ရှန့်ချန်ခုန်း၏ဖိတ်ကြားချက်က နည်းနည်းရုတ်တရက်ဆန်သော်လည်း ရွှီလျန် မအံ့ဩပေ။ ရှန့်ချန်ခုန်းက ရွှီလျန်အမေကို တွေ့ပြီးသွားပြီ ၊ ထို့ကြောင့် သူမကလည်း သူ့မိဘတွေဆီ သွားလည်ခြင်းက အကျိုးအကြောင်းသင့်သည်။အရင်က ရွှီလျန် ရှန့်ချန်ခုန်းအိမ်သို့ သွားရောက်သည့်အချိန်က သူ့မိသားစုအခြေအနေက နည်းနည်းရှုပ်ထွေးကြောင်း ရွှီလျန် သဘောပေါက်ပြီးသားဖြစ်သည်။ ထို့ကြောင့် ရွှီလျန်က သူ့အိမ်ကိုသွားရန် ရှန့်ချန်ခုန်းအား လုံးဝမမေးမြန်းခဲ့ဖူးဘူး။ သို့သော် ယခုအချိန်တွင် သူက သူမအား အလည်လာရန် မေးလာခဲ့ပြီဖြစ်ကာ ဆိုလိုသည်မှာ အခု သူ အဆင်သင့်ဖြစ်နေပြီဟုပင် ၊ ဟုတ်တယ်မလား?
ရွှီလျန် : [ ကျွန်မကိုယ်တိုင်ကဘော့စ်ပဲလေ အမြဲတမ်းအားတယ် ]
သူမ အဖြေကိုကြည့်ရင်း ရှန့်ချန်ခုန်း မရယ်ဘဲမနေနိုင်တော့။
ရှန့်ချန်ခုန်း : [ ကောင်းပြီ စနေနေ့ နေ့လည်ပိုင်းပဲလုပ်လိုက်၊ ကိုယ် မင်းကိုလာကြိုရမလား ဒါမှမဟုတ် မင်းဘာသာမင်း လာချင်လား ]
ရွှီလျန် : [ ကျွန်မဘာသာပဲ လာခဲ့မယ် ]
ရှန့်ချန်ခုန်း : [ ကောင်းပါပြီ ဒါဆို ကိုယ် အိမ်မှာနေပြီး နေ့လယ်စာပြင်ထားလိုက်မယ် မင်းဘာစားချင်လဲ ]
ရွှီလျန် : [ ဘာပဲဖြစ်ဖြစ်ရတယ် ပိုအရေးကြီးတာက ကျွန်မ ဘာယူလာရမလဲ ရှင့်အမေကဘာတွေကြိုက်တက်လဲ ]
၎င်းက ရှန့်ချန်ခုန်းမျက်ဝန်းတွေကို တဒင်္ဂလောက် မှုန်ဝါးသွားစေခဲ့သည်။ သူ့အမေအတိုင်းဆို သူမကိုလက်ဆောင်ပေးခြင်းက သူမကိုဘာမှမပေးခြင်းနဲ့ အတူတူပဲ။
ရှန့်ချန်ခုန်း : [ ကိုယ့်အမေက..... သူမအကြောင်း မင်းကိုပြောဖို့အတွက် ကိုယ် အခွင့်အရေးရှာထားလိုက်မယ် ]
ရွှီလျန် : [ ကျွန်မသိပြီ အရင်တစ်ခေါက် ကျွန်မ ရှင့်အိမ်ကိုလာတုန်းက သူမနေမကောင်းဘူးလို့ ကျွန်မကိုပြောခဲ့တယ်နော် ]
ရှန့်ချန်ခုန်း : [ အင်း မင်း ဘာမှယူလာစရာမလိုပါဘူး မင်း သူမနဲ့တွေ့ပြီးသွားရင် ကိုယ်ရှင်းပြမယ် ]
YOU ARE READING
Slowly Falling For Changkong ( ဘာသာပြန် )
RomanceAuthor - Ban Li Zi , Chestnut Chapter - 56 + 10 extras Started Date -1.9.2022 Ended Date- 22.12.2023