كتاب الأمل💜
الجزء 88
أسماء ضارت بسرعة الصوت ماغريبش عليها بينما عقاب ضار غير بطرف عينو بهدوء
أسماء ابتاسمات ابتسامة واسعة كدل على فرحها: هداية
هداية كانت لابسة كسيوة فالغوز مع شال فالأسود او كتشوف فيها بابتسامة مامتيقاش عينيها ، قربات منها او عنقاتها عندها بشوق كبير او أسماء حتى هي مبادلاها العناق الحار او كتبتاسم ، حتى طفاو الشوق عاد بعدو على بعضياتهم
هداية: غبرتي علينا حتى مابقيناش نعرفوك
أسماء باقيا محافظة على ابتسامتها: الظروف اختي
هداية شادة ليها فيديها او كتكلم بفرحة عارمة الله الوحيد لي عالم بالفرحة لي فقلبها : احسن صدفة فحياتي والله ، توحشتك بزاااف
هداية كتكلم او بقوة الشوق حسات بالدمعة غادي تنزل مي حبساتها بالابتسامة لي على ملامحها او تكلمات تاني او هاد المرة كتشوف فعقاب لي كان كيشوف فجيهة اخرى مخليهم على خاطرهم: جايا دوزي شهر العسل
أسماء حركات راسها بالنفي: لا عقاب عندو شي خدمة او جيت معاه ، او انت شنو كديري هنا
هداية: راجلي خدام هنا او انا تقريبا مستقرة ففرانسا اكثر من 4 سنين
أسماء : جيتي كضوري هنا بوحدك
هداية : لا (ضورات راسها كتقلب بعينيها حتى ركزاتهم على بنيتة صغيرة كانت كتلعب او رفعات صوتها) فااتن
البنت سمعات اسمها او ضارت كتشوف فماماها او هي تحرك ليها هداية يديها بمعنى اجي او هي جات كتجري حتى لسقات ليها فرجليها كان عمرها مكيتجاوزش ثلاث سنوات او نصف
هداية منزلة ليها عينيها: بوسي خالتو
فاتن طلعات عينيها فأسماء او هي طلع يديها ليها بمعنى هزيني او أسماء ابتاسمات ليها او مدات الصاك الهداية او تحنات هزاتها كتضحك ليها
أسماء كتشوف فهداية: تبارك الله, الله يخليها ليك (شافت ففاتن) كتحمق ما شاء الله
فاتن كتبتاسم ليها مانطقات بحتى حرف او أسماء رجعات كتهضر مع هداية كتسول على أحوالها (إلخ)او هي مزال فيديها حتى بدات كتشعبط فحال ايلا باغيا تمشي عند شي حد ، ضارت أسماء كتشوف فيمن كتشوف لقاتها كتشوف فعقاب لي كان متكي على السور مربع يديه او هي تمدها ليه
عقاب شاف فأسماء او ففاتن باستغراب حتى تكلمات
أسماء: شدها شوية بغات تجي عندك كتحرك فيدي او انا دراعي ضرني
عقاب رجع شاف ففاتن لي كتبتاسم بهدوء او هو يمد يدو شدها من عندها او فاتن تشعبطات فحوايجو او حطات راسها على صدرو واخدة راحتها او هو شادها او كيتنهد
وقت طويل او هي بين يديه او أسماء شدات الحديث مع هداية ناسيا راسها حتى بدات كتغرب الشمس او هو حدو كيشوف فيها ماباغيش يقاطعها ، بدا كيحاول ينسي الوقت مع فاتن لي فيها قوة الحركة كل مرة شادة فبلاصة حتى سمع أسماء تكلمات
أسماء: عقاب نمشيو
عقاب دار فيها ديك النظرة ديال على السلامة او هي عضات شفتها بتوتر عرفات راسها زبلاتها معاه او هو حط فاتن فالأرض او مشات كتجري عند هداية لي هزاتها او هي كتشوف فعقاب بغات تهضر معاه ولكن ماعرفات ماتقول ليه واحد الهيبة عندو ماخلاتهاش تقوليه حتى السلام ، حركات ليه راسها او هو رجع ليها الحركة او رجعات شافت فأسماء او تكلمات بابتسامة
هداية: ماحدك هنا شي نهار مرحبا بيك عندي مرة مرة صوني اولا شي حاجة
أسماء هزات براسها: إن شاء الله
شدات فدراع عقاب او تمشاو نزلو التحت ركبات جنبو فالطنوبيل او تحركو لوطيل
(بالنسبة لي ماعرفوش هداية ، راه كانت بانت فالأجزاء الأولى صاحبت أسماء كانت كتقرى معاها فالكتاب او هي لي كانت كتعاود ليها على باها باغي يزوجها ....)
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
