ရွှီလျန် မိန်းမောတွေဝေလျက် မျက်လုံးဖွင့်လိုက်သောအခါ ရေချိုးခန်းထဲတွင် ရေသံများ ရပ်တန့်သွားသည်။ မကြာမီ ရှန့်ချန်ခုန်းက သူ၏ညအိပ်ဝတ်စုံဖြင့် ထွက်လာပြီး ဆံပင်ကို ပဝါအခြောက်ဖြင့် သုတ်နေသည်။ ရွှီလျန်၏ငိုက်မျဉ်းနေသောအမူအရာကိုမြင်တော့ ရှန့်ချန်ခုန်းက ပြုံးပြီး သူမဘေးတွင် ဝင်ထိုင်လိုက်သည်။"နိုးပြီလား?"
"အင်း....."
ရွှီလျန် အနည်းငယ် ပင်ပန်းနွမ်းနယ်နေပြီး နည်းနည်းလေး နာကျင်နေပါ၏။ သူမ မလှုပ်ချင်ဘူး ၊ ရှန့်ချန်ခုန်းက သူမဆံပင်ကို ညင်သာစွာ ပွတ်သပ်လိုက်ပြီး
"ရေချိုးလိုက်အုံးနော် ကိုယ် မင်းအတွက် ရေသွားဖြည့်ပေးထားမယ်"
"အင်း"
"ကိုယ် ထမင်းချက်လိုက်မယ် မင်းဘာစားချင်လဲ"
ရွှီလျန် ခဏလောက်စဉ်းစားပြီး ပြောလိုက်သည်။
"ရေခဲသေတ္တာထဲမှာ ဘာပစ္စည်းမှမရှိဘူးထင်တယ်"
လွန်ခဲ့သည့်ရက်အနည်းငယ်က ရှန့်ချန်ခုန်း ပေးပို့သောအစားအစာများကို အားကိုးတကြီးရှိခဲ့သည်။ သူမ ဟင်းသီးဟင်းရွက် မဝယ်တာ အတော်လေးကြာခဲ့ပြီ။
"အဆင်ပြေပါတယ် မိုးတိတ်သွားပြီဆိုတော့ ကိုယ် အောက်ထပ်ကစူပါမားကတ်ကို သွားဝယ်လို့ရတယ်"
ရွှီလျန် ပျင်းရိစွာ ပြန်ဖြေပြီးနောက် ရှန့်ချန်ခုန်းက ရေချိုးကန်ထဲကို ရေဖြည့်ပေးရန် ရေချိုးခန်းထဲသို့ ပြန်ဝင်သွားခဲ့သည်။ ခဏအကြာတွင် အခန်းထဲသို့ပြန်ဝင်လာပြီး ရေချိုးရန် ရွှီလျန်ကို ခေါ်လိုက်သည်။ ရွှီလျန်မှာ သူမ၏သက်တောင့်သက်သာ အနေအထားမှ အလိုအလျောက်ထကာ မျက်နှာသုတ်ပုဝါနှင့်အတူ ဝင်လာခဲ့သည်။
ရှန့်ချန်ခုန်းက သူတို့၏လျှော်ဖွပ်ထားသောအဝတ်အစားများကို အပြင်ဘက်တွင် ခြောက်အောင်ထားပြီးနောက် အစားအသောက်ဝယ်ရန် အောက်ထပ်သို့ဆင်းခဲ့သည်။ အနီးတစ်ဝိုက်တွင် စူပါမားကတ်တစ်ခုသာရှိသော်လည်း မကြာသေးမီက ဖွင့်လှစ်ထားသောဈေးသည် Starlight စိုက်ပျိုးရေးခြံနှင့် ချိတ်ဆက်ထားသော ဟင်းသီးဟင်းရွက်ဆိုင်ဖြစ်သည်။ Starlight စိုက်ပျိုးရေးခြံ၏ထုတ်ကုန်များသည် အခြားစူပါမားကတ်များထက် ဈေးပိုကြီးသောကြောင့် ရှန့်ချန်ခုန်းကမူ အနည်းငယ်ဝေးသော်လည်း အခြားစူပါမားကတ်သို့သွားရန် ရွေးချယ်ခဲ့သည်။
YOU ARE READING
Slowly Falling For Changkong ( ဘာသာပြန် )
RomanceAuthor - Ban Li Zi , Chestnut Chapter - 56 + 10 extras Started Date -1.9.2022 Ended Date- 22.12.2023