ရှန့်ချန်ခုန်းရဲ့'ဟမ်'ဆိုသည့်ပြန်စာကိုကြည့်၍ ရွှီလျန်မျက်ခုံးတွေမြင့်တက်သွား၏။ရွှီလျန် : [ ဘာလဲ? ရှင်ငြင်းမလို့လား? ]
ရှန့်ချန်ခုန်း : [ မဟုတ်ပါဘူး မဟုတ်ပါဘူး ]
ရှန့်ချန်ခုန်း : [ အရင်ဆုံး ကိုယ့်ရဲ့အချိန်ဇယားကိုပြန်ကြည့်ရဦးမယ် ]
ရွှီလျန် : [ အိုကေ အဆင်ပြေတယ်ဆိုကျွန်မကိုပြန်ပြောနော် ]
ရှန့်ချန်ခုန်း : [ အိုကေ ]
ရှန့်ချန်ခုန်း ထိုသို့ပို့လိုက်ပြီးနောက် ရွှီလျန်ဘက်မှစာထပ်မပြန်တော့ပေ ၊ သို့သော်လည်း သူက chat ကိုဖွင့်ထားဆဲဖြစ်ကာ အတော်ကြာပြန်မထွက်ခဲ့။
အခုလေးတင် သူတို့စကားပြောထားခဲ့သော တိုတောင်းလှသည့် chat ကိုကြည့်ကာ ရှန့်ချန်ခုန်း အထပ်ထပ်အခါခါပြန်ဖတ်နေခဲ့၏။ နောက်ဆုံးမှာတော့ ကီးဘုတ်ကိုနှိပ်လိုက်တော့သည်။
ရှန့်ချန်ခုန်း : [ မင်းဘယ်လိုနေလဲ? ]
ရွှီလျန် သူမဖုန်းကိုကြည့်လျက်ပြုံးနေ၏။
ရွှီလျန် : [ ကောင်းပါတယ် ]
ရှန့်ချန်ခုန်း : [............]
မဟုတ်သေးပါဘူး နေပါဦး... အခု သူမကကောင်းပါတယ်လို့ပြောလိုက်တာလား?
ရှန့်ချန်ခုန်း : [ ကိုယ် ကိုယ်ပြောတာက မင်းရဲ့ခန္ဓာကိုယ်ဘယ်လိုနေလဲလို့ပြောတာ ]
ရွှီလျန် : [ အာ.....]
ရွှီလျန် : [ အဆင်ပြေပါတယ် နည်းနည်းလေးပင်ပန်းနေရုံပါပဲ၊ ကျွန်မ စောစောအိပ်မလို့တောင်လုပ်ထားတာ ]
ရှန့်ချန်ခုန်း : [ အာ ဒါဆို မြန်မြန်အိပ်တော့လေ.. ကိုယ် မင်းကိုမနှောင့်ယှက်တော့ပါဘူး ]
ရွှီလျန် : [ ရှင့်အချိန်ဇယားကိုစစ်ဖို့မမေ့နဲ့နော် ]
ရှန့်ချန်ခုန်း : [ အင်း ကိုယ် မင်းကို မနက်ဖြန်မနက်ကျရင်ပြန်ပြောမယ် ]
"ဟေ့ ရှန့်ချန်ခုန်း! ငါတို့တွေ့ကြပြန်ပြီ"
ချန်းဖန်က သူ့စကူတာကို ရှန့်ချန်ခုန်းဘေးနားတွင်ရပ်လိုက်သည်။ လမ်းမီးရောင်အောက်၌ ချန်းဖန်သည် တစ်စုံတစ်ရာကိုသတိပြုမိလိုက်လေ၏။
YOU ARE READING
Slowly Falling For Changkong ( ဘာသာပြန် )
RomanceAuthor - Ban Li Zi , Chestnut Chapter - 56 + 10 extras Started Date -1.9.2022 Ended Date- 22.12.2023