Slowly Falling For Changkong ( ဘာသာပြန် )

Chapter-17

နောက်နှစ်ရက်အတောအတွင်း ရှန့်ချန်ခုန်းသည် ရွှီလျန်ထံမှ အော်ဒါတစ်ခုမှမရခဲ့ပေ ၊ သူစိတ်အေးရပေမဲ့လည်း တစ်ချိန်တည်းမှာပဲ ဇဝေဇဝါဖြစ်နေမိ၏။

သူ ရွှီလျန်ကိုမတွေ့မိသော်ငြားလည်း ဝေ့ရိချန်ကိုတော့ သူတွေ့ခဲ့သည်။

သူက ဝေ့ရိချန်နာမည်ကိုမသိ ၊ သို့သော် သူက ထိုသူကို ရွှီလျန်ဆိုင်နားတွင် သုံးကြိမ်တွေ့ခဲ့ပြီးပြီဖြစ်သည့်အတွက် ထိုသူကို သူမှတ်မိသည်။

သူက အနက်ရောင်သားရေဂျက်ကတ်ကိုဝတ်ဆင်ထားပြီး သူ့ညာဘက်နား၌ ပေါ်လွင်ထင်ရှားသောနားကပ်နှစ်ခုရှိကာ မိန်းမလှလေးတစ်ယောက်နှင့်အတူ ကော်ဖီဆိုင်တစ်ဆိုင်တွင်ထိုင်နေလျက်ရှိသည်။

ရှန့်ချန်ခုန်းက အော်ဒါယူရန် ကော်ဖီဆိုင်သို့လာခဲ့ခြင်းဖြစ်သည်။ သူက ကော်ဖီဆိုင်တွေကို မကြာခဏ သွားလေ့မရှိပေမဲ့ ဤနေရာကကြင်ဖက်တွေ့ဆုံပွဲအတွက် ရေပန်းစားသည့်နေရာမှန်းတော့ သူသိ၏။ သူဖြတ်သွားသည့်အချိန်တိုင်း မတူညီသောအမျိုးသားများနှင့်အမျိုးသမီးများ အတူတူထိုင်နေကြသည်ကိုတွေ့မြင်ရတက်သည်။

သူ ဝေ့ရိချန်၏အကြည့်အတိုင်းလိုက်ကြည့်တော့ နည်းနည်းမျက်မှောင်ကြုတ်မိ၏။ ဝေ့ရိချန်က ဒီနေရာမှာ အမျိုးသမီးတစ်ယောက်နဲ့လာတွေ့တာလား? သူက.....ရွှီလျန်ရဲ့ကောင်လေးမဟုတ်ဘူးလား?

ဝေ့ရိချန်က အမှန်တကယ် ဤနေရာ၌ ဘလိုင်းဒိတ်တစ်ခုအတွက်ရောက်နေခဲ့ခြင်း ၊ အရင်တစ်ခေါက်ဘလိုင်းဒိတ်ချိန်းဆိုမှုကြောင့် သူနိုင်ငံထဲမှထွက်ပြေးသွားသောအခါ သူ့အဖေက ဒေါသအမျက်ခြောင်းခြောင်းထွက်လာခဲ့သည်။ ဝေ့ရိချန်သည် အရာအားလုံးပြီးဆုံးသွားသည်အထိ အဝေးတစ်နေရာ၌သာနေလိုခဲ့၏။ သို့သော်လည်းပဲ ရွှီလျန်၏ဆိုင်က ရမ်းကားဖျက်ဆီးခံခဲ့ရသောကြောင့် သူ မြန်မြန်ပြန်လာခဲ့ရသည်။

သူ လေယာဉ်ပေါ်မှခြေလှမ်းလှမ်းလိုက်သည့်အချိန်မှစ၍ ဝေ့မိသားစုက သူ့အပေါ်မျက်စိဒေါက်ထောက်ကြည့်နေခဲ့သည်။ ထို့ကြောင့် ရွှီလျန်ဆိုင်ကိုသန့်ရှင်းရေးလုပ်ပေးပြီးသည်နှင့် သူသည် သူ့မိသားစုအိမ်၏ပိတ်လှောင်ထားခြင်းမှ သီသီလေးထွက်လာခဲ့၏။