كتاب الأمل 💜
الجزء 40
صوت ارتطامها مع الأرض وصل حتى لصالون لي كان مجموع فيه كلشي ، ياسين، سوسن،نبيل ،عقاب او حتى فدوى لي كانت حازمة راسها او جالسة مقنتة بوحدها
عقاب فور التاقطات الأذن ديالو الصوت وقف او شاف فنبيل مستغرب: شي حاجة طاحت
نبيل حتى هو وقف : داكشي لي بان ليا
تمشاو كيزربو فخطاويهم خارجين من الصالون باش يعرفو أش وقع او سوسن او ياسين او حتى فدوى تبعوهم ، وصل لكولوار كتبان ليه راضية جالسة فالأرض او جنبها جوج خدامات كيمدو ليها فالماء او هي كترش على أسماء، زرب فخطاويه حتى وصل عندها او طل على أسماء لي مغيبة على العالم او هو يتحنى قمازي
عقاب: اش وقع
راضية شافت فيه ملامحها كتملأها الحزن: ماعرفتش اولدي ياله دخلات كنهضر معاها حتى طاحت ماعرفت مالها
عقاب قرب كتر باغي يهزها او هي دفع ليه راضية يديه او دوات عاقدة حجبانها
راضية: اش باغي دير
عقاب شاف فيها باستغراب: نهزها نطلعوها لبيتها او نشوفو شي طبيب
راضية : نوض اولدي عايط على شي كارد مرة تجي تهزها ، واش مكتشوفش البنت محجبة او انت باغي تقرب منها
عقاب تنهد بعصبية او وقف جبد تليفون من جيبو او دوز الخط كيهضر مع الكارد او يشوف فأسماء لي مليوحة فالأرض او راضية كضرب على حناكها بشوية بخوف ، مدة مكانتش طويلة حتى جات كارد بلبسة كحلة مزيرة على جسمها العريض ، او تحنات عند أسماء هزاتها بين يديها او شافت فعقاب
الكارد: فين نديها اسيدي
عقاب شير جيهة كولوار فالسفلي : دخليها لأقرب بيت فهاد الكولوار
الكارد هزات براسها او او تمشات مع داك الكولوار حتى لوصلات البيت، فتحو ليها الخدامة الباب او دخلاتها حطاتها على السرير او خرجات او عاد دخلات راضية او الكل موراها مفرقين فالبيت او كيشوفو فيها حتى جا الطبيب كشف على حالتها او شاف راضية
الطبيب: سبب الإغماء هو ضغط نفسي أمدام ، حاولو توفرو ليها وسط بدون ضغط او تحاول تبعد على أي حاجة تخلعها ، ملين تفيق أول حاجة ديروها هي تعطيوها تاكل حينت ماواكلاش
راضية هزات ليه براسها او هو خرج عاد شافت فيهم : غير خرجو انا نبقى جنبها حتى تفيق
هزو ليها براسهم او خرجو إلا عقاب لي كان جالس على الفوطوي ماتحركش من مكانو او هو كيشوف فيها ، تسد الباب ديال البيت او قربات منو راضية جلسات جنبو كتشوف فنفس الإتجاه لي كيشوف فيه او هضرات: مالك ماخرجتيش
عقاب شاف فيها او هضر بتساؤل: الطبيب قال ضغط نفسي
راضية هزات براسها او هو كمل كلامو بسهو: يكون بسباب الإتصال لي جاها فالصباح
راضية باستغراب: اشمن اتصال
عقاب : شي واحد صونا عليها او كانت كتبكي
راضية هزات حاجبها : ماسولتيهاش
عقاب حرك راسو بنفي: ماقالتش
راضية ناضت من بلاصتها كتمشى جيهة السرير لي ناعسة عليه أسماء ، او جلسات على طرف السرير كدوز على وجهها او تهضر: معدبة فحياتها او عمرها شكات (شافت فعقاب) كون ساعفتيني اولدي او ماترفضش لي غادي نطلب منك
عقاب هز فيها حاجبو فحال ايلا عارفها اش غادي تقول : شنو
راضية رجعات كتشوف فأسماء: تزوج بيها
عقاب باستهزاء: او هاديك لي عندي
راضية شافت فيه: مالك انت أول واحد يتزوج على مراتو ، ياك قادر على مصروفهم بجوج او هادا هو الأهم
عقاب تنهد : الميمة حيدي هاد الفكرة من بالك ، اه قادر بمصروفهم ولكن مانقدرش نعدل بيناتهم (ضور راسو جنب) او غادي نفضل وحدا او نظلم لاخرى
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
