Slowly Falling For Changkong ( ဘာသာပြန် )

Chapter-27

နောက်တစ်နေ့တွင် ရွှီလျန် Takeout App တစ်ခုအား install လုပ်လိုက်သည်။ ကျန်းကော်အာမှာ ရွှီလျန် ထိုသို့လုပ်လိုက်သည်ကိုမြင်တော့ အလွန်ဇဝေဇဝါဖြစ်နေလေ၏။ ရွှီလျန်ကလည်း မရှင်းပြခဲ့ပေ ၊ ကျန်းကော်အာသည် အသုံးပြုသူအသစ်တွေက သူတို့၏ပထမဆုံးအကြိမ်အော်ဒါမှာချိန်၌ လျှော့ဈေးရမည့်ပရိုမိုရှင်းရှိတာဖြစ်လိမ့်မယ်လို့ပဲ ယူဆလိုက်သည်။

သို့ပေမဲ့ ကျန်းကော်အာ ထူးဆန်းသလိုခံစားနေရသည်။ ဘော့စ်က သူမ Takeout App ကိုပြောင်းသုံးပြီးနောက် ရှန့်ကောကလည်း နှစ်ရက်ဆက်တိုက် ဆိုင်ကိုမလာခဲ့ ၊ သူတို့ရဲ့ပျားရည်ဆမ်းကာလက အဆုံးသတ်သွားပြီလား? အခု သူတို့နှစ်ယောက်က အချင်းချင်းရိုးအီသွားကြပြီလား?

သူမသည် သူမကိုယ်သူမ အချိန်အကြာကြီး ချုပ်တည်းထားရန် ကြိုးစားခဲ့ပါသော်လည်း အဆုံးမှာတော့ သူမ၏သိချင်စိတ်ကို မထိန်းချုပ်နိုင်တော့ ၊ သူတို့ နေ့လယ်စာစားနေစဉ် သူမက ရွှီလျန်ကိုမေးလိုက်သည်။

"ဘော့စ် လတ်တလော ရှန့်ကောနဲ့တွေ့ပြီးပြီလား"

သူမ ဤသို့ပြောနေရင်း ကျန်းကော်အာသည် သူမ(ရွှီလျန်)မျက်နှာအမူအရာဝမ်းနည်းသွားလေမလား မြင်နိုင်ရန် ရွှီလျန်အား သေချာစောင့်ကြည့်နေ၏။ မည်သို့ပင်ဆိုစေ ရွှီလျန်မှာ လုံးဝအမူအရာမပျက် ၊ ထိုအစား သူမက ပုံမှန်အတိုင်းပြောလာခဲ့သည်။

"သူ စာကြည့်နေတယ်"

ခပ်ပေါ့ပေါ့တုံ့ပြန်ချက်တစ်ခုပဲ...

ကျန်းကော်အာမှာမူ နည်းနည်းလေး စိတ်မချမ်းမသာဖြစ်နေသေးသည်။ သို့သော်လည်းပဲ သူမ ခဏလောက်စဉ်းစားကြည့်လိုက်၏။ ရှန့်ချန်ခုန်းမှာ ကောင်းမွန်တဲ့အကျင့်စရိုက်ရှိတယ် ၊ သူက စကားကိုတောင် ကျယ်ကျယ်ပြောခဲတဲ့ပုံမျိုးဖြစ်ကာ တစ်ယောက်တည်းစကားများနေမည့်ပုံပင်။

ဘော့စ်ကတော့ အင်း.. သူမက လုံးဝစကားများရန်ဖြစ်မှာမဟုတ်ဘူး။ နောက်ဆုံးတွင် ရန်ဖြစ်ခြင်းက ကောင်းမွန်တဲ့စိတ်ခံစားချက်နှင့်ဆိုင်သောပြောင်းလဲမှုကို ဆိုလိုခြင်းဖြစ်သည်။ ယခုဆိုလျှင် သူမ ဘော့စ်နှင့်အတူရှိနေသည်မှာ အချိန်တစ်ခုလောက်ရှိနေပြီးဖြစ်ကာ ကျန်းကော်အာမြင်ဖူးသော ရွှီလျန် စိတ်ခံစားချက်တွေကို ပထမဆုံးအကြိမ် ဖော်ပြဖူးသောအချိန်မှာ သူမနှင့်ရှန့်ချန်ခုန်းအတူတူရှိခဲ့သည့်အချိန်ကပင်။