ယနေ့ ရွှီလျန်မှာ သူမဆိုင်တွင်သာအလုပ်လုပ်ဆဲရှိနေသေးသည်။ သူမနဲ့ရှန့်ချန်ခုန်းက ယနေ့နေ့လည်ပိုင်း (၃:၂၀)တွင် ရုပ်ရှင်ကြည့်ရန်ချိန်းဆိုထားခဲ့သည်။ ရုပ်ရှင်ကြည့်ပြီးနောက် သူတို့နှစ်ယောက်က ညစာအတူတူသွားစားကြမှာဖြစ်၏။ သူတို့နှစ်ယောက်တွေ့ရမည့်အချိန်ရောက်တော့မှာကိုသတိရတော့ ရွှီလျန်မှာ သူမအလုပ်ခန်းကိုသန့်ရှင်းရေးလုပ်ကာ ကျန်းကော်အာကိုစကားပြောရန် အောက်ထပ်ဆင်းလာခဲ့သည်။"ငါအပြင်သွားတော့မယ် ခြောက်နာရီခွဲကျရင်ဆိုင်ပိတ်လိုက်တော့နော်"
"ဟုတ်ကဲ့ပါ ဘော့စ် ဖြည်းဖြည်းချင်းသွားနော်!"
ရွှီလျန်က တံခါးကိုပိတ်ရင်း သူမကိုပြန်လှည့်ကြည့်လိုက်သည်။ ကျန်းကော်အာ၏ထူးထူးဆန်းဆန်းစကားတွေကိုလျစ်လျူရှုကာ ပြန်လှည့်ပြီး သူမကားဆီသို့လျှောက်သွားလေသည်။
သူမမြင်ကွင်းထဲမှရွှီလျန်ထွက်သွားသည်နှင့် ကျန်းကော်အာသည် ချက်ချင်းပင် သူမမှတ်စုစာအုပ်လေးကိုထုတ်၍ ရေးမှတ်လိုက်သည် — 'ဒီနေ့ ဘော့စ်က အဲဒီအစ်ကိုလေးနဲ့ဒိတ်ဖို့အတွက် အပြင်ထွက်သွားတယ်၊ ဘော့စ်က သူမပုံမှန်ဆိုးနေကျနှုတ်ခမ်းနီကိုတောင် အခြားမတူတဲ့အရောင်တစ်မျိုးနဲ့ အထူးတလည်ပြောင်းပြီးဆိုးထားသေးတယ််! နောက်ဆုံးကျတော့ ဘော့စ်မှာလည်းအပျိုလေးတစ်ယောက်ရဲ့နှလုံးသားရှိနေသေးတာပဲ!!'
ရွှီလျန် သူမကားထဲသို့ဝင်ပြီးနောက် နောက်ကြည့်မှန်ကိုသုံး၍ သူမဆံပင်ကိုသပ်ရပ်အောင်ပြင်လိုက်သည်။ သူမ ကားစထွက်တော့မည့်အချိန်၌ သူမဖုန်းသံမြည်လာ၏။ ရှန့်ချန်ခုန်းပဲဖြစ်မယ်လို့ထင်၍ ချက်ချင်း သူမအိတ်ကိုဖွင့်လိုက်သည်။ သို့သော်လည်း သူမဖုန်းထုတ်လိုက်သည့်အချိန်တွင် ဖုန်းမျက်နှာပြင်ရှိနာမည်မှာ သူမအမေဖြစ်နေခဲ့၏။
သူမ ဖုန်းပြန်ဖြေရင်း စိတ်ရှုပ်ထွေးဟန်ဖြင့်မေး၏။
"အမေ? ဘာဖြစ်လို့လဲ?"
ရွှီလျန်အမေက ပျော်ရွှင်နေသောအသံဖြင့်ပြန်ဖြေ၏။
"သမီးလေး အမေအခုလေဆိပ်မှာ အမေ့ကိုလာတွေ့ပါဦး"
YOU ARE READING
Slowly Falling For Changkong ( ဘာသာပြန် )
RomanceAuthor - Ban Li Zi , Chestnut Chapter - 56 + 10 extras Started Date -1.9.2022 Ended Date- 22.12.2023