Slowly Falling For Changkong ( ဘာသာပြန် )

Chapter-28

ရွှီလျန်က ဉာဏ်ထိုင်းတဲ့သူမဟုတ် ၊ ရှန့်ချန်ခုန်းက သူမကို တမင်တကာ ရှောင်ဖယ်နေမှန်း သူမ ရေးတေးတေးလေး သတိပြုမိသည်။ သူမ သူ့ကို ထိုအကြောင်း မေးချင်ပေမဲ့လည်း အတန်ကြာစဉ်းစားပြီးနောက် ရွှီလျန်သည် 'OK' ဟူသောလက်ပုံစံ ပို့လိုက်တော့သည်။

ရှန့်ချန်ခုန်း၏စာမေးပွဲရက်ဟာ ဖြည်းဖြည်းချင်း နီးကပ်လာပြီဖြစ်သည်။ သူမကိုရှောင်ဖယ်နေဖို့ရာအတွက် သူ့အကြောင်းပြချက်က ဘာပဲဖြစ်ဖြစ် သူက သူ့အချိန်တွေကို စာကြည့်ရန် အသုံးပြုသည်ကြောင့် အဆင်ပြေနေသေး၏။ ယခုအချိန်တွင် ရွှီလျန်က သူ့ကို တကယ်ပဲ အနှောင့်အယှက်ပေးလိုစိတ်မရှိပေ။

ထိုစဉ် ရှန့်ချန်ခုန်းသည် ရွှီလျန် သူ့ကိုပို့ခဲ့သောနောက်ဆုံးမက်ဆေ့ချ်ကို ကြည့်နေလျက် သူ့မျက်နှာပေါ်၌ ရှုပ်ထွေးလှသောအမူအရာရှိနေ၏။ ရွှီလျန်က နုံအတဲ့သူမဟုတ်ဘူး ၊ သူမမှာ သူ့ကို မေးစရာမေးခွန်းတွေ အများကြီးရှိနေနိုင်သည်။ သို့ပေမဲ့ အချို့အကြောင်းပြချက်ကြောင့် သူမက ရှန့်ချန်ခုန်းကို အခုထိ မည်သည့်အရာမှ မေးမလာခဲ့ပေ။

သူ့ဖုန်းကိုချ၍ မကြာသေးခင်က သူဝယ်လာခဲ့သောနှုတ်ခမ်းနီကိုထုတ်ရန် သူ့အိပ်ရာဘေးရှိအံဆွဲအား ဆွဲဖွင့်လိုက်သည်။ ၎င်းအား ခဏကြာကြည့်ပြီးနောက် အံဆွဲထဲ၌သာ ပြန်ထည့်ထားခဲ့သည်။

စနေနေ့၌ ရှန့်နွမ် အိမ်ပြန်လာမည်ဖြစ်သောကြောင့် ရှန့်ချန်ခုန်းသည် စားစရာအများအပြား ဝယ်လာခဲ့၏။ ရှန့်နွမ် အိမ်ထဲဝင်လာချိန်တွင် သူမသည် သူမအိတ်ကိုချ၍ မီးဖိုချောင်ထဲ ပျော်ရွှင်စွာ ပြေးဝင်သွားတော့သည်။ ရှန့်ချန်ခုန်းက သူမကို မနှုတ်ဆက်လာခင်မှာပဲ သူမကပြော၏။

"အိုး! အစ်ကို အစ်ကို့ရဲ့ဝက်နံရိုးချိုချဉ်တွေက အကောင်းဆုံးပဲ!"

သူမက အမြဲလိုလို အစားစားပြီးသည့်အချိန်တိုင်း သူမလက်ချောင်းတွေကိုလျက်၍သာ လတ်စသတ်ခဲ့သည်။

ရှန့်ချန်ခုန်းမှာ ကူကယ်ရာမဲ့စွာဖြင့် သူ့ညီမလေးကို ပြုံး၍ကြည့်နေရင်း သူမအား မီးဖိုချောင်ထဲမှ မောင်းထုတ်ရန် ကြိုးစားနေ၏။ ရှန့်နွမ်က နောက်ထပ်နံရိုးတစ်ချောင်းကို ယူ၍ သူမပါးစပ်ထဲသို့ အလျင်အမြန် ထိုးထည့်လိုက်လေသည်။