Amor နေရောင်ခြည်ကို ရောင်ပြန်ဟပ်ကာ သူ့စိတ်ဝိညာဉ်ကို စုပ်ယူသလိုမျိုး ပထမဆုံးအကြိမ်အဖြစ် သူခံစားခဲ့ရသည်။
သူ့အစ်ကိုကို ဒီလောက်အထိ အံ့ဩစရာကောင်းလောက်အောင်ဖြစ်စေတာ ကမ္ဘာမှာ ဘာများရှိလို့လဲဆိုတာ သိချင်နေခဲ့တာ။

အကြောင်းရင်းကို သူမြင်ပြီးတာနဲ့ Cassion က သူ့အစ်ကိုကို နားလည်နိုင်သွားတယ်။
ဘာလို့ သူ့အစ်ကိုက ဘယ်သူ့ကိုမှ မပြချင်သလို ဘယ်သူ့ကိုမှလည်း မဝေမျှချင်တာလဲဆိုတာကိုပေါ့ ။

မိန်းမတစ်ယောက်၊ ဒါကမိန်းမတစ်ယောက်ပဲဆိုတာကို မယုံနိုင်ဘူး။
….စိတ်ဆိုးဖို့ကောင်းလွန်းတဲ့ မိန်းမတစ်ယောက်။
အဲဒီနောက်မှာတော့ သူရဲကောင်းတွေက သူ့ကို အနောက်ဘက်ကို ပြန်ခေါ်သွားပေမယ့် ကျန်တဲ့နေ့တွေမှာတော့ တခြားဘာကိုမှ မစဉ်းစားနိုင်ခဲ့ပါဘူး။

သူ၏ ဦးခေါင်း၊ မျက်လုံးနှင့် နားတို့သည် အရှေ့ဘက်သို့သာ မျက်နှာမူ၍ ဖွင့်ထားမိသည်။
တစ်နေ့တာ၏အဆုံးတွင်၊ သူသည် ဂယောင်ချောက်ချားဖြစ်နိုင်တာပဲဟု အထင်လွဲခဲ့သေးတယ် ။
သူ ထိုအေးစက်သော ခရမ်းရောင်မျက်လုံးများကို ပြန်မြင်ချင်သည်။ နှုတ်ခမ်းရဲရဲတွေကြားက ထွက်လာတဲ့ စကားသံက ဘာအရောင်ဖြစ်မလဲလို့ သူ သိချင်နေမိသည်။
သူသိချင်တယ်၊ သူရူးသွားသလိုတောင် ခံစားရတယ်။