💜 كتاب الأمل💜
الجزء :2
فهاد المجلس لي متكون من 4ديال البنات أسماء، ملاك، شروق او هداية ، تزادت عليهم هجار ، لي كانت لابسة عباية سامبل فالأسود او شد أيضا فالأسود جلسات من بعد مالقات السلام ، او جبدات حتى هي المصحف ديالها كتراجع فيه ، كانت بنت بملامح هادئة وجها لونو أسمر ، ولكن ملامحها مسرارة فعمرها 19 سنة
..........: هجار ، أجي تستظهري
حركات هاجر راسها بالإيجاب او وقفات من بلاصتها هازا المصحف فيديها ، ناضت فاتجاه المكتب حطات عليه المصحف ، او جلسات على الكرسي مقابلة مع الأستادة خديجة
شدات الأستادة خديجة المصحف فيديها او هزات عينيها فهاجر كتسناها تبدى تعرض
هاجر بصوت تجويدي مع تطبيق القواعد التجويدية بدات كتستظهر محفوظها
فالمجمع ديال البنات كانت تزادت معاهم بنت آخرا فسن 16 نورة او معاها اختها فسن 12 سلمى
أسماء: هههههه شحال هادي ماجيتي انورة مالك
نورة(بابتسامة): غير مع القراية راك عارفة عندي هاد العم الباك مخلوعة شوية ، او كنقول هاد الأيام مانبقاش نجي ، خصوصا أن الوطني قرب
هداية : اووه الله يعاونك اختي ، ماتخلعيش راك دزتي من الجهوي جوج مرات ، الوطني كنضن غادي يكونو فحالو فحال الجهوي ماتخافي من والو
نورة : كنتمنى اختي ، خايفة بزاف
شروق(بمرح): زعما راك كتقراي مزيان معندك مناش تخافي (ضارت شافت فبنت عمتها ملاك) لي جايب 17 فالدورة الأولى واش غادي يخاف من الوطني
ملاك كضحك: ههههههه لا ماتخافيش راه ساهل انا دزت منو الحمد لله فحالو فحال الجهوي ، معندك من اش تخافي ...
قطع حديثهم جلوس هاجر حداهم
هاجر : بسم الله (ضارت شافت فاليمين ديالها كانت حداها هداية ) هداية انت لي غادي نبدى بيك اليوم
هداية ابتاسمات او حركات راسها بالإيجاب
هاجر او هي كتفتح مصحفها : ليوم غادي تبداي فالحزب السابع ياك
هداية : اه او بقوة ما أنا فرحانة حفظت رُبُع (ربع ديال حزب)
هجار: اه يعني حفظتي سورة الرحمان كاملة
هداية : اه حفظتها كاملة
جبدات هاجر سورة الرحمان من المصحف اووحركات ليها راسها بمعنى بداي
بدات كتعرض عليها بطريقة تجويدية مع احترامها لتطبيق القواعد التجويدية بدون أي خطأ
سالات او ضارت عند أسماء حتى هي قامت بالمثل
ضارت عليهم كاملين عرضو عاد سدات المصحف او شافت فيهم
هاجر : غدا الأحد ان شاء الله جيبو الحزب زوج او ثلاثة مراجعة من بعد الدرس ، غادي نتجمعو على الحلقة فحال اليوم او غادي نعرضكم على حساب كل وحدا او الثمن لي غادي يجي فيها (الثمن= نصف الربع) باش ماتنساوش ديكشي لي حفظتو قبل
هزو ليها راسهم بالإيجاب او نزلو عينيهم المصحف باش يبداو المراجعة من دابا
ضربات الخمسة فالساعة لي معلقة فالباب ، كلشي وقف من مكانو لبسو صنادلهم او خرجو فحالهم بقاو غير اسماء ، ملاك، شروق، هداية ، نورة، سلمى
لي عاونو المعلمة جمعو معاها البونجات ردوهم لداك القنت لي كانو فيه قبل ، او جابو شطابة ديال الزربية(ماعرف اش كتقولو ليها )
*يتبع
VOCÊ ESTÁ LENDO
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
