Slowly Falling For Changkong ( ဘာသာပြန် )

Chapter-61 ( လက်ထပ်ခွင့်တောင်းခြင်း )

A မြို့တော် အပြည်ပြည်ဆိုင်ရာလေဆိပ်၏ လူစည်ကားသော ဧည့်ခန်းမ၌ ရွှီလျန်က ဂိတ်ဝတွင် တစ်ယောက်တည်း ရပ်နေသည်။ သူမ၏အမူအရာက တည်ငြိမ်ပြီး ငြိမ်သက်နေရာ လူစုလူဝေး၏ အလျင်လိုနေသော အားထုတ်မှုနှင့်နှိုင်းယှဉ်လျှင် အံဝင်ခွင်ကျဖြစ်မနေ။

သိပ်မကြာခင်မှာပဲ ရွှီလျန်စောင့်နေတဲ့လူ ပေါ်လာပြီး သူမရဲ့အမူအရာက နောက်ဆုံးတော့ ပြောင်းလဲသွားခဲ့သည်။

သူ့နောက်က ခရီးဆောင်အိတ်ကိုဆွဲလာရင်း ရှန့်ချန်ခုန်းဟာ ဂျင်းဘောင်းဘီနှင့် အပေါ်နည်းနည်းလိပ်တင်ထားသော အဖြူရောင်လက်ရှည်ရှပ်အင်္ကျီကို ၀တ်ဆင်ထားပြီး ဂိတ်ပေါက်မှ ထွက်လာသည်။ အစကတော့ ရွှီလျန်က သူ့ကို အော်ခေါ်လိုက်ချင်ပေမဲ့ ရှန့်ချန်ခုန်းဘေးနားတွင် ပြုံးပြုံးရွှင်ရွှင်ဖြင့် သူနှင့်စကားပြောရင်း လမ်းလျှောက်လာနေသော ဆံပင်ရွှေရောင် အမျိုးသမီးတစ်ယောက်ကို သူမ သတိထားမိလိုက်သည်။

ရွှီလျန် မျက်ခုံးပင့်တင်ကာ မလှုပ်မယှက်...

သူမ ရှန့်ချန်ခုန်းရဲ့အာရုံစိုက်မှုကို ရယူဖို့ မကြိုးစားခဲ့ဘူး ဒါပေမဲ့ ကိစ္စမရှိပါဘူး။ အဘယ်ကြောင့်ဆိုသော် သူ ဂိတ်ပေါက်များကို ဖြတ်ကျော်သွားသည်နှင့်တပြိုင်နက် ရှန့်ချန်ခုန်းက သူမအား လှမ်းကြည့်ကာ လိုက်ရှာနေခဲ့သည်။ ရွှီလျန်က ရင်သပ်ရှုမောလောက်သော ရောင်ဝါရှိသည့် လှပသော အမျိုးသမီးတစ်ဦးဖြစ်သောကြောင့် ရှန့်ချန်ခုန်းအတွက် များပြားလှသော လူအုပ်ကြားတွင် သူမကို ရှာတွေ့ရန် အချိန်မကြာလိုက်ပေ။

"ရွှီလျန်"

ရှန့်ချန်ခုန်း၏ခြေလှမ်းများဟာ သူမဆီသို့ လျှောက်လာစဉ် သိသိသာသာကို လျင်မြန်လာပါ၏။ ရွှီလျန်က ယခုမှ သူ့ကို တွေ့လိုက်ရသလို ဟန်ဆောင်လျက် ပြုံးပြီး တုံ့ပြန်လိုက်သည်။

သူနှင့်အတူ ရွှေရောင်အမျိုးသမီးက နောက်မှလိုက်သွားသော်လည်း ရှန့်ချန်ခုန်းက သူမကို သတိမထားမိပုံရသည်။ ထိုအစား ရှန့်ချန်ခုန်းရဲ့အကြည့်က ရွှီလျန်ထံ၌သာ ကပ်ညှိနေပါ၏။