Slowly Falling For Changkong ( ဘာသာပြန် )

Chapter-63 ( ကလေးလေး )

ရွှီလျန်နှင့်ရှန့်ချန်ခုန်းတို့ လက်ထပ်ပြီးနောက်တွင် အနီရောင်ဘူးလေးကို အအေးနန်းဆောင်ထဲသို့ ခေတ္တပယ်ထုတ်ထားခဲ့သည်။ သူတို့ဟာ ဇနီးမောင်နှံကဲ့သို့ ဆက်လက်ပြုမူနေကြစဉ်တွင် ၎င်းတို့၏ခန္ဓာကိုယ်နှင့်စိတ်သည် ထိပ်တန်းအခြေအနေဖြစ်ကြောင်း သေချာစေရန်အတွက် ၎င်းတို့၏အစားအသောက်နှင့် လေ့ကျင့်ခန်းများကို အထူးဂရုပြုလာကြသည်။

အချိန်အတော်ကြာ အလုပ်ကြိုးစားပြီးနောက် ရွှီလျန်သည် သူမ၏ 'အန်တီ'*က ယခုလအတွင်း အလည်အပတ် မလာခဲ့ကြောင်း တွေ့ရှိခဲ့၏။ အချိန်အတော်ကြာအောင် စဉ်းစားပြီးမှ သူတို့အောင်မြင်သွားတာလို့ သူမ တွေးနေမိသည်။

( * ရာသီလာချိန် )

ရွှီလျန်အနေနှင့် သူမ၏ 'အန်တီ' အလည်အပတ် လာခြင်းမရှိသည်မှလွဲ၍ ရွှီလျန်ခန္ဓာကိုယ်က ပြောင်းလဲခြင်း သို့မဟုတ် မူမမှန်ခြင်းတို့ မပြသောကြောင့် သိပ်မသေချာ ၊ မင်းရဲ့ 'အန်တီ' အလည်အပတ် မလာသည်က အကြောင်းရင်း အတော်များများကြောင့် ဖြစ်နိုင်တယ်။

ထို့ကြောင့် စိတ်ချရအောင် ရွှီလျန်က အလုပ်မှ နေ့တဝက် အနားယူပြီး ဆေးရုံသို့ သွားရောက်စစ်ဆေးခဲ့သည်။ ရလဒ်ကို စောင့်ဆိုင်းနေစဉ်တွင် ရွှီလျန် တုန်လှုပ်နေမိပါ၏။

စမ်းသပ်မှုရလဒ်ထွက်လာသောအခါ ဒေါက်တာက ရွှီလျန်ကို အမှန်တကယ် ကိုယ်ဝန်ရှိနေကြောင်း ပြောပြခဲ့သည်။ ပထမစက္ကန့်အနည်းငယ်တွင် ရွှီလျန် အံ့အားသင့်သွားသော်လည်း ချက်ချင်းလက်ခံလိုက်၏။ သူမ ဆေးစစ်ချက်ကို အေးအေးဆေးဆေး ခံယူကာ ဆေးရုံမှဆင်းပြီးနောက် ရှန့်ချန်ခုန်းထံ မက်ဆေ့ချ်ပို့သည်။

ဇနီးလေး : [ ကျွန်မ ဆေးစစ်ပြီး အခုလေးတင် ဆေးရုံကပြန်လာတာ.. ဒေါက်တာက ကျွန်မမှာ ကိုယ်ဝန်ရှိနေပြီလို့ ပြောတယ် ]

ရွှီလျန်က မက်ဆေ့ခ်ျနှင့်အတူ အာထရာဆောင်း ဓာတ်ပုံအချို့ကိုပါ ပို့ခဲ့သည်။

ရွှီလျန်၏မက်ဆေ့ချ်များကို မြင်ပြီးနောက် ရှန့်ချန်ခုန်းက သူမကို တိုက်ရိုက်ဖုန်းဆက်သည်။ ရွှီလျန်က ရှန့်ချန်ခုန်း၏ဖုန်းခေါ်ဆိုမှုကို ဖြေကြားသည့်အချိန်၌ သူမဆိုင်သို့ ပြန်ရောက်ရှိနေပြီဖြစ်သည်။