Slowly Falling For Changkong ( ဘာသာပြန် )

Chapter-15

စူးစမ်းလိုသည့်အတွက် ရွှီလျန်သည် ဖယောင်းတိုင်ကိုအောက်ချကာ လေယာဉ်ပုံစံငယ်လေးအားကောက်ကိုင်လိုက်သည်။

ဤအရာက လက်လုပ်ပစ္စည်းမှန်း သူမပြောနိုင်သလို သူတို့၏အရည်အချင်းတွေကလည်း မေးခွန်းထုတ်စရာလို့ ထင်ရ၏။ လေယာဉ်ကို ကောင်းကောင်းမပြုလုပ်ထားနိုင်ခဲ့သဖြင့် ပို၍မချောမွေ့သောအစက်အပြောက်များကို သူမ အနည်းငယ်မြင်တွေ့နိုင်လေသည်။

သို့ပေမဲ့လည်း လက်လုပ်ပစ္စည်းဖြစ်တာနှင့်အညီ ဤအရာအားဖန်တီးပြုလုပ်သူ၏သဘောထားကို သူမပြောပြနိုင်၏။ ထိုလူသည် အသေးစိတ်အချက်အလက်များကို အလွန်အာရုံစိုက်ပြီး လေယာဉ်များကိုလည်း အလွန်နှစ်သက်ကြောင်း သူမမြင်နိုင်သည်။

သူမသည် ပုံစံငယ်လေးအား ၎င်း၏မူလနေရာ၌ ပြန်ထားလိုက်ပြီး သူမအကြည့်တွေက စားပွဲခုံပေါ်ရှိစာအုပ်တွေထံ ရောက်သွား၏။ စာအုပ်အားလုံးသည် လေကြောင်းဆိုင်ရာပညာရပ်များ၊ လေဖိအားဆိုင်ရာဖြန့်ဖြူးရေးဒီဇိုင်းများအကြောင်း... တိုတိုပြောရလျှင် နာမည်များသည် ရွှီလျန်အတွက်တော့ အခြေခံအားဖြင့် အရုပ်စာများသာဖြစ်လေ၏။

ထို့နောက် တစ်ခါက ရှန့်ချန်ခုန်းသည် သူဘွဲ့ကြိုတက်ခဲ့စဉ်က ဘတ်စကက်ဘောအသင်းမှာပါဝင်ခဲ့ကြောင်း ပြောပြခဲ့ဖူးသည်အား သူမအမှတ်ရမိလိုက်သည်။

အဓိကအချက်မှာ ဘွဲ့ကြိုတက်ခဲ့စဉ်က ၊ ဆိုတော့ သူကဘွဲ့ကြိုသင်တန်းကိုတက်ရောက်ခဲ့တာပေါ့။

သူမက ပစ္စည်းပို့ဆောင်သောနယ်ပယ်ကို ခွဲခြားဆက်ဆံခြင်းမဟုတ်သော်လည်း ဤသို့သောရှုပ်ထွေးလှသောဘာသာရပ်တွေကို လေ့လာခဲ့သည့်ရှန့်ချန်ခုန်းက အဘယ်ကြောင့်များ ပစ္စည်းပို့ဆောင်ရန်ရွေးချယ်ခဲ့သနည်းကိုတော့ သူမနားမလည်နိုင်ပေ။

ရွှီလျန်သည် သူမ ထိုသူနဲ့နီးစပ်လာလေ သူ့အကြောင်းပိုပြီးသိချင်လာလေပဲ....

ထိုအချိန်၌ ရှန့်နွမ်က သူမဖုန်းအားအသုံးပြုနေခဲ့၏။ သူမအဖွဲ့စကားပြောခန်းထဲတွင် မက်ဆေ့ချ်တစ်စောင်အား စိတ်လှုပ်ရှားစွာဖြင့် ပို့လိုက်လေသည်။