كتاب الأمل 💜
الجزء 86
فنفس الوقت فالمغرب كانت 12:00 ديال الليل
بالضبط فغرفة رنيم كانت شادة تليفونها فيديها او كتشوف فرقم او كتفكر ، تصوني ماتصونيش
بعد مدة لي مكانتش طويلة وأخيرا قررات او دوزات الخط حاطاه على ودنيها او كتسمع الرنين فإنتظار المجيب حتى تسمع صوتو باح بالنعاس
...........: ألو
رنيم ابتاسمات: فين جا بيتك
ياسين صحصح ملين سمع صوتها او هضر باستغراب: علاش كتسولي
رنيم عضات شفتها بإغراء او تكلمات بدلع: مجانيش النعاس او بغيت نجي عندك تونسني بينما يطيب نعاسي
ياسين بعصبية : مال القح**بة مك تسطيتي ، سيري قو***دي تنعسي (قطع الخط او لاح التليفون جنبو )
او هي شافت فالتليفون او تكلمات بهمس: هاد الخراي هادا (خسرات ملامحها) وا عقاب حسن منو او كيهضر زوين (ميقات) غير ديك مراتو لي مغيارة خفت تريشني (تكات فبلاصتها دايرا يديها تحت راسها) بالحق خلي يرجع ، هو مزوج بجوج خليه يزيدني انا ثالثة (عضات شفتها) شحال زوينين هاد الثلاثينيين
(وا خافي اختي من أسماء قاتلك يزيدني التالتة وا هادا هو التبرهيش ديال بصح)
نرجعو الفرنسا مع الساعة03:00 زوالا
السويت لي فيه عقاب او أسماء ، كان عقاب فايق او كيلبس فحوايجو او مرات يضور يشوف فأسماء لي باقيا ناعسة حتى سالا او تمشى جيهتها
عقاب : أسمااء (لا رد منها او هو يرفع صوتو شوية) أسمااء
أسماء بدات كتفتح عينيها مقلوبة بالنعاس او هضرات: نعام
عقاب: انا خارج ، خليك هنا حتى نرجع
أسماء فتحات عينيها مزيان: فين غادي
عقاب تنهد: ماجيتش لهنا باش نضور راه واقلة عندي خدمة خاص نمشي نطل عليها
أسماء حركات راسها او تقادات فالنعسة مغمضة عينيها: الله يسر ليك
رجعات نعسات او هو هز محفظة فيها الپيسي او شي ملفات او خرج من السويت ، نزل التحت او هو يجي عندو كارد كيتمشى جنبو
عقاب كيشوف فالطريق عاقد حجبانو حتى خرجو على برى ركب فالطنوبيل اللور او طلع الكارد سايق بيه
بعد مدة او السيارة كضور فشوارع باريس و أخيرا توقفات أمام مبنى عالي ماتحدو الشوفة ، نزل من الطنوبيل او المحفظة فيدو او الكارد حتى هو نزل او بدى كيتمشى جنبو حتى دخلو الداخل ، كان مكتب الإستقبال فيه بنات أجنبيات شافوه او بداو وحدا كتوشوش لاخرة حينت كيعرفوه مزيان ، او عارفين بلي مكيجي حتى كيكون المشكل عويص
توجه السانسور او دار رقم الطابق لي كان الأخير حتى توقف او خرج كيشوف فداك الكولوار الطويل لي كيدي الغرفة الإجتماعات او تمشى قاصدها حتى وصل او فتح الباب او دخل كيشوف فالكرسي لي فالراس بلا مايلقي حتى كلمة ترحيب او شئ من هاد القبيل ، بينما لي كانو فالإجتماع بدى شي كيشوف فشي او على وجوههم ملامح التوتر ، مجيتو هادي دات مغزى او لي دار شي حاجة اليوم هو يوم الحساب
عقاب جر الكرسي او جلس بعدما حط المحفظة على الطاولة او بدى كيشوف فيهم واحد واحد بنظرة باردة او يديه شابكهم تحت دقنو كيظهر أنو كيفكر او ساهي ، حتى فتح شفاهو او تكلم او هو كيشوف فموظف منهدم لابس لباس عملي كان فجانبو الأيمن ملامح وجهو زعراء او عينيه زرقين الشي لي كيثبت أنو فرنسي
عقاب بالفرنسية: أنت مطرود
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
