သူ့စကားတွေက အရိပ်အမြွက်ပြလွန်းနေတာပဲ.. ရွှီလျန်မှာ အမောတကောဖြင့် အသက်ရှူသံပြင်းနေကာ 'အင်း' ဟုဖြေလိုက်၏။ မျက်နှာထက်က အိပ်ငိုက်နေသောအသွင်အပြင်မှာလည်း ပျောက်ကွယ်သွားရပါတော့သည်။ရှန့်ချန်ခုန်း နေရာရွေ့လိုက်သည်နှင့် ရွှီလျန်ကလည်း ထထိုင်လိုက်၏။ သူမရင်ဘတ်နေရာတစ်ဝိုက်၌ အအေးဓာတ်ခံစားလိုက်ရကာ သူမ ငုံ့ကြည့်လိုက်တော့ သူမအင်္ကျီလည်အဟိုက်က ပွင့်ဟနေလျက် သူမအတွင်းခံမှာလည်း မျက်စိအောက်မှာပဲရှိနေလေသည်။
"........"
ရှန့်ချန်ခုန်းသည်လည်း သတိထားမိသဖြင့် ရုတ်တရက် ခုနလေးတင် သူမအင်္ကျီကြယ်သီးအချို့ကို သူ ဆွဲဖြုတ်လိုက်မိသလိုလိုရှိကြောင်း သတိရသွား၏။
"ကြယ်သီးတွေက အိပ်ရာပေါ်က တစ်နေရာရာမှာရှိလိမ့်မယ်"
သူ့ခေါင်းကိုငုံ့လျက် ရွှီလျန်အား ကြယ်သီးကူရှာပေးနေစဉ် ရှန့်ချန်ခုန်းမျက်နှာမှာ ပူလောင်နေ၏။ မည်သို့ပင်ဖြစ်စေ ရွှီလျန်၏ကြယ်သီးများမှာ အလွန်သေးငယ်သောကြောင့် အချိန်နည်းနည်းရှာပြီးသွားတာတောင် သူတို့မှာ တစ်လုံးတည်းသာ ရှာတွေ့ခဲ့သည်။
ရှန့်ချန်ခုန်းက ခေါင်းငုံ့ထားမြဲဖြစ်ကာ သူ့မျက်လုံးများကလည်း စကားပြောရင်း ရှောင်ဖယ်နေ၏။
"ကိုယ်... ကိုယ် ဆင်တူတဲ့ကြယ်သီးကို ရှာထားလိုက်မယ်"
ရွှီလျန်မှာ သူ၏နီမြန်းနေသောနားရွက်လေးများက ရယ်စရာကောင်းကြောင်း တွေ့လိုက်ရသည်။ ဒီလူကတော့ ခုနကလေးတင် သူမကို ရဲရဲတင်းတင်း နမ်းရှိုက်နေတဲ့သူက အခုတော့ လူပျိုလေးတစ်ယောက်လိုမျိုး ရှက်နေသေးတယ်။
သူမအင်္ကျီကိုဖုံးလိုက်ရင်း ပြုံးနေလျက်
"ကိစ္စမရှိပါဘူး ကျွန်မအိမ်မှာ ကြယ်သီးအပိုရှိလိမ့်မယ်"
"အာ အိုကေ အမ်.... ဒါဆို အရင်ဆုံး ကိုယ် မင်းကို ဒီကြယ်သီးချုပ်ပေးလိုက်မယ်"
သူမကို သူ့အခန်းထဲကနေ ဒီလိုပုံစံမျိုးနဲ့ ထွက်သွားခွင့်ပြုဖို့ဆိုတာ ဘယ်လိုမှမဖြစ်နိုင်ဘူး။
YOU ARE READING
Slowly Falling For Changkong ( ဘာသာပြန် )
RomanceAuthor - Ban Li Zi , Chestnut Chapter - 56 + 10 extras Started Date -1.9.2022 Ended Date- 22.12.2023