Slowly Falling For Changkong ( ဘာသာပြန် )

Chapter-56

ရှန့်ချန်ခုန်းကို ဘွဲ့လွန်ဝင်ခွင့်စာမေးပွဲများ မတိုင်မီ တစ်ရက်အလိုတွင် တရားဝင် ဆေးရုံမှဆင်းပေးခဲ့သည်။ ရွှီလျန်နှင့်ဝမ်းရှုလီတို့က သူ့ကိုလာခေါ်ရန် ဆေးရုံသို့သွားခဲ့ကြပြီး ရှန့်နွမ် သိသွားပြီးနောက် အိမ်သို့ပြန်လာရန် ခွင့်ပေးရန်အတွက် အထူးတောင်းဆိုခဲ့သည်။ သူမက နေ့လည်ခင်းတွင် ကျောင်းမှထွက်လာမည်ဖြစ်ရာ နေ့လည်ခင်းနောက်ဆုံးအတန်းချိန်ကို လွှတ်လိုက်မည်ဖြစ်သည်။

မူလက ဝမ်းရှုလီက သူ့သမီးကို မလိုအပ်ဘူးလို့ ပြောခဲ့သည်။ ဒီနေ့က သောကြာနေ့ဆိုတော့ ဘယ်လိုပဲဖြစ်ဖြစ် ရှန့်နွမ်က မနက်ဖြန် အိမ်ကိုပြန်လာမှာပဲ ၊ ရှန့်နွမ်က ဒီအတွက် ကျောင်းလွတ်ဖို့ မလိုဘူး။ သို့သော် ရှန့်နွမ်က သဘောမတူ။ ရှန့်ချန်ခုန်း ဆေးရုံတက်နေချိန်အတွင်း သူမက သူ့ထံ တစ်ကြိမ်လေးတောင် သွားရောက်လည်ပတ်နိုင်ခြင်း မရှိခဲ့ပေ။ အကယ်၍ ဆေးရုံဆင်းတဲ့နေ့မှာတောင် သူမ သူ့ကိုမတွေ့ရင် သူ့ညီမလို့ ခေါ်လို့မရနိုင်ဘူး။

ဘွဲ့လွန်စာမေးပွဲတွေမဖြေခင် ရှန့်ချန်ခုန်းကိုတွေ့ချင်တဲ့ အရေးကြီးဆုံးအကြောင်းရင်းက သူ့ကိုအားပေးဖို့ပါပဲ။ ရှန့်ချန်ခုန်းက သူမထက် အများကြီး ထက်မြက်ပေမဲ့ ရှန့်နွမ်က သူ့အတွက် အရမ်းစိတ်လှုပ်ရှားနေတုန်းပဲ ၊ ရိုးရိုးသားသားပြောရရင် သူမကိုယ်တိုင် စာမေးပွဲတွေဖြေနေချိန်ထက် ပိုပြီး စိတ်လှုပ်ရှားနေပါ၏။

သူမ၏လေးကြိမ်မြောက်အတန်းပြီးနောက် ရှန့်နွမ် သူမ၏ ပစ္စည်းများကို စတင်သိမ်းဆည်းလိုက်သည်။ ရှန်လင်က သူမစာအုပ်တွေ သိမ်းနေတာကိုကြည့်လျက် မေး၏။

"မင်းအိမ်ပြန်မှာလား? အတန်းတစ်တန်းကျန်သေးတယ်လေ"
 
ရှန့်နွမ် သူ့ကိုစိုက်ကြည့်ပြီး ထေ့ငေါ့လိုက်၏။

"ဒါနင့်အလုပ်မဟုတ်ဘူး နင့်စာတွေကို အာရုံစိုက်ထားတာပဲ ပိုကောင်းမယ် ဒီလိုဆို နင့်အမေက ကျောင်းကို ထပ်မလာရတော့ဘူးလေ"

ရှန်လင် သူ့နှုတ်ခမ်းကို သပ်လိုက်ကာ ဘာမှမပြောတော့ပေ။ သူ့အမေကျောင်းလာပြီး ရှန့်နွမ်ရဲ့အစ်ကိုကို နှောက်ယှက်ပြီးနောက် ရှန့်နွမ်က သူတို့ရဲ့စာတွေနဲ့ပတ်သတ်ပြီး သူ့ဆီ ဘယ်တော့မှ ချဉ်းကပ်မလာတော့ဘူး။ အကယ်၍ သူမမှာ မေးစရာတွေရှိရင် အခုတွင် သူမက တခြားလူတွေကို သွားမေးလေ၏။