ရှန့်ချန်ခုန်း အဝတ်အစားလဲပြီး ရှန့်နွမ်အား သူအပြင်သွားမည့်အကြောင်း ပြောလိုက်သည်။ရှန့်နွမ်က
"အစ်ကိုက ရွှီလျန်ကျဲနဲ့ဒိတ်လုပ်မလို့လား"
"......."
ရှန့်ချန်ခုန်းသည် ရှန့်နွမ်က သူ ဒိတ်လုပ်ရန်အပြင်သွားတယ်လို့ ဘာကြောင့် ချက်ချင်းတွေးလိုက်တာလဲလို့ စဉ်းစားနေ၏။ ကောင်းပြီ တကယ်လည်း သူ ရွှီလျန်ကို သွားတွေ့မှာပဲလေ။
"ငါ့မှာ လက်တိုလက်တောင်းအလုပ်လေးတစ်ခုရှိလို့ပါ မကြာခင် ပြန်လာခဲ့မယ်"
"အာ မလိုပါဘူး မလိုပါဘူး အစ်ကို တစ်ညလုံး အပြင်မှာနေလို့ရတယ် တကယ်ပြောတာ!"
ရှန့်ချန်ခုန်း : နင့်မှာ ဘယ်လိုအတွေးမျိုးတွေရှိနေတာလဲ?
"ငါသွားပြီ"
ရှန့်ချန်ခုန်း အိမ်ရှေ့တံခါးကို လက်လှမ်းလိုက်သည်။ သို့ပေမဲ့ ရှန့်နွမ်က သူ့နောက်ပြေးလိုက်လာကာ သူ့အား သူ့အခန်းထဲသို့ ပြန်ဆွဲခေါ်သွားလေ၏။
"အစ်ကိုက ထသွားထလာဖြစ်လွန်းတာကြီး ဝတ်သွားမလို့လား! တခြားတစ်ခုခုနဲ့သွားလဲလိုက်"
ရှန့်ချန်ခုန်း ကူကယ်ရာမဲ့စွာဖြင့် သက်ပြင်းချလျက်
"ငါက အထူးတလည်နေရာမျိုး သွားမှာမှမဟုတ်တာ"
"အစ်ကိုက အစ်ကို့ရဲ့ကောင်မလေးကို သွားတွေ့မှာလေ၊ ဘယ်လိုလုပ် ထသွားထလာပုံစံမျိုးဝတ်သွားရမှာလဲ! ပြီးတော့ ဒါက အစ်ကို့ရဲ့ဒုတိယအကြိမ်ဒိတ်လုပ်တာ ယောက်ျားတွေအားလုံးကဒီလိုပုံစံပဲလား? စိတ်ပျက်စရာကောင်းလိုက်တာ!"
ရှန့်ချန်ခုန်း ".........."
ရှန့်နွမ် ရှန့်ချန်ခုန်း၏ဗီရိုကို ဖွင့်လိုက်သည်။ အနည်းအကျဉ်းသာရှိပေမဲ့ သပ်သပ်ရပ်ရပ်ဖြစ်နေသော အဝတ်အစားများကိုကြည့်ရင်း သူမ သက်ပြင်းချလိုက်မိသည်။
"ယောက်ျားလေးအဝတ်အစားတွေက အကုန်လုံးကြည့်မကောင်းတာတွေပဲ"
ရှန့်နွမ် သက်ပြင်းချမိပြန်၏။ ယောက်ျားလေးအဝတ်အစားတွေက လုံးဝကြည့်ကောင်းမနေဘူး။ အရောင်နဲ့ပုံစံတွေအကုန်လုံးက အရမ်းရိုးရှင်းလွန်းတယ် ၊ အမျိုးသမီးအဝတ်အစားတွေနှင့်နှိုင်းယှဉ်ကြည့်ပါက ၎င်းတို့က အရောင်မွဲခြောက်နေတာပဲ။
YOU ARE READING
Slowly Falling For Changkong ( ဘာသာပြန် )
RomanceAuthor - Ban Li Zi , Chestnut Chapter - 56 + 10 extras Started Date -1.9.2022 Ended Date- 22.12.2023